كل مايخص الأبتعاث والدراسه بالخارج..

[حكايه سنين]

الســـلام عليكم ورحمه الله وبركاته

أسفه على الأنقطاع لظروف الدراسه لكن الأن ولله الحمد في أجازه

بما أن المرحله السادسه فتحت وأكيد عندكم أسأله كثيره

وأن شاءالله في هذه الصفحه راح أجاوب على كل أستفساراتكم وأسألتكم وكل من أرسل لي على الخاص يسامحوني لأن ماأقدر أرسل لكم (غير مفعله )

لكن أتمنى تحطون اسئلتكم هنا وبأذن الله أرد عليكم

لكن تكفووووون لايتكرر السؤال


وأشكر اللي بالي باله هههههههههه على تنبهي أن في أعضاء ينتظرون أجابتي

الله يوفق الجميع

[عشق الورد]

يسلمووووووووووووووو اختي انا عندي اسئله واتمنى تفيديني

1-افضل المدن للابتعاث وتكون دراستهم حلوه وسهله ؟
2- تخصصي علوم مكتبات ومعلومات سابقا(علم معلومات ) وش راح ادرس لو متلا ابتعثت ؟؟
3- انا الان لا يوجد معي جواز سفر وان شاء الله راح اقدم في المرحله السادسه هل يعقني التسجيل والا عادي وبعدين اطلع ؟؟
والله يوفقك يارب
دعواتك ليه

[حكايه سنين]

المشاركة الأصلية كتبت بواسطة عشق الورد يسلمووووووووووووووو اختي انا عندي اسئله واتمنى تفيديني 1-افضل المدن للابتعاث وتكون دراستهم حلوه وسهله ؟ 2- تخصصي علوم مكتبات ومعلومات سابقا(علم معلومات ) وش راح ادرس لو متلا ابتعثت ؟؟ 3- انا الان لا يوجد معي جواز سفر وان شاء الله راح اقدم في المرحله السادسه هل يعقني التسجيل والا عادي وبعدين اطلع ؟؟ والله يوفقك يارب دعواتك ليه

بالنسبه لأفضل دول الأبتعاث فطبعا( أمريكا ) والدراسه تختلف بحسب الأستاذ أحيانا تكون سهله وأحيانا صعبه

بالنسبه لتخصصك ممكن تدرسين أي تخصص ثاني كاتسويق تمويل تأمين تجاره الكترونيه أو اي تخصص أخر تبغين تكلمين فيك ممكن حتى أدب أنجليزي وتأخذين مواد تكميليه في التخصص اللي تبغين تكملين فيه ,أنتي الحين لأزم تختارين مثل تسويق وأذا سافرتي تشوفين وش التخصصات الموجوده في جامعتك وتغيرين تخصصك ..

جواز السفر الأن غير ضروري ولكن عند تدقيق الأوراق ضروري يكون معاك جواز سفر ساري المفعول
بالتوفيق...

[seham alwead]

السلام عليكم ورحمة الله وبركاته
انا الآن ناويه اقدم على الابتعاث لكن ماعندى جواز سفر.. هل ضرورى ان يكون موجود في مرحلة التسجيل او عادى نسجل وبعدين نطلعه؟؟

[حكايه سنين]

المشاركة الأصلية كتبت بواسطة seham alwead السلام عليكم ورحمة الله وبركاته انا الآن ناويه اقدم على الابتعاث لكن ماعندى جواز سفر.. هل ضرورى ان يكون موجود في مرحلة التسجيل او عادى نسجل وبعدين نطلعه؟؟

الحين في التسجيل ماأعتقد ضروري
الجواز ضروري يكون معاك وقت تدقيق الأوراق ويكون ساري المفعول (يعني) يكون باقي على أنتهائه سنه أو 6 شهور .
بالتوفيق ..

[حكايه سنين]

أعتقد أن في خانه في التسجيل تحطين فيه رقم الجواز

هذا أذا ماخانتني الذاكره..

لكن الأفضل أنكم تطلعون جواز سفر من الحين أحتيااااط

[عطالله الحميدي]

بالنسبة للمحرم اذا كان معلم هل يتم تفريغة من عملة
وهل يستطيع ان يلتحق بالبعثة

[حكايه سنين]

المشاركة الأصلية كتبت بواسطة عطالله الحميدي بالنسبة للمحرم اذا كان معلم هل يتم تفريغة من عملة وهل يستطيع ان يلتحق بالبعثة

المعلم أعتقد أنه يستطيع أنه يأخذ أجازه ويصير محرم
لا مايستطيع الالتحاق وحتى لو درس الماستر مايعترف فيها لأنه على نطاق عمل (هذا اللي عرفته من صديقاتي)
لكن أتمنى تتاكد

بالتوفيق

[سهى بن هندي]

[font="comic sans ms"]

يسعد مسائكم جميعا:)
أنا عندي كذا سؤال أتمنى تفيديني بما إنك خضتي التجربة ... أنا طالبة تخرجي متوقع العام المقبل هل أستطيع أتقدم لطلب الاتحاق بالبعثة وأنا لازلت قيد الدراسة .... مع العلم إني أنوي إكمال دراستي في نفس التخصص ولكنه ليس من ضمن التخصصات المقترحة للبعثات ....وأفضل مكان لدراسة تخصص علم نفس عيادي
تمنياتي لك بدراسة سعيدة وعودة سالمة:)

[/font]

[حكايه سنين]

المشاركة الأصلية كتبت بواسطة سهى بن هندي [font="comic sans ms"] يسعد مسائكم جميعا:) أنا عندي كذا سؤال أتمنى تفيديني بما إنك خضتي التجربة ... أنا طالبة تخرجي متوقع العام المقبل هل أستطيع أتقدم لطلب الاتحاق بالبعثة وأنا لازلت قيد الدراسة .... مع العلم إني أنوي إكمال دراستي في نفس التخصص ولكنه ليس من ضمن التخصصات المقترحة للبعثات ....وأفضل مكان لدراسة تخصص علم نفس عيادي تمنياتي لك بدراسة سعيدة وعودة سالمة:) [/font]

لا للأسف ماتقدرين
وبالنسبه لأفضل مكان فعلى حسب الدوله اللي راح تختارينها وبعد كذا تدورين على أقوى جامعه في هذا التخصص..