منتسبة متوهقة (^_^)

[geen]

السلام عليكم
بدون ايطاله عليكم
انا منتسبة متوهقة لاني قدمت على الانتساب بشهادة الثانوي لاني اعتقدت انو ماراح يقبلون غير بشهادة الثانوي لكن انا حاصله على شهادة بكالوريوس رياضيات بس ابي ادرس لغات وترجمة
تم قبولي وانتهت كل امور تقديمي
السؤال هل ممكن الان يعادلون لي الشهادة بدل ماادرس من جديد او خلاص ماينفع
ارجو مساعدتي
وجواكم الله خير

[مشاري الرياض]

عليكم السلام ....

شلون يعادلون لك .. قصدك يعادلون لك بعض المواد اللي درستيها بتخصص الرياضات

اذا قصدك كذا ... ماراح يعادلوون لك شي ...

* طيب ليه ماتكملين ماستر .. أفضل ....

[جار القمر]

اختي روحي لعمادة القبول والتسججيل واعطيهم شهادتك ان شاء الله يعادلون لك بعض المواد

[geen]

مشاري الرياض
جار القمر
اشكركم اشكركم اشكركم من كل كل كل قلبي على ردكم
مشاري الرياض بالنسبة للماستر حاولت وحسيت نفسي ماابي او مو قادرة والله مو عارفة اشكرك على تشجيعك
اما ياجار القمر فكرة اروح لعمادة القبول والتسجيل فاشكرك من ك لقلبي راح اروح
وياليت الي صار معاه مثلي يعطيني خبر وش راح يسوي وجزاكم الله كلكم خير

[989898]

ليش ماتاخذي دبلوم تربوي في التربية الخاصة او ماستر اذا فية في التربية الخاصة احس لهم طلب في التعيين

[geen]

اشكرك من كل قلبي الله يجزاك الجنة والله فكرة بسال عنها ان شاء الله

[geen]

ياليت بعد الي عنده فكرة عن مشكلتي يساعدني اكون ممتنه له بعد الشكر لله تحياتي للجميع اشكركم من كل قلبي

[فتى الأحلام]

والله نصيحه لله مو في صالحك تدرسين البكالوريوس من جديد ...
بصراحه اول حاله اشوفها ..
حاولي تكملي دراسات عليا واذا ما قدرتي حاولي دبلوم تربوي ولا دبلوم فئات خاصة ..
وكمان مو مشكله لو اخذتي مدرسة اهليه ولو كان الراتب ضعيف بس اهم شي تاخذين خبره تزيد نقاطك لمن تقدمين على الديوان ....
دمتي بود ...

[سامي الشمري]

شكلك تبين تهيضيننا

يادوووب نخلص الجامعه وانتي مسجله من جديد ...

سوري

ولكن اول مره اسمع هالشي ..؟

طيب عندي حل ..!

إذا نتي مادفعتي الرسوم بإمكانك تشطبين عليهم واذا دفعتيها بإمكانك تستردينها

وتسجلين عندهم ماستر

والله يا إختي نصيحه إذا كانت ضروفك تسمحلك الماستر كلها 8 مواد ..
على قولت المثل عندنا ( غمض فتح ) وإنتي خالصه ..؟ هههههههه <<

وإذا اخذتي الماستر مو تنتظرين الديون يعين لا ..

تتشرطين تشرط .. او تكونين محاضره في إحدى الجامعات


الله يوفقك

[الاداري سلطان]

الغريبه انهم قبولك

وعندك شهادة جامعية بكالريوس رياضيات

احس مشوااار تدرسين مره ثانيه

اتوقع انه قبول مبدئ الين يشووفون اوراقك وشهاداتكم