يا جماعة وش اسوي بخطي شوفولي حل :(

[الفتى]

خطي بالانجليزي بيجيب فيني العيد , خاصة ان كل المواد المتبقية لي مواد أدب وش اسوي ؟؟؟

حملت مادة مقدمة بالأدب الترم هذا وزعلت وضاق صدري وقمت مسكت القلم وكتبت كلمتين

بالانجليزي وناظرت في خطي قلت ما ينلام الدكتور يومه يعطيني ابو جلمبو انا لو اني دكتور

وعندي طالب خطه مثل خطي ما اخليه يحمل الماده بس لااا احكم عليه ثمانين جلده بسوق الخضرة ..

وزيادة على ردات الخط ضعف سبيلنغ .. انا اشوف نفسي شاطر بالمحادثات بلبل اذا سمعتوني

وانا اتكلم ما ودكم اني اسكت :(

تكفون اللي عنده طريقة لتطوير الكتابة لا يبخل علينا ..

[يسوم طالبة عنجليزي]

انا اقوللك وش رايك تدور خط من خطوط زملاءك او اوراق عندك مصورة من زمان فيها خط حلوو
وتقعد تقلد الخط وتكتبت مثله... وتبداء تغير اسلوب كل حرف تحسه كتابتك فيه غلط تصير تحاول تكتبه بطريقه اوضح ..وكل ماكتبت كلمة بخط مو واضح ترجع تمسحها وتعيدها ماتخليها كذا وتروح ....

اتمني اكون افدك....

[سلطان نجد]

المشاركة الأصلية كتبت بواسطة الفتى انا لو اني دكتور وعندي طالب خطه مثل خطي ما اخليه يحمل الماده بس لااا احكم عليه ثمانين جلده بسوق الخضرة ..

ههههههههههههههههههههههههههههههههههههههههههههههه
الله يوفقك وان شاء الله الترم الجاي تعديها
بالنسبة للخط هذا شي من الله ماتقدر تغير خطك 100%
ولكن مافيه شي مستحيل انت حاول تكتب امرار وتكرار
وان شاء تمشي معاك ويتحسن خطك ولا حاول تغير ناديك اللي تشجعه
يمكن هو السبب مو يمكن الا اكيد

[حنين الود]

بإمكانك تحسين خطك إن شاء الله بس أكيد مو تغيير.. أهم شي الكتآبه أكتب فقط نصف سآعه يوميآ ..وحآول تكتب بسرعه لأن وقت الإختبار أكيد حتكون مضغوط والوقت مايكفي ومتوتر حتنسى أي شي تدربت عليه ببطء ..
أكتب وخلي خطك وآضح مو مهم جميل أهم شي وآآآضح ..يعني حروف الكلمه نفسها تكون قريبه من بعض وبين كل كلمه وكلمة تترك مسافه حرف وآحد ..الحروف تكون بمستوى وآحد ..إختيار القلم يؤثر جدآآآ ..حآول تكتب بالقلم السآئل ..عشآن تضبط خطك أكتر ..لأن بالجآف ترتآح وترخي اليد وبالتالي يسوء الخط ..ومشكلة الإملاء وهي الأهم إقرأ الكلمات قرآءه جيده وببطء مثلا لو عندك قصه ماحتقعد تتدرب على كل كلمة وتضيع وقتك ..لأنو حيكون عندك المقدره على معرفه الكلمة الصحيحه إن شاء الله مع القرآءه بتركيز ..تقرأ الكلمة وتركز بس فيها وإرجع أكتبها في ورقه من غير ماتطالع فيهآ ..وحتطور نفسك كتييير..أهم شي التركيز ..وربنا يوفقك وتنجح الترم الجي في مقدمة الأدب بتفوق ..

[غروب ج]

السلام عليك ايها الفتى اتوقع نفس المشكله عندي لكن وضح مشكلتك قواعد او سوءالكتابه ؟؟؟