أطلب مشورة أهل الرأي، أنا طالبة ماجستير وقدمت على الابتعاث.

[العصماااااء]

السلام عليكم و رحمة الله و بركاته

احب اطلب رايكم انا خلصت مواد تكميلية و باقي لي مادة واحدة و الحمد لله حققت شرط اللغة

بس الظروف هذي السنة توفرت اني اقدم بعثة و قدمت بس مترددة و نزل اسمي , قدمت طمع في ان

الشهادة اللي من برا تكون مقبولة اكثر اثناء التقديم للاعادة بالجامعات و ثاني شيء انو اخاف لو

استمريت هنا بالجامعة تكون فترة دراستي اطول من لو رحت للبعثة لانو شفت بنات كثير اخذو 4 و

ممكن 5 سنوات في الماجستير, المدة حوالي سنتين و ممكن تزيد هنا بالجامعة زي ما قالت لنا المرشدة

الاكاديمية الزيادة زي ما قالت غالبا أثناء الرسالة .



كمان أصل السجل الاكاديمي أقدر اطلبه من الجامعة و ارجعه عشان مطلوب للتدقيق و بعدين ارجعه

للجامعة

ما ابغى اخسر قبولي فيها لو غيرت رأيي عن البعثة .


جزاكم الله خير شوروا علي

[شواطئ البحر]

وعليكم السلام عصماء
صراحة معرف أذ شهادة برا أفضل من هنا
بس أللي أقدر أقولك عليه قدمي أوراقك للمطابقة لأنو الدراسة في خارج تقريباً بتكون السنة الجاية بشهر 6 أو 7
وبكذا يكون خلصت ترمين في جامعة عبد العزيز
ومنها عندك وقت تفكري لو تنسحبي وتروحي تدرسي براء

السبب في أطالة المدة في شخص نفسة بينزل في ترم مادتين فقط وبكذا أكييييييييييد بتطول المدة

ومواد الماجستير كلها 10 مواد تقدري تخلصي في سنة ونصف
وشغل الرسالة قولي سنة وتخلصي
وكذا تتخرجي بسنتين ونصف بأستثناء السنة التكميلية

[العصماااااء]

جزاك ربي الجنة


بالنسبة للشهادة أنها أفضل سألت مدير الجامعة اللي ابغى فيها قال نفضل الدراسين بالخارج


طيب ما عندك فكرة لو طلبت من الجامعة أصل السجل الاكاديمي بتعطيني و بعدين أرجعه لهم

[شواطئ البحر]

السجل الأكاديمي تبع البكالوريوس معاك مايأخذو الأصل
وتقدري تطلعي سجل أكاديمي تبع مواد أللي تدرستية خلال سنة (في ماستر) من مركز الشامل في عمادة القبول والتسجيل بجنب الحضانة وما يحتاج ترجعينو

[عماد الحسن]

موفقين إن شاء الله أختي http://www.skaau.com/vb/member.php?u=45347

رأي أختكم http://www.skaau.com/vb/member.php?u=47302 هو الصحيح وهو أن تستمري في الدراسة وفي نفس الوقت تقدمي للابتعاث وتواصلي معاهم، وفي آخر لحظة يمكن أن تقرري الأفضل لك وتختاريه ... دعواتنا لكم بالتوفيق.

[العصماااااء]

جزاكم الله خير

ان شاء الله بكمل هذا الترم في الجامعة و بعدين أقرر

السجل الأكاديمي أخذوا الأصل هم قالوا لي وقتها هذا يكون عندنا

[مس أسيتون]

الله يوفق لك خير أنا أييد كلام أختي شواطئ البحر

[شواطئ البحر]

المشاركة الأصلية كتبت بواسطة العصماااااء جزاكم الله خير ان شاء الله بكمل هذا الترم في الجامعة و بعدين أقرر السجل الأكاديمي أخذوا الأصل هم قالوا لي وقتها هذا يكون عندنا

غريبة ماأخذو مني
بس مو مشكلة روحيلهم وخذيه

[علوم فلكية]

موضوع مصيري و محير .. انا كنت ناوية اقدم على الابتعاث بس خفت من الحيرة
كملي في الجامعة الى آخر الوقت و بعدين قرري بعد ماتستخيري
لكن اذا قالتلك العميده انه الدارسين برا افضل , و عندك قدرة انك تسافري للخارج فأعتقد انك تدرسي برا افضل
الله يوفقك

[ام تيم]

المشاركة الأصلية كتبت بواسطة علوم فلكية موضوع مصيري و محير .. انا كنت ناوية اقدم على الابتعاث بس خفت من الحيرة كملي في الجامعة الى آخر الوقت و بعدين قرري بعد ماتستخيري لكن اذا قالتلك العميده انه الدارسين برا افضل , و عندك قدرة انك تسافري للخارج فأعتقد انك تدرسي برا افضل الله يوفقك

ريحتيني من الكتابة الله يريحك

نفس ماكنت افكر ونفس ما أريد كتابته للأخت العصماء

وبصراحه انا ناوية ع الإبتعاث من زمان
و ودي ودي اعرف أحد درس الكيمياء برا ورجع
هون و ظفوه؟؟!!

ياليت من عندها خبر تقول وتكسب أجر.. في تنويرنا