طلبتكم لا تردووني

[وعد..]

اول شي سلام ثاني شي انا حطوني في الخطه ب وما اعرف احد معايا ومرره نفسيتي تعبانه من وقت ما عرفت وودي اغير خطتي بلييز في احد يعرف احد في العماده ممكن يساعدني او في احد حاب يغير الخطه تبعو عشان نتبادل والله اللي حاتساعدني محا انسى معروفها طول عمري

[بو حجه]

يا اخت وعد اول شي ما فيه حاجه اسمها ابدل خطتي بخطتك

ماهي مبادله سيارهـ!!!!!!!!!!!!!!!!!!!

وبعدين انتي خطه ب


ما اقصد احطمك لاكن ما تقدرين تحولين لخطه أ


لاكن ترا كلها سنه وحده الي هي السنه التحضيريه

بعد ما تعديها يسيرون يصرفون لك مكافأهـــ واي خدمه انا تحت امرك


وخلي سالفه الاحباط على جنب لانه وقت جد ودراسه ماهو احباط!!



بالتوفييييييق

[وعد..]

مشكــور على ردك أخوي

[هيدرانجيا]

موفقه قلبو ولاتشيلي هم وحتلاقي صحبات مع الوقت ^_^


بالتوفيق

[Dr. toma]

مافية تغييير خطط واصلن انتي كلها حتمري عليها

و ياوعد يمكن هادي خيرة من ربنا صديقيني
انا كنت زيك الخطة الاولى كانت خطة ب بلعكس احسها امتع
والأتنين نفس الصعوبة ..
أتمنى اكون افدتك ..

[أم منوله]

ياقلبي حتى انا خطه أ ومااعرف احد مو لازم حاولي تعدي
السنه دي وبعدين ان شاء الله بتكونو مع بعض ..
ومع الأيام حتكوني صداقات ..
انا درست سنتين بالمدينه وماكنت اعرف احد والحمدلله اتعرفت هناك..
لاتشيلي هم ياقلبي..

[ǁ غــلأآإ ، رٍوٍحــي ǁ]

^^
لو فرضآآ الجآمعه وافقت تحولي خطتك < طبعا هالشئ مافي بسس نتخيل صار ..
هل تضمني تكونوآ نفسس الكلآسات ونفس الشعب ؟.!
مسسسستحيل .. ياأختي حتى لو نفس الخطه يمكن مو نفس الكلآس ومو نفس الاستازات
هذي جآمعه مافيها ابغى صحبات الثانوي ،
لازم تشوفي صحبات مؤدبات وخلوقات وفيه كثير الحمدلله وراح تتعود عليهم مررة

وخلي الاحباط ، وانتبهي لمستقبلك :)

[جروح صامته]

ياقلبي ياوعوده اله يوفقك وييسرلك ......... وانا مع اراء الاخوات ترى بالجامعه تتعرفين على البنات بسرعه

بالذات اذا كنتي بطبعك اجتماعيه او غير كذا والبنات الكويسين والطيبين موجدات ....... وماتفرق سواء كنتي خطه

أ او ب كلها دراسه وكذا ولاكذا حتمري على كل المواد فانتبهي لمستقبلك ياوعوده ودعواتي لك بالتوفيق

[دومينيك]

حبيبة قلبي نفس الاحساس وربي
بس زي ماحكيوا الصبايا
اكيد راح نتعود ونكون صداقات جديده
وسبحان الله ممكن خيره من ربك ماتدري
انتي انتبهي لدراستك وخلي الباقي
على ربك

[وعد..]

بجد كلامكم ريحني كثيير لأنوو مرره كنت خايفه مرره يسلموو وربي يريحكم زي ما ريحتوني