لماذا لا يتم تحديث شروط الدراسة في موقع الجامعه ؟

[ورد الجوري 999]

السلام عليكم
واخيرا فتحت صفحة عمادة الدراسات العليا بعد طوووول انتظار
وبما انهم قفلوا الموقع فتره واحنا على احر من الجمر نبغى نشوف موعد التقديم للماستر
قلت اكيد كتبوا في شروط الماجستير (القدرات )
لاني دايما اتابع الموقع ولا قرأت مره ان من الشروط (القدرااااات)
عارفين ايش لقيت ذحين
- بعد احتساب المعدل التراكمي لمواد التخصص، تقوم الكلية بإجراء الاختبارات التحريرية، أو الشفهية، أو المقابلات الشخصية، إن وجدت، ويتولاها القسم العلمي وفق ما تحدده القواعد التنفيذية لكل كلية، مع الأخذ بالمعايير التالية لأغراض المفاضلة بين المتقدمين عند الحاجة :
أ- المعدل التراكمي العام 60%
ب- الاختبار التحريري 30%
ج- الاختبار الشفهي أو المقابلة الشخصية 10%

بالله ليش الغموض هذا ليش مايقولوا ان اتحذف شرط الاختبار والمقابله وصار قدرات ولا هم مايبغوا احد يدرس ويكمل
والله بس لي يومين داريه عن القدرات والله تفاجأت
متى يمديني اذاكر
لا واعرف وحده جمعت الكتب كلها اللي درسناها في البكالوريوس وقاعده تذاكرها من شهرين وانصدمت لما قلتلها مافي اختبار زي اول

اذا انا غلطانه قولولي

[angel ina]

هلا اختي

انا اللي كنت اعرفه ان اختبار المفاضله اللي بيقدمه القسم فقط للاقسام العلميه

وباقي الكليات اختبار قدرات

بس دحين بيقولو انو ماعاد فيه امتحان من القسم وصار لكل الاقسام والكليات اختبار قدرات

والله اعتفسنا

مادري ايش اسوي

[طموحهـ ولكنـ]

المشاركة الأصلية كتبت بواسطة ورد الجوري 999 عارفين ايش لقيت ذحين - بعد احتساب المعدل التراكمي لمواد التخصص، تقوم الكلية بإجراء الاختبارات التحريرية، أو الشفهية، أو المقابلات الشخصية، إن وجدت، ويتولاها القسم العلمي وفق ما تحدده القواعد التنفيذية لكل كلية، مع الأخذ بالمعايير التالية لأغراض المفاضلة بين المتقدمين عند الحاجة : أ- المعدل التراكمي العام 60% ب- الاختبار التحريري 30% ج- الاختبار الشفهي أو المقابلة الشخصية 10%

عفواً .. هذا الكلام من متــــــــى ؟؟؟

وين موجودة ؟؟ اعطيني الرابط كرماً لاأمراً

[ورد الجوري 999]

المشاركة الأصلية كتبت بواسطة angel ina هلا اختي انا اللي كنت اعرفه ان اختبار المفاضله اللي بيقدمه القسم فقط للاقسام العلميه وباقي الكليات اختبار قدرات بس دحين بيقولو انو ماعاد فيه امتحان من القسم وصار لكل الاقسام والكليات اختبار قدرات والله اعتفسنا مادري ايش اسوي

يعني انتي عرفتي الكلام هذا من المنتدى هذا وليس من موقع جامعتنا العزيزه
يعني مافي كلام واضح وضوح الشمس
ان ياناس ماعاد في اختبارات زي اول وصار بس قدرات
حسبي الله ونعم الوكيل

[ورد الجوري 999]

هذا الرابطhttp://graduatestudies.kau.edu.sa/co...ng=AR&cid=1525
اذا انا ماني فاهمه الموضوع قولولي

[طموحهـ ولكنـ]

8 8 8 8 8

ايوهـ شفت الرابط .

بس شوفي في اخر الصفحة . وشوفي تاريخ التحديث :

آخر تحديث 9/29/2009

يعني لسة ماتحدث الموقع . واكــد مليون بالمية . اعتمد اختبار القدرات في جميع الاقسام .

[ورد الجوري 999]

المشاركة الأصلية كتبت بواسطة طموحهـ ولكنـ 8 8 8 8 8 ايوهـ شفت الرابط . بس شوفي في اخر الصفحة . وشوفي تاريخ التحديث : آخر تحديث 9/29/2009 يعني لسة ماتحدث الموقع . واكــد مليون بالمية . اعتمد اختبار القدرات في جميع الاقسام .

طيب على ايش مقفلين الموقع لهم فتره
يتونسوا علينا
يعني مايعرفوا ان في ناس تنتظر التسجيل
حسبي الله على من كان السبب

[همس المشاعر]

قرار القدرات تقريبا عتمد من رمضان وتقدري تلقي الخبر بالمنتدى الرسمي

لكليتي الاداب والاقتصاد والادارة هذي نقطة

ثانيا احتمال هذا الترم مافي قبول للطالبات يعني راح يكون القبول سنوي


وامتحان القدرات على شهر 12

[ورد الجوري 999]

المشاركة الأصلية كتبت بواسطة همس المشاعر قرار القدرات تقريبا عتمد من رمضان وتقدري تلقي الخبر بالمنتدى الرسمي لكليتي الاداب والاقتصاد والادارة هذي نقطة ثانيا احتمال هذا الترم مافي قبول للطالبات يعني راح يكون القبول سنوي وامتحان القدرات على شهر 12

اظن كلامي واضح انا ابغى الاعلان في موقع الجامعه
ليش يحطوه في المنتدى يعني عيب ولا حرام يحطوه في موقع الجامعه الرسمي

[ندى محمد القحطاني]

المشاركة الأصلية كتبت بواسطة همس المشاعر ثانيا احتمال هذا الترم مافي قبول للطالبات يعني راح يكون القبول سنوي

من جد


كيف يعني هالترم ماحيكون التقديم الا للطلاب في كل التخصصات ؟؟