[خبر عاجل] بكستاني يترأس منصب مدير في الجامعه ..!

[ريلآكس]

السلام عليكم ..!

كيفكم إن شاء الله تمام



طبعاً العنوان وهمي أقراء سطوري ادنآه

مداخل :
كنت اسمع محاضره لدكتور (سعودي) واضح من اللهجه
خلصت الباب الأول وبديت بالثاني يعني حلو شرحه وميسر وفاهمه عليه ..
فكرت استغل وقتي بما إني خلصت بدري إني اسمع محاضره ثانيه لماده غير إلي خلصتها
أول ما سمعت المحاضرة تنحت @@ الدكتورة مصريه<~ طيب وش يعني مصريه..!
يعني إن كل شوي أعيد وارجع واشغل المحاضرة من جديد عشان أركز بكل كلمه قالتها وحبه حبه..

إلي نعرفه جميعاً
إنهم يتكلمون بسرعة وكلامهم مع احترامي مكسر
مثلا : أستاذه كانت تقولي (قدول) احياناً أغلط وأقول قدول @@ <~ قدول = جدول
طيب لو إنهم يدرسون أطفال ووش راح يصير ..



انـآ مو ضد هالفئه بالذات
بالعكس كل الأجانب بصفه عامه ولو نلاحظ الاغلبيه من مصر.. في مهنه التدريس ..

يا أخواني :
الشيء إذا زاد عن حده ينقلب ضده وش فيهم السعوديات .!؟
نسبه البطالة عندنآ كل يوم عن يوم ترتفع ..
راح تقولوا : ليش الوظيفة خليها تقعد بالبيت وتربي عيالهآ أحسن
أقول هذي للي عندها عيال وبيت ..!
والي ماعندهآ يعني عانس وللمعلومة اكبر (نسبة عنوسة بالعالم الإسلامي توجد في السعودية)


سعوديات في اعلى المستويات مالقوآ وظيفة
وان وجدت وظيفة مافي خبره ..!<~ من وين تخترع شي اسمه خبره..
جامعيات عاملات نظافة ..!

اخبار كل يوم عن يوم ترسم المأساة
تخلينـآ من جد نحس بإحباط من المستقبل
وفوق هذآ نكمل ونمشي ولا يهمنآ ونرسم تخيلات في تخيلات
وبالأخير ننصدم انو وصلنآ للحقيقة في كوكب الواقع..


أكيد مافي وظائف لان اغلب الأجانب ماسكين عندنـآ مناصب
احنآ نشوف ومو قادرين نسوي شي ..

احنآ نحتاج الكوادر العلمية متى ..!
لما يعم الجهل يعني المفروض هالشي يكون بعهد أجدادنا وابائنآ والحين يندثر

يعلمونآ الصنعة واحنآ نمشي عليها ونعلم الأجيال الجايه
مو الين اليوم واحنآ نتعلم منهم واخرتهآ قاعدين بالبيوت ..!


مثل بالضبط الي قاله احمد الشقيري :
نجيب خبراء في صناعه السيارات يعلمونآ الصناعه ثم يعودون الى دولتهم واحنآ نكمل المسيره ..!
وجيل عن جيل امه تنهض ويتوفر وظائف ومستقبل و و و ..الخ

لكن ناس عندهم شهادات
ومازلنآ نستعين بالاجانب فهذآ الظلم بعينه ..!


ملاحظه :
- موضوعي ما فيه عنصريه لناس معينه ..
- استظل تحت نهج (ولد البلد اولى من الغريب ) ولـ نعطي كل ذي حق حقه ..
- العنوان الي اخترته حبيت فقط الفت انتباهكم للاهميه الموضوع قبل ما ينتشر ويكبر ويوصل للعنوان..!




.

.

مجرد فضفضه لشي مكبوت بداخلي من سنين ..!

اترك المايك لكم ..!

