المواد الاختياريه والحره .. شرفينا بمرورك ..

نوناّّأكوسـّّ بنتـّّ · #1 10-10-2008, 04:12 AM

الســــلامـ عليكم ورحم الل وبركاتهـ ..

اول شي اتشرفت بدخولكم على صفحتي المتواضعه ..

وتاني شي ...

حبيت نتشارك فهذا المتصفح فموضوع المواد الاختياريه والحره ..

يعني ياريت كل واحده تدخل بس تكتبلنا الماده الاختياريه اللي اخذتها ومع مين وكيف كانت ؟؟

ولو يصير نفس الشي للمواد الحره أكون شاكره وممتنه ...

كل واحده فين تعرف تقريبا اعضاء هيئة التدريس لتخصصها بس الباقي مايعرفو

ياريت نعرف بعض اكثر ونستفيد من تجارب بعض بالنسبه للمواد ااختياريه والحره بس

ماراح استفيد لحالي .. كثير راح يستفيدو .. والله يجعله بميزان حسناتكم ..

الشكر موصول لكل من مر على هذا المتصفح ..

تقبلوا أرق التحايا ..

دمتم كما تحبون ,,,

lolipop · 10-10-2008, 04:22 AM

مشكورة يا اخت نونا على الموضوع اللي جا في و قتو
الله يسعدك و يوفقك موضوعك مرة مهم انشالله نستفيد و نفيد
بس انا عن نفسي لسه ما اخدت ولا مادة اختيارية ولا حره بس ناوية انشالله اخد هادا الترم
و مشكورة مرة تانية

نوناّّأكوسـّّ بنتـّّ · 10-10-2008, 04:28 AM

الشكر موصول لكِـ ياغاليه

إن شاء لله بعد ماتقري تجارب البنات حتتحمسي وتاخدي ..

واحنا لازم ناخذها إذا مو هذا السيمستر الجاي ..

بس ان شااء الله ربي يعديها على خير ..

بي يوفقنا جميعا ..

تواجدك أسعدني .. فلاتحرميني اياهـ

AccT G!rL · 10-10-2008, 04:29 AM

انا اخذت مادة اختيارية وحدة بس وكانت (سلوك تنظيمي ) مع أ.عنود السبعان
الصراحه المادة مرررررره حلوووة والاستاذة احلى استفدت منها مررررررره في الدراسة وفي حياتي كمااان
الاسئلة كانت حلوة تتراوح مابين صح او خطأ و مصطلحات و اختاري .. عندها تكاليف بس كلها من الانترنت تجيبي معلومات ... اخذت فيها A وكمان لو مابتي ولا غياب تعطيكي بونس محترم الاستاذة ;)

في نفس الترم اخذت معاها مادة حرة ( المدخل الى علم النفس ) مع د.هبة القششي
الصراحه المادة طووووويلة بس سهلة وحلوة .. شرحها كانت مو مره كانت تقرا من الكتاااب وتقول المهم والمحذوف
اسئلتهاا كانت حلوة اختاري .. صح او خطا .. مصطلحات .. عددي او عللي وتقولك عللي او عددي في اي جزئية يجيكي و ممكن تحدد لك عدد معين من التعددات او التعليلات وتقولك واحد منهم حييجيكم .. وكمان من ضمن الاسئلة ترجمي من العربي الى E تجبلك 5 كلمات تترجميها بالنسبة ليا كان هذا السوال زي البونس ليا :p
بس برضو تعطيكي مثلا 30 كلمة ... التكاليف مافي غير بحث تعمليه عليه 10 درجات

اخذت المادتين في نفس الترم وحسيت ربنا من جد يحبني لانهم الاثنين كانو نفس المنهج تقريبا بس فرووق بسيطه لا تذكر فكنت اللي اذاكرو هنا نفس هنااك .. مررره انبسطت الصراحه :) الحمدلله
والدكتورة هبة لما عرفت انه انا ماخذة الماده حرة مررره ساعدتني واعطتني A+ مع انه كنت استاهل B بالكثير

ان شاء الله تستفيدو من اللي كتبته :)

نوناّّأكوسـّّ بنتـّّ · 10-10-2008, 04:43 AM

عزيزتي ..

ACCT G!RL

\\

عسى أن تكون مشاركتك مفيدة لأحدى المارات ..

أما أنا فقد سعدت بتواجدكـ ..

فكوني بالجوار ..

dndn · 10-10-2008, 04:52 AM

يسلمووو أختي علموضوع الأكثر من رائع جاه بوقتو انا عن نفسي لسه ما اخدت ولا ماده حره ولا اختياريه وحابه اخد بنصايح البنات يا ليت يفيدونا بأسهل المواد الحره وافضل الدكتورات ومشكووووووورين وجعلو الله في ميزان حسناتكم

احلاهم واتحداهم · 10-10-2008, 05:06 AM

موضووع جدا رائع

بس انا هذا اول ترم اضيف فيه مواد اختياريه

انا ودي اضيف ماده اختياري بس جد محتاره كان ودي اضيف النظام السياسي السعودي بس ماقدر لان عندي ماده بنفس الوقت والماده شعبه وحده يعني مااقدر اغيرهاا

وابي استشيركم في

تاريخ الفكر الاقتصادي

التكامل الاقتصادي

موارد اقتصادية

تطبيقات اقتصاديه معاصره

اتمنى تساعدوني واحسن استاذه

نوناّّأكوسـّّ بنتـّّ · 10-10-2008, 05:27 AM

شكراً لمرووركم عزيزاتي

أنا عن نفسي زيكم لسه ما أخذت ..

احلاهم هذه كلها مواد اقتصاد إذا ماخاب ظني ..

بس تقدري تفيديني باسهل واحده منهم بما انه تخصصك ..

مع تمنياتي للجميع بالاستفاده من هذا المتصفح ..

لكم ودي ,,

سما ليل · 10-10-2008, 05:30 AM

السلاك عليكم
انا اخدت مادة مشاريع صغيرة كماده اختياريه ..مع استاده بثينه جمجوم ..بصراحه الماده طويلة والاستادة تشرح بضمير والاسئله نص و ونص ..عللي ..صعب شوي ..جبت فيها B+

احلاهم واتحداهم · 10-10-2008, 06:13 AM

انا اقتصاد بس ولا وحده درستها

:(

المواد الاختياريه والحره .. شرفينا بمرورك ..

ارشيف كلية الإقتصاد والإدارة