بنات المستوى الثالث كل ابوكم تعالوا تكفون شوروا علي وقولولي وش اسوي ؟

[*بنت البدو *]

السلام عليكم بنات المستوى الثالث

انا ابي مشورتكم
محتاسه حوسه مايعلم بها الا الله
1. حنا انتساب بس راح ناخذ المحاضرات على السنترا زي التعليم عن بعد .صح ؟
انا لي ساعه احاول افتح السنترا معي يفتح دخلت رقمي الجامعي
ورقم الهويه بدون الرقم الاول من اليسار معي يفتح " مع العلم ان يجدولي مكتوب ابدأمن يوم 8\12\2010 " يعني اليوم
وش السواة ؟؟
2. انا منزلة 3 مواد علم نفس النمو وثقافة اسلاميه والمدخل الى علم النفس
باقي شهر على الاختبارات وش رايكم انزل مادة او مادتين ولا لا ما يمديني
اخاف انزل مواد ثانية اضغط نفسي وينزل معدلي ؟؟
"ممكن كل وحدة تدخل تقولي كم مادة اخذت وش مسويه مع ذا الدعلة الخثيث اللي اسمه وش اسمه ؟؟ ايه تذكرت السنترا مالت عليه وعلى من حطه لنا "

تكفون فزعتكم

اختكم بنت البدو

[عمشه القمر]

ياهلا ببنت البدو شلووونك
وانا بعد غلاتي نفس الحال
السنترا مافتحت معي
لازم تحملي الفلاش وبعد الجافا عشان يشتغل عندك
طبعا انا حملته بعد طللعة الروح
هم بعد مافتح
فوكلت امري لربي راح اذاكر الكتب واي شي يخص السنترا ممكن استفيده من المنتدى لانو فيه بعض البنات الله يكتب اجرهم يكتوبون عن السنترا وبعضهم يسجلونه وينزلونه الله يبارك لهم
اما بالنسبه للجدول انا اخذت 5
اراي العام - علم نفس نمو-مدخل علم النفس - الثقافه - العربي
العربي حيل اسمع انو سهل هم بعد الثقافه
اللي تشوفينه يناسبك سوويه
دام ثلاث موااااد ياااويلك ياااويلك لو ماتجيبي معدل^_~
بالتوفيق يالغلا ودعواااتك

[جـ والـحـ مـوجـود ـلى ـود]

هلا ببنت البدو يالغلا

انا والله المشرفه الله يسعدها نزلت لي 6 مواد الاساسيه وماده حره مااضافتها لي

لانو انا مالقيت زر الحذف والاضافه ذا اللي جابلي التعب بس الحمدلله واخيرا صار عندي جدول

وبالنسبه للسنترا العام سويت كل شي مارضي يفتح والمره المستوى الثالث لسى ماجربت

لكن مثل ماقالت لك أختنا عمشة القمر حاولي تاخذي المحاضرات من بنات المنتدى

اللي يسجلوها انا بشوف اذا صار زين وفتح معاي بعلمك ان شاء االله يمكن يفتح حتى معاك

واذا مازبط مالنا غير الله ثم بنات المنتدى ناخذ منهم المحاضرات الله يوفقهم .

وبالنسبه للجدول أنصحك ضيفي مادتين على الاقل انا مثلك ولاعندي كتب حتى للحين مااشتريت

وربي حاله و6 مواد كمان من جد ضغط بس ربك كريم لكن انتي ضامنه انك تجيبي معدل كويس في 3 مواد

اذا لا انصحك ضيفي لان بصراحه احيانا الوحده تذاكر والاسئله تجي فيها لف ودوران تجيب

الفجعه وربي يمكن لو اضفتي يفيدك اكثر . تخيلي ماجبتي درجه حلوه في كل 3 مواد وانو عندك

باقي كم ماده تساعدك هذي وجهة نظري وإنتي وراحتك وشوفي يمكن البنات يقدرو يفيدوك اكثر مني

بالتوفيق يالغلا ،،،،،،،،

[*بنت البدو *]

عمشة القمر
الحمد لله ماعلي فاصر انتي شلونك ؟
ياغلاي الفلاش والجافا كل ابوهم عندي
بس الله يقطع ابليس السنترا اللي طلع نخلة بروسنا
اشوف يمكن انزل العربي
والله يوفق الجميع ياغلاتي
مشكورة يا احلى عمشة
لاخلا ولاعدم يا بعد حيي

[*بنت البدو *]

جود والحلى موجود
هلابك ياالغلا
انا بعد دقيت على استاذة نسرين بخاري وسوته لي الله يجزاها
وان ما فتح السنترا الشكوى لله مالنا الا المحاضرات اللي ينزلونها البنات
المواد راح انزل العربي بعد والله يوفقنا
مشكورة لانك عبرتيني انتي وعمشه
تسلمون يا ذوق
بتوفيق

[goood man]

بارك الله فيكم على التعاون

وتمنياتي للجميع بالتوفيق والسداد

[ام سما]

برفع المووضوع عششان البدوو وبنت البدوو >>فديتهم

[جـــووودي]

قلبو ادا عندك اي مشكله مع السنترا روحي لعمادة التعليم عن بعد في كلية العلوم وان شاءالله يقدرون يساعدونك..

و بالنسبه لجدولك انا اتفق مع وجهة نظر جـ والـحـ مـوجـود ـلى ـود انا عن نفسي عندي ست مواد..


موفقه يارب

[*بنت البدو *]

Good man

يا اخوي الناس للناس والكل بالله
ومشكور على المرور

*

ام سما
تسلمين ياعمري كلك ذوق
فديتك

*

جودي ان عيا يفتح معي يوم السبت بروح لهم
واشوف وصير
الله يوفق الجميع ان شاء الله

[وهج المشاعر2009]

ياهلا وغلا بالبدووووووووووو فديتكم والله

الله يوفقك ويعينك يااارب