[اهات جامعية]

انا معك بكل كلمة قلتيها

[تهاني الشريف]

لا وفوق مو مزاحمينا بالوظاايف يقعدو ينقو على عيشتك
ععبالهم جالسه على ملايين وانتو عندكم واحنا مسااكين
مفكرين فاتحين جمعيات والفلوس نمشي عليها
ماايدرون انا نلحق وراها
والله اعرف وحده ماجستير وتشتغل ف الاستقبال حق المستشفى
ماصارتت وربي
الله يرزقنا واياك والكل بوظيفه ترفع الراس
ويقشع الاجانب كل ابوهم ويترزعو ف بلدهم اصرف << حقدت

[سفانا]

مفهوم السعوده عندهم توطين الوظائف البسيطه بعد كم سنه يسيطروا الاجانب على المناصب ونصبح غرباء في وطننا ونظطر للسفر للخارج للبحث عن وظائف وجنسيه اخرى

[lujain.alsagh]

<< تحيــة احترام وتقدير لكِ ..

كلامك عين العقل .. ما ادري ليش السعوديه او السعودي بنظر البعض شخص لامبالي او شخص مو قد المسؤوليه ..

بغض النظر عن مناصب عاليه ك دكتور او محاضره او حتى شي بمؤسسه .. <<الي المفروض انو لو موجود شخص يستحقه ولد البلد يكون افضل ..

انا لدرجه انو بمحلات الملابس بيكون البياع سعودي والمحاسب اجنبي ؟ّ! لا ويجلس ينظم عملهم على مزاجو لانو مدير الفرع الفلاني بالمول الفلاني ..

كلامك الي قلتيه صحيح وياريت انو يصــير ..ويتغير الواقع للافضل ..

تحيــاتي ..

[اسمـاء محمد]

من قال انه فيه استاذات ماخذيين دكتوراه وماستر في البيوت

هي اقسام معينه

في حياتي ماسمعت استاذه ماااخذه ماستر ودكتوراه قاعده في البيت

اتوقع فكره غلط

مشكورة ع الطرح

[نبض حياة!]

لا يسمعك أسامة الطيب O_o
أنا معك بس مثل ما قال د.أسامة في اللقاء ,شدوا حيلكم و ورونا همتكم وإن شاء الله تكونوا مكانهم ..

[yousef1]

المشاركة الأصلية كتبت بواسطة نبض حياة! لا يسمعك أسامة الطيب o_o أنا معك بس مثل ما قال د.أسامة في اللقاء ,شدوا حيلكم و ورونا همتكم وإن شاء الله تكونوا مكانهم ..

اسهل ما في الدنيا الكلام ولكن هل فيه تطبيق

مااظن لنا عبره فيما نراه في اروقة جامعاتنا من المسؤول عنه

المشاركة الأصلية كتبت بواسطة فهدالقحطاني لو كلامنا بيطلع بنتيجه والله مااترك مساحه فااضيه استطيع الكتابه فيها الا اكتب عباره واحده اخرجوهم السعوديه بضياع بوجودهم عندنا المهندسين والكتاب والمثقفين والقاده والدكاتره والمعلمين والصياده والعسكر وكل المهن اللي تخدم البلد السعودي يعمل فيها وفوق هدا يتخرج بتخصصات متنوعه وعلى العدد الزايد معاد لقو وظايف لن نسبت التخرج كبيره جدآ مهو من الاولى السعودي مكان الاجنبي

اخي الكريم الجامعات عندنا لا تثق في مخرجات التعليم كما يتخرج طالب الثانوي

ويعمل له كم اختبار فلماذا ؟


اما بالنسبه لما يقال عن السعوده فهو ليس الا شعار كما شعار حماية المستهلك

وبما ان ابن البلد لا ثقة فيه فماذا يفعل ؟

وشكرا لكاتب الموضوع

ولكن يبقى الحال كما هو عليه والمتضرر يدور واسطه

[فهدالقحطاني]

لو كلامنا بيطلع بنتيجه

والله مااترك مساحه فااضيه استطيع الكتابه فيها الا اكتب عباره واحده

اخرجوهم


السعوديه بضياع بوجودهم


عندنا المهندسين والكتاب والمثقفين والقاده والدكاتره والمعلمين والصياده والعسكر وكل المهن اللي تخدم البلد

السعودي يعمل فيها وفوق هدا يتخرج بتخصصات متنوعه وعلى العدد الزايد معاد لقو وظايف

لن نسبت التخرج كبيره جدآ مهو من الاولى السعودي مكان الاجنبي

[أنثى وحيدة]

اصلا وبكل صراحة جامعتنا مصرية لانو 90% استاذة مصرية