ياشباب الله يخليكم .. وربي راح ادعيلكم من كل قلبي .. تكفووون

[خآآلد]

السلام عليكم ..



مابغى اطيل عليكم .. عشان مابغاكم تملووون مني .. انا باليالله يالله لقيتكم





هالحين ياشباب والله اني حايس حوسه عند الله خبرها



صرت اقول متتتتى ايام الثانويه ترجع .. والله لاصير دافور واصم الكتاب صم .. !



بس ياحسافه ..


طيب ندخل بالسوبجكت على طول < متأثر من المصاريه




هالحين ياشباب ... الانقليزي حلينا عقدته .. واخذنا كتاب اسمه ( headway )


وطلع تمام ويشرح منه ويسأل منه ودروسنا كلها عليه ..



الاحياء .. قلنا خذوا كتاب اسمه Bio 110



طبعا يقولك يجي مع الكتاب رابط للنت ويعطيك باسوورد ويوزرنيم ..


وتحمل التست بانك من هناك ... وكمان تحمل الشرائح اللي هو يشرح منها الاستاذ .. !



وانا صراحه بشتري هالكتاب عشان هالحاجتين .. ماتصير للكتاب فايده .. !


والشرايح ماشاءالله مترجمه عربي وانقليزي كلها .. وكويسه .. ويقول لنا الاختبار مايتعدى اسئله التست بانك



فـ تنصحوني اشتري كتاااب كامل .. عشان تست بانك والشرائح هذي .. ؟


لأني مو بحاجه الكتاب


ولا اقدر القاها هنا واحملها بدون ماشتري الكتاب ؟؟ ( ياليت تعطوني رابط الموضوع )




اوكي خلصنا من الاحياء ...


نجي للأحصاء ..



قلنا على كتاب مدري وش اسمه ... واحسه مو مهتم من ناحيه الكتاب ..


بدايه اسم الكتاب STAT المؤلف بلومار اعتقد .. الاصدار السابع




والصراحه المصري ماتحسونه مهتم بالكتاب ... قاعد يقولنا انا اختباراتي تجي من الواجبات اللي اعطيكم اياها .. ولا راح تتعداها !



واعطانا رابط قال هذا فيه اخبار الماده كلها ..


وراح اعطانا 4 ارقام او 5 ارقام .. قال هذي ارقام اسئله تحصلوها بنهايه الشابتر


حلوها بالبيت ... وادخلوا عالموقع وخذوا الاسئله .. والـ ( homework ) راح ينزل خلال الاسبوع ذا .. !



انا صراحه فغرت ومافهمته .. وش قصده ناخذ الاسئله من هالموقع ونحلها .. والهومورك راح ينزل خلال اسبوع .. !


وش يقصد بـ هومورك ؟

يعني قصده الاجابات عليها ولا الاسئله نفسها بس ؟




ويقول بنهايه الكتاب تحصلون اجابات الاسئله ومدري وش قاعد يهذر ..


اللي فاهم ومتعلم ومجرب ياليت يعلمني من ناحيه الاحصاء ...





نجي للكيمياء ...


انا صراحه لاجيت اسال مدري وشهو الكتاب


ما اقوله دكتور وشهو الكتاب ؟


اقوله : دكتور من وين اذاكر للأختبارات ؟


عشان اخذ منه الزبده مره وحده ..



الاستاذ اقصد الدكتور اعطانا اسم كتابين


كتاب لقاه مع الطلاب وقال هذا هو .. كبير ودب كذا مادري وش اسمه صراحه .. !


ولقينا كتاب معاه صغير قال برضوا هذا ينفع .. وهذاك ينفع .. بناخذ شوي من هنا وشوي من هنا .. !




انا مادري اخذ الكتابين ولا اطنش واحد واخذ واحد ... ويقولون فيه كتاب بالعربي ..


مدري هو يقصد الكتاب الكبير .. ولا كتاب ثاني .. يقول هذاك مترجم عربي .. !



قلنا طيب من وين نذاكر ... قال اهم شي تفهموا معاي وش اللي انا اكتبه عالسبوره .. !




المهم :



اللي يقرأ احسه ماتعدا هالثلاث :


1- مل من الموضوع .. وقرا اول سطرين وسحب عالموضوع كله ويرد علي ( الله يعينك )


2- يشوف الموضوع متكدس يدق سلام ويطلع

3- يقراه كامل وينصحني وش اسوي بالحوسه




وكلهم الثلاث الله يعطيكم العافيه وماقصرتوا ... !




واللي عنده نصيحه ... قده مجربها وتعدى السنه التحضيريه .. يوجهني .. !



واللي بيقولي طريقه احسن .. مثلا احمل من النت .. ولا اصور الكتاب .. ومجربها ياليت يقولي ..



واللي مجرب طريقه ماهي في بالي اصلا ... برضو ياليت يقولي .. !




