بخصوص كلية ابن سينا والبترجي

[nada abdullah]

السلام عليكم ورحمة الله وبركاته ....

انا طالبة في جامعة الملك عبدالعزيز وخلصت السنة التحضيرية والحمدلله ،، كنت حاطة في بالي طب اسنان لكن ما انقبلت :)

المهم دحين بروح يا ابن سينا يا البترجي بس ابغى اعرف مين الافضل ... لو احد عنده اخوان او اقارب يدرسو في وحدة منهم يا ريت تفتوني لاني مررررررا مترددة

[شمس الربيع]

انا عن نفسي لو يقولو لي ادخلي ابن سينا ونديك كل شهر 50000 ريال برضوا ما ادخل
في رايي انها اسوا كلية شفتها في حياتي
والبترجي كلية عالمية اول ما تتخرجي منها تلاقي وظيفة في لمحة بصر والتعليم فيها افضل من التعليم في جامعة الملك عبد العزيز او ي جامعة ي المملكة بس رسومها غالية شوية
ولا يوجد مقارنة بين الاتنين
الفرق بينهم فرق السماء والارض

[Dr.Ammar]

المشاركة الأصلية كتبت بواسطة شمس الربيع انا عن نفسي لو يقولو لي ادخلي ابن سينا ونديك كل شهر 50000 ريال برضوا ما ادخل في رايي انها اسوا كلية شفتها في حياتي والبترجي كلية عالمية اول ما تتخرجي منها تلاقي وظيفة في لمحة بصر والتعليم فيها افضل من التعليم في جامعة الملك عبد العزيز او ي جامعة ي المملكة بس رسومها غالية شوية ولا يوجد مقارنة بين الاتنين الفرق بينهم فرق السماء والارض

انا ابغى اعرف بس من فين جبت الكلام !!

اتوقع اختك او احد تعرفيه يدرس في كلية البترجي عشان كذا ما شاء الله المدح

كلية ابن سينا معتمدة دوليا وبالنسبة للدراسة فيها على كلام اصحابي انها ممتازة

ممتازة لكن ما تقارن مع جامعة الملك عبدالعزيز .. طبعا عبدالعزيز احسن

العيب الوحيد الي قالولي عليه في ابن سينا ان التدريب السريري الي يبدأ من سنة رابع حيكون في مستشفيات مستواها ماهو ذاك المستوى الجيد ..

لكن عموما ابن سينا ممتازة ..

اما البترجي ما عندها اي اعتماد دولي .. واتوقع ما تخرجت منها ولا دفعة حتى الان !!

بخلاف ابن سينا اتخرجت منها دفعتين ..

الاستخارة قبل كل شي

[bint aboha]

المشاركة الأصلية كتبت بواسطة nada abdullah السلام عليكم ورحمة الله وبركاته .... انا طالبة في جامعة الملك عبدالعزيز وخلصت السنة التحضيرية والحمدلله ،، كنت حاطة في بالي طب اسنان لكن ما انقبلت :) المهم دحين بروح يا ابن سينا يا البترجي بس ابغى اعرف مين الافضل ... لو احد عنده اخوان او اقارب يدرسو في وحدة منهم يا ريت تفتوني لاني مررررررا مترددة

وعليكم السلام ورحمه الله وبركاته

هذه حبيبتي موضوع توني فتحته وإن شاء الله يفيدك ااما الأفضليه فإبن سينا أحسن ماأفتيلك والله

بس راح احاول أسألك صحبتي للأن أختها تدرس تمريض ف

http://www.skaau.com/vb/showthread.php?t=227616

[xanaza6]

ياليت اقدر افيدك, دوري بالنت عنهم وإن شاء الله تلقين معلومات وافيه, الجامعه ماتفرق ولكن الشخص هو اللي يفرق, نصيحتي اللي ترتاحين فيه هو الانسب, انا ارتحت بكلية المعماريه بهالجامعه ومررره مارتحت لها في الجامعات الثانيه؟ والحين جدا مبسوط

ربي يوفقك وإن شاء الله تخضين اللي ببالك ^_^

[تفآئلي هو سر نجآحي]

نفس السؤال ايهمآ أفضل البترجي ام ابن سينآآآء؟؟

الله يسعدكم الي عنده علم يجآآوبنآآآآ؛؛

وبآلتووووفيق؛؛

[nada abdullah]

تسلمو عالافادة كلكم لكن شمس الربيع على اي اساس بتقولي انه ابن سينا سيئة ؟!

ايش شفتي فيها ولا ايش كان السبب :(

والبترجي انا احس انها مرا كويسة والمدرسين في منهم المان وكدا بس كل الناس بتقول ابن سينا افضل وبرضو مو عارفة على اي اساس الناس بتقول انها افضل

نفسي اشوف احد دارس في الاثنين واسأل .... المهم دا الرابط موضوع عن الكلية قريتو للي يبغى يعرف شي عنها http://wadyabs.com/vb/t3912.html

[nada abdullah]

والله يوفق الجميـــــــــــــتع يااااااااااارب :)

[fanoo]

أنا اعرف عن جامعة ابن سينا انو لمن تتخرجي شهادتك توقعها جامعة كندية و صحبتي بتدرس فيها بتقول الطب فيها اقوى من جامعة الملك عبدالعزيز ^_^

[فهد الجدعاني]

أنا أقول صلي صلاة إستخارة وإن شاء الله ربي ييسرلك اللي فيه الخير يا أختي