السنة التحضيرية - استفسارات عاجلة - !

[Eman al-hindi]

السلام عليكم ورحمة الله وبركاته ..
كيف الجميع ؟ إن شاء الله بخير ^ ^

عندي كم شغلة بدي أستفسر عنها ضروري .. أول شي بخصوص الدراسة ..

ففي مسارين فقط للسنة التحضيرية يا علمي يا أدبي لكن في جامعة طيبة تختلف مواد السنة التحضيرية للعلوم الطبية عن العلوم التطبيقية فإيش الفرق؟ وفين الأفضل والأسهل برايكم؟ ( يعني إيجابيات وسلبيات كل واحد :D )

تاني شي .. أنا للآن محتارة بين الطب والعلاج الطبيعي والحمدلله معدلي عالي ،
لكن هل أقدر أدرس السنة التحضيرية في المدينة وبعدها أحول لجدة علاج طبيعي؟
أو أدرس التحضيرية في جدة بعدين أحول لطيبة طب؟

وإيش أفضل بالنسبة للطب طيبة ولا عبدالعزيز؟ وإيش نظام الدراسة ؟ التقليدي ولا حل المشكلات؟

::


وشكراً لكم .. بانتظاركم

[عَـــهـــد]

على حد علمي انو العلوم الطبية هي التمريض والاشعه والعلاج الطبيعي

لكن العلوم التطبيقية هي الفيزيا والكيميا ........


فيعني اتوقع انه السنة التحضيرية لكل وحدة فيهم خاصة بالتخصصات اللي تشملها


والله حكاية التحويل مااعرف عنها شي

بس احسلك اختاري الكلية الي تبي تدرسي فيها وكملي للنهاية

ماتضمي التحويل ايش يسير فيه

والله يوفقك :)

[فتى تثليث]

انصحك بالملك سعود السنة التحضيرية فيها احسن

[Eman al-hindi]

عهد :
في عزوز بس في مسارين للسنة التحضيرية
العلمي والأدبي .. في طيبة يختلف ^ ^

فتى تثليث :
من أي ناحية ؟
بعدين إيش يوديني الرياض عشان سنة وحدة بس ><

[السندوي3]

الله يعينك ربي ويوفقنا وياك .....حتى انا محتار زيك لكن مالها الا الاستخاره ...

[NNOOSH]

وعليكم السلام ورحمة الله وبركاته..الحمد لله تمام
بالنسبه للاختلاف المواد في عزوز وطيبه اكيد في اختلاف مدام انها سنه تحضيريه ازا في مكه غير فما بالك في المدينه
وبالنسبه للتخصص ف انتي ما تقدري تخشي الا بعد السنه التحضيريه تجيبي معدل عالي ان شاالله ويخصصوكي في التخصص اللي جبتي على قد معدلك
اما بالنسبه للتحويل ازا كان طب فما تقدري الا بعد ما تدرسي سنه في التخصص اللي اتخصصتي ويكون اضمن واحسن ليكي بدال ما تكرفي من اول وجديد
دا اللي انا اعرفو ... اتمنى اني اكون افدتك حاجه

[منافس إلى آخر رمق]

في جامعة الطائف بدون سنة تحضيرية ولاهم يحزنون , بس يبغالك موزونة جبارة , قدمي وشوفي حظك فيها

[طالبة.مجتهدة]

المشاركة الأصلية كتبت بواسطة منافس إلى آخر رمق في جامعة الطائف بدون سنة تحضيرية ولاهم يحزنون , بس يبغالك موزونة جبارة , قدمي وشوفي حظك فيها

مو كل التخصصات بدون موزونة....
في 3 تخصصات يبيغالها نسبة موزونة...
تربية خاصة
انجلش
ما افتكر التالتة...
وعلى حد علمي ما عندهم طب...
ترى جامعتهم مرة خايسة كنت حروحها بعدين بطلت....

[Eman al-hindi]

نسبتي الموزونة فوق الـ 90 ، حقدم إن شاء الله
لكن فائدة السنة التحضيرية في تقوية اللغة الإنجليزية .



شكلو من البداية أحسن أكمل في عبدالعزيز ، يلا الله ييسر اللي فيه الخير ، وشكراً ليكم :)

[منافس إلى آخر رمق]

اذا تبغين تكوني ناجحة في حياتك الجامعية ولما تدخلي التخصص تبدعين فيه فأنصحك التحقي بجامعة عبد العزيز

اما اذا تبغين تضمنين تخصصك وتدخليه بدون سنة تحضيرية وتعب شوفي الجامعات الثانية

قدامك طريقين اختاري واحده منهم .