الي قدموا على جامعة الخرج

[السعودية]

السلام عليكم

البنات الي قدموا علي جامعة الخرج جاهم اتصال و الا لا؟

خصوصا بنات الاقتصاد المنزلي

مشكورين مقدما

[سبحان الله]

جاني مسج
بس ماادري متى اختبارهم
وعلى فكرة انا مو اقتصاد
انا تربية

لكن مدري اش يختار ربي
زووووووووووووووووجي مو راضي

دعواتكم لي

يارب يرزقها رزقا هني غني عاجلا غير اجل قريبا ليس بعيد

والله يجزاكم خير

[seham alwead]

السلام عليكم ورحمة الله وبركاته
صباح الخير للجميع........ حتى انا جانى اتصال يوم الاحد اللى فات
وقالت انتي مقدمة على معيده بالخرج قلت نعم .. قالت طيب وين ساكنه قلت بجدة قالت اسفه لازم تكونين من سكان الخرج
وانتهت المكالمة مع انى ذاكرة في استمارة التسجيل عنوان الاقامة
المهم الاربعاء من نفس الاسبوع وصلت لى مسج انه الاختبار راح يكون يوم الخميس 10-1-1432هـ وانه اخر موعد لتسليم الملفات يوم الثلاثاء 9-1-1432هـ
وانا محتارة هل انا مترشحة فعلا ولا لا ... والرسائل اللى وصلت فعلا صحيح ولا ارسلت عن طريق الخطأ
طيب الملفات ترسل بالبريد ولا عن طريق الحضور للكلية.. اتصلت على الرقم اللى ارسلت منه الرسالة بس للاسف مغلق
الحين انا في موقف صعب والدى عنده شغل... انا كنت افكر اروح يوم الاربعاء واختبر الخميس وارجع جدة الجمعة
بس بينى وبينكم اخاف اضرب مشوار وفي الاخير يقولون لازم تكونين من سكان الخرج؟؟؟

[السعودية]

ماقالوا لازم نكون من سكان الخرج؟ غريبه؟

الله يرزق الجميع يارب و يختار لنا الي فيه الخير

[seham alwead]

والله هذا اللى صار معى حتى اخذت اجادل الموظفة قالت انا مالى دخل هذى قوانين مجلس الجامعة.. قلت طيب ممكن اسكن بالرياض عند اخوى قالت لا لازم تكونين من سكان الخرج.. وقالت اسفه معليش ان شاء مره ثانية
على العموم الله يرزقنا بالى احسن منها

[دكتور اللغة]

نصيحتي لكم يا بنات لا تهتموا بكلام الموظفة

روحوا و سووا كل شي و ربك يحلها

[السعودية]

صح لا تهتمي بكلام الموظفه

روحي و اتوكلي علي الله

الغريبه انو ماكان من شروط التقديم و الا ماكان قدمنا

[السعودية]

ياجماعه فيه حاجه غلط

طيب الاخت جوري الحنونه ماهي من سكان الخرج و كلموها؟؟؟

[seham alwead]

انا معكم حتى انا اتصلوا وكان سؤالهم لى انتي من سكان الخرج؟ وحتى الرقم لحد اليوم اللى اتصلوا منه وارسلوا لى الرسالة مقفل... وارسلت ايميل للكلية وماحد رد..
عموما الملفات تسلم كيف بالبريد ولا بالحضور شخصيا للكلية

[seham alwead]

تونى مقفله مع احدى موظفات الخرج على الرقم اللى كان مقفل ( واتوقع انه نفس الموظفه اللى كلمتنى من قبل بس انا سويت نفسي ماعرفها) اخيرا ردوا
تقول انه نعم انتي من المرشحات ولما سالتنها على شرط الاقامة قالت نعم كان موجود بس بعدين تم لغيه
قلت طيب ليش ماتبلغوه البنات اللى من خارج الخرج.. قالت مو معقوله بنكلم كل البنات... قلت طيب انا وش وضعى
والملفات كيف ترسل قالت انتي لسي ما ارسلتيها.. قلت كيف وانا ماعندى رقم فاكس ولا بريد وحتى الموقع مو مكتوب فيه قالت هو بصراحة لازم تحضرين بس قلنا عشان الناس اللى بعيد عن طريق الفاكس.. قلت لها كان قلتوا في الموقع انه تغيرت وشرط الاقامة اتلغى وانه هذا رقم الفاكس اللى ترسل عليه الاوراق للى من برا الخرج ... قالت والله هم اعلانوا بدون شروط واضحة وكل شوى تتغير اول كان لازم شرط الاقامة وبعدين قالوا مو لازم .. قالت خلاص اكتبي رقم الفاكس و ارسلى الاوراق بسرعة... والاختبار ترى بكره الخميس
قلت كيف وانا في جدة وماراح القى حجز من جدة للخرج واليوم اربعاء نهاية الاسبوع على الاقل قبل باسبوعين
قالت والله اذا ماقدرتى خيرها في غيرها قلت معليش هذى تخبطات وسوء تخطيط من الجامعة قالت عارفة بس وش اسوى انا عبد مأمور... وانتهت المكالمة وكتبت رقم الفاكس
انتم وش رايكم.. بالله هذا تصرف من جامعة المفروض انها عارفة وش ابعاد اعلان وظائف وكيفية الشروط والمفاضلة
وهل بعدين فيه ثقة في نتائجها في اليه قبول المتقدمين؟؟؟؟؟؟؟؟؟؟؟؟؟!!!!!!!
اذا العمادة والقبول تتصرف كذا اجل باقى اقسام الجامعة كيف؟؟!!
وليش الجوال كان مقفل طوال الاسبوع الماضى واليوم فتح؟؟؟ اذا كان هاتف للجامعة زى ماتقول الموظفة؟؟
هذا اللى صار معى بالتفصيل .. اليوم الاربعاء 9-1-1432هـ الساعة 10 صباحا