بجد ابغاكم تنصحوني

[يارب هونها]

السلام عليكم

بنات الله يسعدكم ساعدوني وانصحوني انا اختكم

بنات مالي غيركم اشكيلوا انا كل ترم اقول بشد حيلي وفعلا اذاكر وكل شي لكن مو بيدي وربي اذااكر تمام بس يمكن غلطتي اني اداكر قبل الاختبار وتعلمت الشي هده

وانا الان عندي اخر انذار ومعدلي 1.70 وابغا ارفعوا باي طريقه
والمشكله انوا عدد سااعاتي 12 وناويه اخد مواد حره عشان ارفع المعدل

ومني قادره غير تقريبا 4 مواد ومن عارفه ايش اسوي انصحوني

بس الله يخليكم لاحد يقولي كلام مو حلو لاني نفستي تعبت مني ناقصه شي يزود عليا الله يسعدكم ساعدوني يااخواتي .

وانا سجلت عشان اقولكم مشكلتي واكيد ماحتقصرو معايا

[يارب هونها]

لا تنسوووووني الله يخليكم

[طالبة مستجدة]

الله يعينك حبيبتي شدي حيلك وأن شاء الله تقدري تجيبيها شوفي سيرة من قسم تاريخ وهيه ماده حلوه وقد المعلومات من زمان في راسك بس لا تهملي الموضوع أربطي الحزام و لاتتركي الدراسة تضيع منك عشان شوية أهمال شدي حيلك الواحد من غير دراسه مايسوى شي

[حلوه وراقيه]

شدي حيلك دا الترم احضري محاضرات واشري
خذي سيره من تاريخ وفقه عبادات ومواد انت حاسه انو هيا سهله
وان شاء الله خير

[يارب هونها]

طيب حباايبي تتوقعوا 4 مواد اقدر ارفع معدلي منها ؟؟؟

وانا الترم ال راح حملت راي عام ومدخل لعلم النفس ايش رايكم اخدها واخد مادتين سهله تانيه

بالله انصحوني

[طالبة مستجدة]

والله رأيك سديد خذي مادتين تخصص و خذي مادتين حره عشان ترفعي معدلك و شدي حيلك ولاتتهاوني نصيحه نصيحه

[سوري نيوتن اناسر الجاذبيه]

شوفي اربعه مواد راح ترفع معدلك براحه بس انتي شدي حيلك واختاري استاذات يساعدون ويسهلوا المنهج وربي يوفقك ان شاءالله

[الدانــــة]

خذي ماده سهله من التخصص

والراي العام خذيه مع استاذه كويسه وتساعد رباب الجمال او فاطمة الزهراء

سيرة نبوية سهله كمان الله يوفقك يارب وتجيبين a+ كل المواد

[يارب هونها]

بنات الله يسعدكم بردودكم وربي فرحت الله يفرج همكم يارب

طيب معليش بكلف عليكم انا محمله الراي العام ومدخل علم النفس

طيب قوليلي ايش اخد مواد وايش كمان اسوي عشان ارفع معدلي انصحوني

[روح البحر]

السلام عليكم ورحمة الله وبركاته
شوفي حبيبتي انا معدلي كان 3 ونزل الى 1,89 وصراحة اول شي عملتوا غيرت طريقتي في المذاكرة والحفظ
والحمدلله رفعت معدلي وحولت لقسم علم النفس..
انا مستعده اقولك الطرق اللي تعطيكي حماس للمذاكرة
ومن رايي خذي مدخل علم النفس وبقولك كيف تذاكريه لانه صراحة بنات كثير حملوه بس انا الحمدلله جبت فيه 96 وماحملتوا ومشكلة البنات لانه كثير ياخذوه قراءة فقط لانه كثير وهوا قراءة وفهم..
وخذي الراي العام وانا بااخذوه هذا الترم ان شاء الله..
وفيه فقه السيرة النبوية مادة حرة يقولوا مرة حلو وسهل وان شاء الله بااخذوه كمان وشوفي مادة رابعه من التخصص او حرة تشوفها سهلة عليكي وطبعا الاختيار يرجع لك ياعسل..
وانا مستعده لاي شي تبغيه والله يوفقك وتاخذي في كل المواد +يارب