أبغى أحول لكلية الحاسبات وتقنية المعلومات بس ما أعرف شي عنها ..... أتمنى تساعدوني

[MoOoOoN LiGhT]

أبغى أحول لكلية الحاسبات وتقنية المعلومات أنا اللي اعرفه انها كانت قسم في العلوم ودحين صارت كلية
بس ما أعرف أي شي عنها وعمري ما سمعت عنها في الجامعه فأبغى أعرف فين موقعها؟؟؟...
واذا تعرفوا أي شي عنها ياريت تفيدوني.............

أنا بدرس اداره واقتصاد هل ممكن اني أحول لها؟؟؟


ولو سمحتوا اذا ممكن اني أحولها ...كيف طريقه التحويل من كلية لأخرى .... من العماده زي ما حولنا من انتساب لانتظام والا لأ؟؟؟؟

وهل في نسبة معينة لدخول الكلية؟؟؟؟


الله يوفق الجميع

[ظل الياسمين]

هلا MoOoOoN LiGhT

http://computing.kau.edu.sa/Default.aspx?Site_ID=611&lng=AR
هذا موقعهم ,, اقري معلومات عنهم لو تبغين
بالنسبة للتحويل أتوقع تقدرين تحولين لو جبتي المعدل إلي طالبينه
وأتوقع لازم تجيبين فوق 3 و نص

وبالنسبة لمكان التحويل راجعي كليتك إلي هي مبنى 2
الله يوفقك ,,

[noo0oona]

مين قال فوق 33ونص لا ياحبيبتي اذا كان طالبات العلوم طالبين 4.50 اتوقع التحويل يكون فوق 4.75
انتي كم معدلك

[*ياسمين*]

دحين كليه الحاسب صارت لوحدها مو مع العلوم ؟؟

[DNA..~]

كلية الحاسبآت انفصلت وصارت لحالها كانت قسم في العلوووووووم..

طبعاً المعدل زي ماقآلت نونآ..

مره يكووووووووون عآآلي

لأن نص البنآت رغبتهم حآآآسب....

والله يسهل لك

[*ياسمين*]

طيب لازم يشوفو شهاده الثانويه علمي ولا ادبي

والادبي مايدخلو يعني اذا كان بس علمي
لانه انا ادبي

[صقرر]

بإمكانك التحويل الى اي كلية تبينها

بس المعدل مطلوب وهو 4.20


هذا الي اعرفه

وموعد التحويل بين الكليات على الرابط

http://www.kau.edu.sa/admission/MAINPAGE/calendar.aspx

تحياتي

[red flower]

طيب لازم يشوفو شهاده الثانويه علمي ولا ادبي والادبي مايدخلو يعني اذا كان بس علمي لانه انا ادبي

للأسف اختي
لازم تكوني علمي عشان تقدري تحولي للكلية
لأن هذا شرط اساسي ..


اما بخصوص كلامك اخ صقر .. للاسف معلومتك خطأ ..

بإمكانك التحويل الى اي كلية تبينها بس المعدل مطلوب وهو 4.20

الترم الماضي بنات معدلاتهم فوق 4 ونص وماقدروا يحولوا للكلية

[calbooza]

حبيبتي كلية الحاسب منفصلة عن العلوم من السنه اللي فاتت

والمعدل اللي طالبينه زي ماقالو البنات فوق 4 ونص

ودرجتك في مادة الحاسب فوق 90

لان السنه اللي فاتت بنات كثير من العلوم كانت رغبتهم حاسب

ماقبلوهم رغم ان معدلهم عالي بس درجتهم مو فوق ال90

على العموم الله يوفقك ويكتبلك اللي فيه الخير ان شاء الله

[عصر الحاسب]

اذا المعدل عالي تقدر تدخل بغض النظر عن درجتها في مادة الحاسب