شباب راح ادعي بظهر غيب للي يرد علي .. لأني حاليا مالي عون غير الله الا انتم .. !



انتظركم .. وهالله هالله بالنصايح اللي تبيض الوجه


واعذورني على الهذره الزايده ..



تشـآآو

[عموريAHLI]

لا ياحبيبي انا من الخيار رقم 3

الأحياء : الكتاب ضروري تشتريه , الا اذا احد من طلاب دفعتكم تبرّع بتنزيل التيست بانك والشرائح عالمنتدى , وبالتالي يصير عندكم هالشيئين مجاناً

الاحصاء : الكتاب صدقني ماله داعي , حمل السلايدات تبع سعيد الغامدي مع ملخصات جمال السعدي وكدا ان شاء الله تجيب a+

الكيمياء : برضو الكتاب الكبير ماله داعي , عندك الكتاب الأزرق الصغير اصغر وفيه كل المواضيع والدروس اللي بتاخذوها ان شاء الله + مع بعض الملخصات الخارجية

نصيحة : اذا عندك ملخصات أو كتب للمراحل الثانوي احتفظ فيها لأنها بتفيدك كثييير خصوصا الكيمياء والرياضيات وبنسبة اقل للفيزياء

الله يوفق الجمييييييييع

[زبادي وتوت 0_o]

عموري وارفع يدك ^^

[زبادي وتوت 0_o]

ولاتنننننسا بعد ماتغلق مراجعة المواد زي الكيميا والاحصا انك تشوف اسئلة العام الماضي وتقراها قراية ^^"

واهم شي ابدددا لاتقطع المزاكرة اكتر من اللازم يعني بالعربي زاكر أول بأوووول اكتب في google الدكتور سعيد الغامدي وراح يطلعلك موقعو ..

وترى الاحصاء مادة مرررة ممتعة وراح تشوف ان شاء الله ,, اما الكيميا على قول عموري ,, الكتاب الصغير لفهم المصطلحات + حل المسااااااائل وافضل انك ترجع للكتاب من ناحية المسائل وتسال الدكتور في اللي منتا فاهمو حتى لو تروحلو مكتبو + اهتمامك بالمادة ومراجعتك لها اول باول والمراجعة المستمرة لها = بإذن الله تجيب a+ بس لاتنسى اسئلة العام خدها من مكتبة الشقري

ولاننننسى ترى الاختبارات تجي ورا بعض ,,,,, يعني شد على نفسك ,, وربنا يوفقك ياعسل تفتح عينك وتغمضها إلا والسنة غلقت من سرعتها يعني اللعب خليه على جمب بس مو مرة يعني خخ

[LeLou]

أهلين خيو ...

( فـ تنصحوني اشتري كتاااب كامل .. عشان تست بانك والشرائح هذي .. ؟ )

لا ماله داعي لو ما انت بحاجة للكتاب او ما تبغى تستفيد منه ...

تقدر تحمل التيست بانك من هنا ...

http://www.mediafire.com/myfiles.php

بالنسبة للاحصاء ...

ماا اعرف صراحة عن دكتوركم الاسئلة المفروض تحطها لجنة مو دكتور واحد ...

اشتري الكتاب عشان تمارين السيكشن مررة مهمة و توجد اجاباتها آخر الكتاب ...

شكلها هي الهوم وورك إللي يقول عليه ...

و ركز كمان على أسئلة السنوات السابقة و الــ Chapter Quiz يجي منها بالنص ...

ممكن بس يغيروا في الارقام ...

بالنسبة للكيمو ...

كتاب Chang (الدب على قولك)

هذا مررة ما عجبني و احس المؤلف حايس الدنيا و مو مرتب ...

انا عن نفسي قريته و لخصته بنفسي الحمد لله انجليزيتي كويسه ...

و رتبت المواضيع و اخذت منها المفيد ...

و يقولوا في كتاب ازرق حلو و يفهم و مفيد و شرحه جميل ...

ممكن تاخذه ...

بس لا تشيل هم أنك تكون ملخبط هذا طبيعي عشان في البداية ..

و النظام متغير و كله انجليش ...

انا كنت دايما اقول انا رايحة جاية على غير فايدة ...

بس بعد كم اسبوع اتاقلمت و حسيته عادي ...

لدرجة اني نسيت اسماء المصطلحات بالعربي ...

بس اهم شي لا تستسلم و ذاكر من البداية و اول باول ...

و نصيحة أرجع لكتب الثانوي ...

أتمنى اني افدتك و بالتوفيق خيو ...

