اتمنى الرد ضروري

[D.Roody]

السلام عليكم
حابه استفسر عن كم سؤال كدا
دحين انا قدمت في الجامعه مسار علمي وادوني موعد يوم الربوع الساعه 11
بس خايفه ما انقبل وانا من المدينه فخايفه اضرب مشوار عالفاضي
وهل فيها مقابله شخصيه او لا وازا في متى بالضبط ؟؟

وكم لازم يكون معدلي عشان ادخل طب او صيدله انو علوم طبيه ؟؟

امانه لا تتاخرو في الرد عليا
وشكرا

[جامعيه2009]

إذآ أعطووكي موعد اكيييييد رآح تنقبلي ..
وبالنسبه لأول سنه تحضيريه .. بتكوني مسار علمي
وبعد السنه التحضيريه يصير خير وتختاري الكليه اللي تبغيهآآ ..
ومآآفي مقابله شخصيه .. بس تسجلي وتاخذي بطاقتك ..
بالتوووفيــق =)

[D.Roody]

طيب انا خايفه اني ما اجيب معدل
بايش تنصحوني اني اجلس في المدينه وادخل علوم اغذيه
او اني ادخل في جده واتكل على ربي
مع العلم بصعووبه المعيشه في جده
واهمها بعدي عن اهلي

[Ma7a]

^ ^ ^ ^
ازا انتي ضااامنة في المدينة انك حتدخلي التخصص اللي انتي تبييه فارووحي للأضمن
دا رأيي =)
والله يوفقك ويسهلك

[D.Roody]

المشاركة الأصلية كتبت بواسطة ma7a ^ ^ ^ ^ ازا انتي ضااامنة في المدينة انك حتدخلي التخصص اللي انتي تبييه فارووحي للأضمن دا رأيي =) والله يوفقك ويسهلك

لا لو انا ضامنه المدينه كان جلست وانا مغمضه
لاكن انا نفسي في طب وانا نسبتي في المدينه 80.80
والطب طالب نسب الين 80 بس طبعا يقفل على 83 تقربيا
ويخلو مكان للواسطات
فحطيت خيارتاني ليا في المدينه انو ادخل علوم اغزيه

انا تقديمي في المدينه الاتنين للصحه ولو ما انقبلت حاجي جده يوم الربوع
بس انا الي مرددني اني ما اجيب معدل عالي ويدخلي طب او صيدله او علوم طبيه
عشان كدا ابغى اعرف المعلات الي يطلبوها عشان اقرر

[Ma7a]

هنا القبول في الكليات على اساس المعدل الموزون للسنة التحضيرية
السنة دي الطب وقف على 92.666 والطب الموازي 90.111

هنا ماعرف كيف حيكون وضعك..ماعرف ازا حتلاقي مكان في الجامعة ممكن في فرع البنات
لانو في اسبوع المراجعة اول ايام ياخدو النسب الاعلى بعيدين بنزلوو
فا عباال ما يجي الربوع ماعرف والله *_*
ما ابغا احطمك بس عشان تكوني عارفة كل شي..

انا افتكر كان يوم المراجعة ليا يوم التلوت ونسبتي الموزونة كانت 81.14
فا لقيت المتاح بس تأهيلي علمي - فرع البنات علمي - اداري وانساني انتظام
ودخلت تأهيلي الحمد لله

انتي شوفي كيف والله ييسرلك =)

[D.Roody]

انا نسبتي 83.18
فاعتقد اني انقبل ان شاء الله بالراحه
بس انا الي اعرفو انو المعدل من 5 كيف انتي كاتبه 92 و 90
اتمنى توضحي اكتر وشكرا

[Abdulrahman alqahtani]

اهلا اختي d.roody

انا باعلق على نقطة المعيشه

انا اقول لو تجلسين في المدينة والله ابرك واحسن لك

انا ولد وتعزبت العام والله ما كملت على طول رجعت وسجلت في عزوز

انتي اتكلي على الله وصلي استخارة وربنا يكتب اللي فيه الخير

تحياتي..!

[D.Roody]

مو انا هادا الي مرددني

[Ma7a]

ايوا المعدل من 5 بس هما لمن يجو يحطو الناس في الكليات ماحيكون على اساس المعدل دا
حيكون كمان في شي اسمو ((نسبة موزونة)) للمواد حقت السنة التحضيرية..

الله يسهللك ونسبتك كويسة ما شاء الله,,بس اتأكدري روحي لطيبة وشوفي هما ايش ممكنن يقبلوكي من اللي انتي بيغيه..