استفسار عن مادة chs231 ( صحة الفرد ) ؟؟ << ضروري بلييز

[Ran..XX]

السلام عليكم جميعا = )

انا لسى مستجدة في الكلية .. ومااعرف شي عن موادها
و انا حابه استفسر عن مادة صحة الفرد ch231 ؟؟
كيف طبيعة المادة ؟؟ سهلة او صعبة ..؟؟ ومين افضل استاذة تدرس هذه المادة ؟؟

[noona]

شوفي ياعيوني

الماده هذي انا درستها بداية الترم تقريبا شهر وما كملت الترم اعتذرت عنه

بس الماده دسمه وفيها معلومات كثير بس مو صعبه اغلبها من حياتنا اليوميه

ومره مره مفيده وفيها معلومات حلوه وتستفيدي منها كل يوم

لكن من ناحية المذاكره فيبغالها اول بأول وتركزي بكل حواسك في المحاضره

لانو اغلب اسئلة الاختبار تجي من معلومات المحاضره مو من الكتاب

وغير كذا واجباتها بسيطه لكن كثيره يعني تقريبا كل اسبوع

انا اخذتها مع هدى كان شرحا جدا رائع وممتع

وهذا الترم نزلتها شعبه ba لكن ماعرف مع مين ..

هذا اللي عندي ياعسل اتمنى اكون افدتك ..

[بطووووطه]

.
.

و عليكم السلام ..

مادة صحة فرد متطلب لكل بنات الكلية ..
يعني لاتفكري سهلة أو صعبة لأنه لازم تاخديها <.<
أنا الترم الفايت اخدتها مع د.نداء جمبي .. و من كتر ماكانوا البنات يخوفوني منها و من أسئلة اختباراها .. كنت مستعدة لها ..
بس انطباعي عنها انها حبوبة و شرحهااا مراا حلوو .. و من دحين اقولك انه اختبارها مايجاوبو عليه إلا اللي حظروا الدرس .. لأنه نصه ثقافة أكثر من حفظ المادة .. و نص اختياري ..
صراحه كل البنات ماعجبتهم و ما اكدب عليكي كتير راسبين .. لكن الحمدلله أنا مشيت معاها و عاجبتني و اخدت a

وبالتوفيق لكِ ..

.
.

[Ran..XX]

يسلمووو ياعسولات ع الرد ..

بس انا ابغى اعرف اذا صعبة او لا .. لاني مررة تعبت في التحضيري
وهذا الترم ماابغى ضغط مررة و ابغى مواد اقدر ارفع فيها معدلي ..

[Ran..XX]

وماعندي غير خيارين .. ياصحة فرد او مهارات تفكير
ايش رايكم اختار ؟؟

[بطووووطه]

.
.

التحضيري العلمي معرووف انه صعب ..
و على افتراض انك كنتي علمي .. فالمادة دي سهلة عليكي ..
لو انتي تجي كل المحاظرات و مهتمة .. حقولك انك حتمشي فيها و تكون حلوه لك ..
مع العلم انه د.نداء جمبي تطلب:
( بحث رئيسي + أدوات تثقيف صحي + عرض باور بدون شرح و تقديم + واجب لينكات ) كلهم على بعضهم عاادي يعني مو سهل و لا صعب ..


مهارات تفكير .. أسهل .. بس لو تحبي تحفظي لأنه كلها حفظ
لكن إسألي عن الأستاذات اللي يدرسوها .. اكيد من وحدة لوحدة يفرق ..

.
.