[ABDU2010]

انا والله زيك يا ابو خلود ماني عارف راسي من رجلي لكن ان شاء الله أزمه وتعدي ياخي اللي يقهرني الدكاتره الأجانب (عرب) يطبقو النظام بدقه زي حق الأحياء معاه ورق كثير يقول صوروه ودروس البوربوينت وفوق هذا كلو يقول جيبو كتاب كمان .... الأحصاء الحمدلله (سعوووودي) قلنا على د سعيد الغامدي وحملنا الشابتر ويقول ما يخرج عنه الإختبار اما الانجليزي ههههههه دكتور شاكين فيه انو عربي بس مو راضي يقولنا من وين المهم الرجال يأس معانا يتكلم بسرعه ومحد فاهم شي في النهايه طفش وصدع قلنا مين كان يدرسكم دكتور مين يبغى يروح يقوله هاذولا طلاب تنجحهم ههههه ما يدري اننا أول سنه في الجامعه قلناله فهدي شويه هههه

بالتوفيق للجميع

[نايف الفهري]

نصيحة لاتشتري كتاب الاحياء ذلحين شريت كتاب ب125 وفي النهاية طلع ماهو المطلوب ولا ردوه

[خآآلد]

زبادي وتوت الله يعطيك العافيه اخوي .. وماقصرت .. !





ليلو .. ماقصرتي يا أختي والله يفتحها بوجهك ويحققلك امنيـآتك ..




عبدووو .. الله يعين .. والله شكلي باخذ هالسنه تجربه .. وبعيد سنه ثانيه واشد حيلي ههههههه





نايف ... وانا اخوك انا ماني مشتري كتاب الا اذا قالو الاختبارات بكره ههههه


والله يعينك ياخوي .. ربي فوق ..

[LeLou]

المشاركة الأصلية كتبت بواسطة خآآلد ليلو .. ماقصرتي يا أختي والله يفتحها بوجهك ويحققلك امنيـآتك .. .. الله يعين .. والله شكلي باخذ هالسنه تجربه .. وبعيد سنه ثانيه واشد حيلي ههههههه

لا شكر على واجب .. آمين .. و الله يوفقك ..

أخوي إياك ثم إياك من هذا التفكير ...

لأنه لو اخذت f في أي مادة و عدتها معدلك راح ينزل ...

و ساعاتها كيف حتتخصص تخصص سنع ...

مو حرام تضيع تعب 12 سنة الحين ...

مافي حاجة في الدنيا هذي تجي ببلاش ...

لازم الواحد يتعب عشان يلقى ...

هو دخول الجنة بالساهل ...

كل حاجة الواحد يبغاها لازم يتعب عشانها ..

و أهم شي الهدف ...

و الطموح ...

و احتسب الأجر عند الله ...

أقل شي لو مو عشانك عشان تفرح أهلك إللي تعبوا فيك و ربوك و مستنيين إنك ترفع راسهم ...

و ترى إحنا كلنا كنا زيك ملخبطين في البداية و حاسين إننا ما راح نعدي ...

بس و الله كل شي سهل و راح يبان معاك في الامتحانات ...

و بالكثير شهر و حتتعود عالاسلوب الجديد ...

و الشباب ما قصروا ما شاء الله في النصايح و كلها ما شاء الله مفيدة أمشي عليها بعد التوكل على الله ...

و صدقني حتنجح بإدن الله بتفوق ...

ترى كل شي نفس اللي في الثانوي يعني كلام مكرر بس بالانجليش ...

و شوية حتتعود و حتنسى معنى الكلام هذا بالعربي ...

افتكر قلت لماما اتقبلي اي نتيجة أجيب لك هي في مادة الكيمياء لو c أهم شي أني أنجح ...

و الحمد لله جبت b+ ...

ليه ؟؟؟

لاني في البداية قلت نفس كلامك برسب و بعيد المادة ...

بس بعدين قلت بلا كلام فاضي خليني أشد حيلي و التوفيق من ربنا ...

و الحمد لله جبت b+ ...

يعني الوضع عادي ...

و هم بيعطوا بونس على فكرة ...

العمليه في السنة التحضيرية عمليه اجتهاد و بس ...

المعادلة سهلة ... اللي يذاكر و يتعب يجيب درجات ،، و اللي يلعب و يستهتر درجاته حتنزل ...

و اتوكل على ربنا و صدقني انه التوفيق كله من الله ...

و عليك ثم عليك باللجوء إلى الله بالدعاء و الصلاة على وقتها و إرضاء الوالدين ...

و حتشوف كيف ربي بيفتحهاا عليك ...

و اسمع الكلام هذا بعقلك و قلبك و سيبك من وسواس الشيطان ...

اتعود بالله من الشيطان الرجيم و دع صحبة السوء ...

و ركز بدراستك ترى هي اللي حتنفعك بعد الله في حياتك و مستقبلك ...

و صدقني لو استمريت على هذا الحال حيجي اليوم اللي تندم فيه أشد الندم ...

سامحني طولت عليك بس أهم شي يكون الكلام اثر فيك و دخل مخك ...

الله يهديك و يوفقك و يزيل عنك الوساوس هذي ...

[خآآلد]

Up

up

up


وييين الناس


يقولون الناس للناس :d