صبـرا جميل والله المستعان عسى كل تاخيره خيره يارب..

[متفائله بالله]

السلام عليكم ورحمه الله وبركاته ..

أخواني أخواتي ..

تعبت من التفكير مدري وش السوات للحين مااعطوني المدرسه نسبتي الثانويه مدري وش اسوي وانا سجلت وكل شي والحمدالله جبت درجات في القدرات والتحصيلي

حرام تضيع سنه من عمري بسب تاخير واهمال الرئاسه والمدرسه
رحت اليوم وقالوا بكره اخر يوم في المدرسه يداومون اجي اشوف واذا مانزلت اروح السبت الرئاسه
قعدت اقول اخر تاكيد للطلب في التسجيل الاربعاء :( قول لي المشكله يقولون تقديرك جيدجدا بس مايدرون وش النسبه

ابي اسال احد صار له مثلي
والسنه اللي فاتت كان في سنه انتقالي وتاهيلي والا بس السنه ذي
لان وحده من صقيقاتي تقول بس تاهيلي ابي اتاكد يعني فيه امل لو جبت 73 والا 71 ادخل الجامعه:(

املي بالله كبير وماياست ابداااا
بس ابي اتاكد العام كان فيه انتقالي والا السنه ذي توه جديد

اخوي يلدرم تكفى رد لاتهمل الموضوع
واذا فاتني تاكيد الطلب الاربععاء يروح علي التسجيل :(


تكفوون ردوا المسلم لاخوه المسلم :(

[آجمل آنسانه]

وعليكم السلام ورحمه الله

بالله هذي مدرسه وربي يرفعون الضغط المهم

اذا تبين النسبه ادخلي على موقع الوزاره وبتلاقين نسبتك هناك

[Mr.Ambitious]

روحي اشتكي عليهم

لا تسكتي عن حقك

[نداء الحربي]

http://86.51.174.18/EMSResults/

اختي دخلي رقم هويتك بالسجل المدني وان شاءالله تلاقين نسبتك

[باقة ^_^]

^^

ايه دخلي رقم الهويه وان شاء الله تلاااقين السسبه

والله ييسر لك ياارب

دعوااتك يقبلووني انتظاام :(

[متفائله بالله]

دخلت ومايطلع لي شي كاتبين تم ايقاف نشر النتائج ورحت المدرسه ومااعطوني وجه :(

تكفووووووووووووووووون افيدوني وش اسوي :(

يارب يافارج الهم ياكاشف الهم فرج همي ويسر امري وانت اعلم بضعفي وقلة حيلتي
الله يدخلني وبنات المسلمين وشباب المسلمين الجامعه ويعين كل محتاج

صلى الله وسلم على سيدنا محمد عليه افضل الصلاة واتم التسليم

[باقة ^_^]

^^
والله ما ادري الله يكوون بعوونك

والله ييسر لك طيب رووووووحي للرئاسه


الله ييسر لنا يااارب

[متفائله بالله]

السنه اللي فات كان فيه انتقالي والا السنه ذي بسسس

ردوا تكفون وهل نسبة 70 وفوق يقبلون والا لا :(

[نداء الحربي]

ياخيتو القبول على حسب نسب الدفعه الغالبيه العظمى كم تكون نسبتهم وعلى هذا الاساس
هذا اللي اعرفه اما بالنسبه لشهادة الثانويه ارسلي رساله خاصه للعضو يلدرم يمكن يقدر يساعدك كيف تعرفين نسبتك
الله يسهل لك

[متفائله بالله]

نداء للحين مالقيت الحل لاعند الاخ يلدرم جزاها الله الف خير وجعل مايقدم في موازين حسانته

بس الله يفرجها
دعواتكم
مستحيييل يعني البنات اللي العام دور ثاني ماسجلوا في الجامعه والا كيف