الله يجعل مثوآكم الجنه ..اللي عنده افادة في موضوعي يفيدني بسرررعه

[Im Roro]

السلام عليكم ورحمة الله

الشكوى لله

ابيكم الله يسعدكم تفيدوني وش اسوي

اخيرا وصلتني بطاقة الجامعة وفرحت فيها .. بس يافرحة ماتمت

اخوي ضيعها الأمس وماخلينا مكان مادورنا عليها

الحين مابقي الا 26يوم على الإمتحانات

وسمعت انه مستحيل ادخل قاعة الإمتحان بدون بطاقة جامعة

وانا مو من جدة ولاالمنطقةالغربيةعشان يعني اروح الجامعة واقول لهم على هالمشكلة

ماعندي الا الله ثم انتم يا اخواني واخواتي في الله .. ارجووووكم قولي لي وش اسوي

والله ماعاد قدرت اذاكر ولا اسوي شيء ..عايشه في هم وضيق مايعلمه الا ربي من الامس وانا على هالحال..

[ريمية حبيبي]

لاحول ولاقوة الابالله
وين ضيعها لااله الا الله
اذكر الله وادعية وباذن الله تلاقينها
ربي يرد عليك ظالتك
والله ماعندي اي خلفية عن الموضوع
لكن باذن الله تلاقيها
:(
قلبي معاك

ان شاء الله الاعضاء مايقصرون معاك

[عزتي بأسلامي]

طيب اتصلي علي الجامعه واستفسري منها يسون لك بدل فاقد اعتقد او علي الاقل يعطونك تعريف لك

لاتتأخرين علي نفسك لان مو قصة تدخلين الاختبار اذا دخلتي الجامعه اصلا لان لازم البطاقه عشان تدخلين الجامعه

[Im Roro]

تسلمين اخت ريميه حبيبي
ادعي لي معآآك اكثر واكثر اني الاقيها
مع ان احنا قلبنا البيت فوق حدر
ومالقيناها
اتمنى من الاخوة والاخوات يفيدوني لان ماعاد في وقت
وش اسوى عشان اجيب بطاقه بدآل اللي ضاعت

[Im Roro]

مشكووره عزتي بأسلامي


ما ادري كم رقم الجامعة ياليت تقولين لي

مع اني حاسه ماراح يردون علي, لان سبق وحده من اقاربي كانت تبي تستفسر منهم وماكان فيه رد ع الاتصال

[احساس رسام]

عادي الوضع انا نفسك صارت لي ورحت للمتحان وشرحت الموضع لرئيس الجنه قال خلاص ادخل المتحان ورجع العماده وطلع بديل

ليش شايله الدنياء على راسك اهم شي ذاكري حلوه خليك تاخذين درجة الامتياز ان شالله

اتمناء لكي التوفيق اختي

[Im Roro]

الله يجزآك خير اخ احساس رسام
المشكله اني راح امتحن بمدينة تبعد عنا 200 كيلو ان شاء الله(اختبار المناطق) يعني مابختبر بالجامعة بجدة
يمكن تهون لو اختبر بالجامعة عشان امر ع ادارة الجامعة وافهمهم مشكلتي, ولا ادري كيف اوضاع المكان اللي بيحديدونه لينا من اجل الأختبار

[♥¨ŋōỌōŋч]

اختي حاولي بكل وقت تتصلين عليهم او عن طريق الايميل تراسلينهم
طلعي بدل ويرسلونها لك عن طريق شركة dhl
وتستلمينها منهم مو شرط الا تروحين الجامعه
وانتي بعد دوري زين يمكن راميها جنب البيت بالشارع
ان شاء الله تلاقينها , ادعي الله وذاكري ولو مالقيتيها ان شاء الله يتفهمون مشكلتك

[Mesho.F]

يالله الله يعينك يارب ان شاء الله تلاقيها

[Im Roro]

اليوم الصباح جت على بالي فكرة
اللي هي اكتب مشكلتي بالمكان اللي يتسمى بـ(المعاملات الاكترونية)
وعرفت له الحمد الله وكتبت لهم .. وخفت مايرودن على الا متأخر
بس الحمد الله ردو علي بنفس اليوم.. بس مافهمت .. عطوني رقم ما ادري وش هالرقم
هل هو رقم تلفون ولا ايش؟؟
قمت قبل شوي اضيف للرقم فتح جدة اللي هو 02
واتصلت بس مايمسك الخط على طول يسوي قطع اتصال يعني لا مشغول ولا الرقم غلط مااااادري !!!
نسخت لكم ردهم .. رد المختص حق المعاملات الاكترونيه ,, اذا احد فهم وش المقصود ياليت يقول لي
هذا هو

رقم الطالب : رقم المعامله : بتاريخ : 02.17.57 -- 2010-12-15

انا طالبه انتساب تحضيري ضاعت بطاقتي الجامعيه ولم يتبقى على موعد الامتحانات غير 25يوم وامتحاناتي ستكون بمدينةابها ارجو ان ترسلو لي البطاقة عن طريق شحن دي اتش ال وهذا رقم جوالي لتبلغوني بارسالكم لي بالبطاقه ارجو ارسالهاسريعا


وهذا ردهم علي .. (رد المختص)
موضوع المعاملة
بتاريخ : 11.27.17 -- 2010-12-15
الرجاء مراجعة شطر الطالبات على الرقم 6953556