د:صالحة بنتي اللي تعرفها تدخل

[الصبروالجنة]

بنات هي طيبة
تشرح
اسئلة الاختبارات والواجبات معقدة ومقالي
اسلوب تعاملها
وشكرا على رد

[شمعة مضيئة]

هلا اختي

د. صالحة درستني السمستر اللي فات مبادئ نظم
صراحة هي كويسة وشرحها تمام تركز في الشرح على الرسمات اكثر شي
طبعا هي ماليزيه وتشرح بالانقلش يعني لو انتي كويسه في الانقلش حتمشي ان شاء الله
بالنسبة لواجباتها مرررره ما عجبتني اعطتنا 3 واجبات تكتبين تقارير عن شركات وشي زي كذا ما افتكرها كلها عن ايش كانت
لكن كانت تقسمنا قروبات ونحلها مع بعض
اما اختباراتها كانت تجيب اختياري و4 او 5 مقالي لكن المقالي من الكتاب واضح وعليه نص الدرجه
اذا كانت تديك نفس الماده ذي فالمادة طويييييييييييييييييله فاحفظي اول بأول نصيحه ولا تحلمين انها تحذف شي

تقسيم الدرجات
15 دوري
20 لاب
25 واجبات
40 نهائي

واي خدمة انا موجودة

[الصبروالجنة]

مشكورة اختي شمعة مضئية بس هي اعطتكم درجة الواجبات 25 كاملة والا نقصت البنات درجات
تانية شيء درجات الاختبارات البنات عالية والا وسط
تالثا لهجتها واضحة البنات يفهموا
لا انا الحمد الله ماشي في انقلش
وشكرا تقلت مرا عليك في الاسئلة

[شمعة مضيئة]

لا يا عسل لا ثقلتي ولا حاجة
وبالنسبه للواجبات اتوقع فيه بنات اخذوا كامل مو متأكدة بس افتكر نقصتنا على الفهرس والمراجع
بس عادي لو طبقتي اللي تبغاه تديك كامل
اما درجات الاختبار الدوري اتوقع كانت اعلى درجة 11.30 والاغلبيه مابين 8و9
لهجتها مو مره واضحة فيها لكنه ماليزية بس عموما مفهومة

بالتوفيق

[الصبروالجنة]

بس ماحاولت تعطيكم بونس ولاشيء

[شمعة مضيئة]

هههههههههههههههه
هي من اول يوم تقابليها فيه حتقولك نو بونس
بس ان شاء الله ما تحتاجي انتي ذاكري مزبوط وان شاء الله تاخذي a+

[الصبروالجنة]

امين يارب وياك
الله يسعدك ياقلبي ويوفقك

[ibobo]

لا ماكانت اعلى درجة 11 ونص
اناا اخدت 13 في الدوري .. بس شوفي (صلووحة) مرة حقاااانيه في الدرجات لو اي حاجا تعمليها في الاسايمنت زيادة او نقصان حتتحاسبي عليه ..
افتكر في ريبورت الشركة .. السوبر فايزر عملي رسمه عن الشركة بصفه عامه ولمن حطيتها في الريبورت حقي نقصتني درجتيين .. عشان ما حطيتها في المكان المناسب وبعد مناقشات ورووحة وجييه اتكررمت عليا وزودتني نص درجه -_-
بالنسبه للاختبار .. انا زاكرت من السلايد والكتاب والرسمات الرسمات الرسمات ثمممم الرسمات مررة لازم تصمييها صم
الاكسنت حقها مررى سيء . عن نفسي كونت ابللم معاها بس الحمدلله طلعت ببي بلس