اتمنى المساعدة من كل طلاب وطالبات كلية الطب

[M!ss Mojy]

السلام عليكم ورحمة الله وبركاته


مرحباا جميعــــا

اولا احب اقول اني لمن ادخل قسم الكليات الصحيه احس بفرح وتفاؤول انو في يوم من الايام بكون دكتوره

ثانيا ... عندي استفسار بسيط اتمنى تجاوبوني عليه

اليوم كان عندنا ارشاد اكاديمي للمستجدات في قاعه المؤتمرات

وبعد ماخلص كان في زي المعرض لكل كليات الجامعه

علطول رحت قسم كليه الطب واخذت مطويه عن الكليه

المهم وانا اقرأ في متطلبات دخول الكليه

مكتوب ان لازم المعدل لايقل عن 4,5

وهذا شي مفهوم


(والشرط الثاني ان درجة اختبار التوفل لاتقل عن 520 )

وبرضو وحده من صديقاتي سألت قالو لها لازم المعدل لايقل عن 4,5

ولازم تكون ماخذه التوفل

هذا الشي بجد مافهمته يعني لازم عشان ادخل كليه الطب يكون عندي شهاده التوفل ؟؟

اذا بجد كذا يعني مابيدخل كليه الطب الا عدد قليل جدا جدا

يعني احنا مجموعتنا تقريبا مجموعه تضم طالبات حاصلات على اعلى النسب ولله الحمد

وولا وحده ماخذه التوفل الا طالبه وحده فقط

فأنا حابه استفسر منكم بخصوص هذا الموضوع

ولو بسأل احد في الجامعه بخصوص هذا الموضوع لمين اروح واسأل ؟؟

واتمنى الاقي الافاده عندكم ياطالبات وطلاب كليه الطب


ودمتم بود

[المتفائلة]

امممممممم
اعتقد على ايامنا ماكنا شرط من شروط الالتحاق بالكليات الصحيه

لكن اللي كان معاها توفل مابيخلوها تاخذ كورس الانجلش كلو

الافضل انك تستفسري
وروحي لعماده القبول والتسجيل واسألي الموظفات هناك
او الشؤون التعليميه

والله يوفقك يارب
وان شاء الله السنة الجايه تكوني من احدى طالباتها

[نقطه]

هيّا من جد .؟؟!!
ياليت إلي عنده إجابة يفيدنا ..!
أما بصراحه إذا كذا فعز الله خرب سوقنا :P

[M!ss Mojy]

مشكووره اختي المتفائلة عالافاده وان شاء الله بستفسر عن الموضوع لانه بجد محيرني

هيّا من جد .؟؟!! ياليت إلي عنده إجابة يفيدنا ..! أما بصراحه إذا كذا فعز الله خرب سوقنا :P

هههههههههههههههه بجد والله لو اشترطوا شهاده التوفل ماحد بيدخل الطب الا عدد ينعد عالاصابع

[evil girl]

ما اتوقع انه لازم التوفل بس اسألي واتأكدي واذا صح اعترضوا سنة تحضيريه وتوفل ماصارت

وكمان ابدأي خديه من دحين لو صح عشان تضمنيلك مكان


وبالتوفيق

[نقطه]

مدري والله ..
أنا قررت أدخل بديل التوفل إلي تسويه الجامعه ..
وحأدخل برضوا إختبار التوفل الأساسي ..
والله يوفقنا ..
،
تعرفي لأنو لايصير زي حالة إختبار القدرات في البداية قالو لا مافي ..
وبعدين قبل ما نتخرج قالو في وحسنا حوسه ..
فأحسن لنا ندخله إذا دخلنا محا نخسر شي ..
والله يعين ..
،
بس تكفى ياقلبي إذا جاكِ أي خبر قوليلنا ..
:)

[نقطه]

مس موجي ..
إيش صار معاكِ .؟
أنا بابتي سأل مدير التسجيل وهو صاحبه وقاله مو صحيح الخبر ..!!
واليوم أنا رحت لمديرة القبول إلي في الجامعه وقالت لي روحي أسألي الطب نفسهم ..
قسم بالله شي يرفع الضغط كل واحد يرمي الثاني وفي النهاية إحنا الضحايا ..!!
الله حسيبنا بس !!
بس تعرفي أحسه إلى الآن الكلام كلو من البنات يعني مافي شي رسمي ..
ولا لو كذا كان أتكلموا وأعلنوا لأنو ثلاث أرباع بنات العلمي يبغوا طب ..
فمستحيل مايقولوا الشي هذا علناً ..!
والله أعلم !!