المعدل المطلوب .. لقسم الحاسب الالي.. بعد السنه التحضيريه

[قايد عنادكـ]

السلام عليكم ورحمة الله وبركاته ...
ومساكم الله بالخير جميع ...

شباب .. لاهنتو .. ابي اعرف .. كم المعدل المطلوب .. لتخصص في قسم الحاسب الالي ... وتقنية المعلومات .. بعد السنه التحضيريه ...
تكفون ... افيدوني بها المعلومه ...
ومشكورين ....

[طفله النجم]

والله حتى انا ابي اعرف
بس اللى توصلت له ان عشان تحول انتظام لازم اقل شئ 3.75
بس
ابي اعرف نفس معلومه قايد

[قايد عنادكـ]

من اليوم احووس .. ابي اعرف المعدل .. ماوصلت لشي ...

[yoko chan]

مو اقل من 4.5
موجودة في السيدي اللي ادونا اياه في الحفل الترحيبي !! بالتوفيق

[قايد عنادكـ]

انا وش دخلني علمي ...
كان روحت اداري اصرف وربي ...

[ghala*ـــــ*]

لا تخاف ترى على حسب الدفعه اذا الدفعه شطار الله يعينك واذا لا شد حيلك وضبط امورك ولا ييهمك المعدل ابد بس انت جيب فوق 3.5 وان شاء الله تدخله
بالتوفيق للجميع

[قايد عنادكـ]

[font="times new roman"][size="5"][align=center]إن شاء الله .. بيكون فوق 3.5 بس ابي اعرف كم المعدل المطلوب .. عشان اشد حيلي مره [/align][/size][/font]

[مهموم والله]

حياك حبيبي

هذا رد لي سابق في احد المواضيع وإن شاء الله تلآقي جواب على استفسارك من خلاله .

بخصوص التسكين في الكلية يتم على حسب المقاعد المتوفرة في الكلية وأيضا على حسب شطارة دفعتك والأهم من كذا هو أنك تحقق شروط الكلية وهي انك تجيب متوسط الدرجات في مهارات الحاسب والانجليزي 101 و 102 فوق الـ 80 وبعدها يشووفو معدلك ومين الأعلى ويقبلوه لو ماا اجتزت الشروط مايطالعو فيك حتى لو كان معدلك 4.5 ممكن مايقبلوك ويقبلو طالب معدله اقل منك لانه جاب درجات ممتازة في هالمواد لانه من شروط القبول في كلية الحاسبات وتقنية المعلومات زي الهندسة والطب لها مواد لازم تجيب متوسط الدرجات فيها فوق 80 أيضا ..

السنة الماضية قبلوا طلاب معدلهم تقريبا 3.50 وفيه ناس أعلى أعرفهم ماقبلوهم بسبب انه متوسط درجاتهم في المواد الثلاثة يلي ذكرتها لك اقل من 80 ومتوسط المواد تطلعها من خلال جمع نتيجتك النهائية في كل الثلاث مواد وتقسمهم على ثلاث لو جاء لك عدد فوق الـ 80 حققت شروط الكلية بعدها يطالعو بمعدلك ويشوفو الافضل من بين المتقدمين للكلية ويختاروهم على حسب المقاعد

أتمنى ما أكون ثقلت عليك وأفدتك ولو بشيء بسيط

دُمت بخير

[m0o0na]

^
يب زي مآقآل مهموم..

اهم شي درجآت الموآد الخآصة بالكليه اللي تبغى تتسكن فيهآ..
يعني الحآسب ..اهم شي درجآت (الانجلش لجميع المستويآت بمآ ان نظآمكم تغير + الحآسب )> لآزم تجيب فيهآ نسبه موزونه عآليه فوق الـ80 ..
بعد كذآ الموآد المتبقيه .. عشآن تحقق النسبه الموزونة العآمه اللي هيآ اخر نسبه يتم قبولهآ بالكلية..
وتكون على حسب شطآرة الدفعة والامآكن الشآغرة..
مو شرط تجيب معدل 4 او 4,5 ..
لاني اعرف نآس انقبلو على 3 تقريبآ..

وبالتوفيق..
:)

[قايد عنادكـ]

الله يعطيكم الف عافيه ... ماقصرتو ..
الحين اقسم بالله .. للعن شكل كتاب الانجلش .. والترم الجاي .. مهارات الاتصال ..
ادعولي بالتوفيق ...

مهموم والله ... الله يفك همومك .. ويخلها سعاده بحياتك ...