بخصوص مبنى الشرفيه للتحضيري

[lovelorn]

السلام عليكم ورحمه الله وبركاته

اعزائي الافاضل

انا حابه استفسر بخصوص اختي الصغرى ..

اليوم اختي راحت الجامعه وقدمت بمبنى 29 و هي علمي ...

وتم قبولها ,,, الحمدالله ...

و خيروها بين تكون تحضيري انتقالي بالسلمانيه و بين انه تحضيري مسار علمي عادي بالشرفيه ...

وقالوا لها انه عادي ممكن تتخصص بأي قسم من جامعه الملك عبدالعزيز من طب وكيمياء وكل الاقسام اللي بالجامعه في عبدالعزيز ... واستفسرت وكل حاجه .. واكدوا انه عادي وانه مو تبع كليه التربيه ... وانه تدرس نفس المواد اللي يدرسوها في السليمانيه وكل حاجه ...

واختي اختارت اللي بالشرفيه ...

بس انا بستفسر انه اول مرة اسمع كدا .. وانه الناس اللي درسوا تحضيري بالشرفيه السنه اللي فااتت ... عادي اتخصصوا بالاقسام الجامعه من علوم و طب وصيدله ...


ضروري اللي عارف يجاوبني ...

[M!sS.boOona]

شوفي حبيبتي احنآ السنه اللي فاتت كنآ بالفيصليه بس دي السنه حيخلووهآ في الشرفيه
وعآدي نفس دراسة الجآمعه ونفس الاختبارات وكل شي وهما تبع الجأمعه مو كلية التربيه ..
وأنا دحين اتخصصت علوم في السليمانيه الحمد لله (=
يعني هيآ بعد ما تخلص التحضيري تختار القسم اللي تبغآه في السليمآنيه أو الفيصليه ~

بالتووفيق ..

مع التحيه ::بوونآ

[lovelorn]

طيب مررة شكرررا يا اختي

طمنتي قلبي .. الله يسعدك دنيا واخره ..

و ربي يوفقك يا قلبي ويسعدك ... :)

[M!sS.boOona]

المشاركة الأصلية كتبت بواسطة lovelorn طيب مررة شكرررا يا اختي طمنتي قلبي .. الله يسعدك دنيا واخره .. و ربي يوفقك يا قلبي ويسعدك ... :)

العفوو يا عسل .. ما سوويت شي (:

يااارب وياااك ~

وبالتووفيق .. ان شاء الله تنبسط اختك في الشرفيه

[رنيم سليمان]

المشاركة الأصلية كتبت بواسطة lovelorn بس انا بستفسر انه اول مرة اسمع كدا .. وانه الناس اللي درسوا تحضيري بالشرفيه السنه اللي فااتت ... عادي اتخصصوا بالاقسام الجامعه من علوم و طب وصيدله ...

نعم ياغالية

تكرر هذا السؤال

وأعود بقولي أن نظام الكليه وإخراجه " لمعلمات فقط "

كان من الماضي والآن أصبح مثله مثل الجامعه يحمل التخصصات باختلاف الفروع



مُبارك لها = )

[كـت كـات]

طيب لوسمحتو بس ممكن سؤال

انا كمان امس قفلو عليا الانظام فالسليمانيه ورحت الشرفيه انتظام

مني فاهمه يعني هوا مبنى بس للتحضيري ولا فيه اقسام لبعد السنه التحضيريه

وكم لازم نجيب معدل عشان ينقلونا

وفين موقعها بالظبت

الله يسعدكم الي يعرف يقلي

[moolyshark]

ياسيتي مبنى الشرفيه للتحضيري بس مافي تخصصات انتي بعد ماتخلصي التحضيري وتنجحي في كل المواد تدخلي القسم على حسب النسبه حقك
اما بالنسبه انو كم تحتاجي تجيبي نسبه ما اعرف بالزبط بس انا جبت 3 ودخلوني علوم في السليمانيه انتي المهم تنجحي في كل المواد عشان مايرموكي في اي مكان
والله يوفقك و تدخلي الي تبغي ^^

[كـت كـات]

المشاركة الأصلية كتبت بواسطة moolyshark ياسيتي مبنى الشرفيه للتحضيري بس مافي تخصصات انتي بعد ماتخلصي التحضيري وتنجحي في كل المواد تدخلي القسم على حسب النسبه حقك اما بالنسبه انو كم تحتاجي تجيبي نسبه ما اعرف بالزبط بس انا جبت 3 ودخلوني علوم في السليمانيه انتي المهم تنجحي في كل المواد عشان مايرموكي في اي مكان والله يوفقك و تدخلي الي تبغي ^^

ربي يديكي العافيه ويسعدك ياشيخه
والله من الي سمعتو من الناس كنت ابا اسحب واغير الجامعه بكبرها بس الحمد الله الحين ارتحت لما عرفت انو بس مبنى للتحضيري

[وهم الاموووره]

مساء الخير
والله يا بنات ريحتوني كنت خايفه من اني اروح الشرفيه وبعدين يخلوني هناك على طول ماكان عندي خلفيه مرا عن الفرع لان كمان حقدم على السكن وطبيعي حيكون قريب من الفرع يعنى مبني صغيرون على قدنا
بس بجد ادعيلكم من قلبي الله يوفقكم ويسهل اموركم فين ماتروحو زي ماريحتوني كنت بقلق مستمر لمده اسبوع وبكرا موعدي
ومتردده بين الفرع الي بشرفيه انتظام
او
السليمانيه انتقالي
بس الحين بكل اراده حختار الشرفيه ويارب اجيب معدل(علمى)

[3RO.OB]

اللي بكرة موعدها في الجامعة الله يسهل لك ويوفقك .. ولا تخافي انا كنت زيك خايفة وكنت راح اختار السلمانية لأن كل زميلاتي هناك.. بس بعدين اخترت الشرفية .. وخلاص هيا سنة وتعدي على خير.. أهم شيء استمرار الحياة ونحقق احلامنا