ضروري يابنوتات

[a7la ro0ori]

كيفكم ياحلوين اخباركم انشاللله تماااامو

حبيت اسالكم فين الاقي محلات تبيع لاب كوت لانو وحدة من الاستاذات تقول لاتحضرولي اي محاضرة من دونه وانا بكرة اول محاضرة ليا ولا زم يكون معايا وانا ماعرف شي فجدة مالي كتير فيها حابه اعرف فين الاقية بس تكون مقاساتو مزبوطة وحابة اعرف اسعارو كمان ياليت اللي تعرف مكان يكون جنب حي الصفا ولو ماتعرفو في دا الحي عادي بس اهم شي تردولي اليوم الله يسعدكم

[بوبي الدلوعه]

يالغلا انا عن نفسي اخذت الاب كوت تبعي من محلات بيع المراييل المدرسيه (لايق )
بس رحت مكتبة جرير ولقيت فيها كمان واسعاروا 40 و 50 ما اعتقد اكثر من كذا

[Mo0oNE]

اناا اشتريت من شارع الجامعه من محل الثوب السعودي

بـ65
ويقصرو لك ويضيقه حسب الطلب وانتي واقفه وتاخذيه

مووفقه ياعسل

[ريمو..]

حقت الثوب السعودي كويسة..
موفقه..

[نسيجي ابداعي]

ياعسل لا تشيلي هم عااادي
عندك في الوحدة الانتاجية تبع قسم الملابس والنسيج
يسو لابكوتات جنااان وبالالوان الي تبغيها
انا عن نفسي رحت واشتريت الاسبوع هذا وكمان صحباتي
واذا تبغي تعرفي المكان في مبنى البتول الباب الخلفي
عند معامل التغذية موفقة ياحلوة

[orkida]

^^
تيب ياحلوه الي سويتي بمبنى البتول

اخذتي جاهز ولا تفصيل وبكم سويتي

ياليت تقوليلي

[رورو^_^]

اليوم دورت فمبنى البتول ومالقيت ممكن تقوليلي فين بالتفصيل

[a7la ro0ori]

انا لقيتو في جرير يعطيكم العافية

[رورو^_^]

uppp