الى من يهمه الامر...

[unexpected]

بسم الله الرحمن الرحيم

هذي قصيدة كتبتها في ساعه ونص..
وإن شاء الله بتكون اخر اعمالي في المنتدى..
اتمنى انكم تعذروني لو فيها اغلاط لضيق الوقت...


ليه الألم في دنيتي مكتوب
لابد عذابه ينتقم منّي
وليه الجفا لو كان من محبوب
يذبح ويقتل ما بقى منّي
ليه لا اشرقت الشمس يتبعها الغروب
ويموت كل احساس ويزيد حزني
ليه كل ما قررت اني اتوب
القى طريق البعد يبتعد عنّي
يا ناس وش ذنبي لا صار لي محبوب
يجري في قلبي مجرى الدم منّي
وش ذنبي لا قدمته على كل القلوب
وارخصت له هالكون هدية مني
يا ناس حبيته وصبرت صبر ايّوب
ضحيت بدنيتي وحبّي ذبحني
و في يوم قررت اني اتوب
قررت اني ابعده عنّي
ارحم عذابه وعذابي علي مكتوب
عيّا يفارقني او يبتعد عنّي
ما عرفت اوصف عذاب القلوب
لا صار محبوبي محروم منّي
ما درى اني من حبّه اذوب
لا قلتله : محبوبي , ابتعد عنّي
دور حياتك والقى لك محبوب
يقدر ينسّيك اللي شفته منّي
وانا والله من بعده اذوب
ويحترق في داخلي جرحي و ونّي
يا بنت ادري ان قلبك عطوب
وادري ان العادل بينتقم منّي
وادري ان كلّي عيوب
وادري انك كامل(ن) عنّي
ما ابيك عن حب غيري تتوب
الله يوفقك ويّاه ويوفقني
ما بغيت من دنيتي غير انّي اتوب
واشفى قلوب الناس وغلّها منّي
سامحيني واقبلي عذر محبوب
اخطيت عليكي وابيكي تصفحي عنّي
و اخر كلامي عالسطر مكتوب
اباختفي اليوم , لا تزعلين منّي ...


تحياتي...

[chocolata]

ماشاءلله لا والله يجي منك..

مااتوقعتك تكتب قصايد..

القصيدة مرة حلوة ماشاءلله..

الله يعطيك العافية..

بس اقولك شي وربي مع نفسياتك ..

وهذي مهي اخر اعمالك هنا..

[العاشق الساهر]

أجمل احساس

هو الاحساس الصادق

الذي يخرج من القلب في لحظة غليان للمشاعر

وهنا وجدت احساسك صادق رغم حزنه

ورغم ما يكتمه من آهات

أتمنى أن أرى منك كتابات أكثر وأكثر

فحرام ان تظلم قلمك وتحرمنا منه

لك الود والورد

واسمحي لي ان أزف موضوعك الى نبض الحروف

بكل فخر وتقدير

سلامي

[NooDy]

ماشالله مرره يجنن , مع انها تحزن وتوجع القلب .. تسلم يدك :)

و حرام تسيب المنتدى .. فكر فيها .

[bent mankoosha]

كلام حلو
ويعجبني الإنسان لما يعترف انه غلط في حق اللي يحب
الله يوفقك وييسر لك الخير في دنيتك
سلام

[الباحث عنها]

إن كانت آخر أعمالك من باب الإعتزال فلن نسمح أبدا أن يغادرنا هذا القلم
أما إن كانت "مشاغل" فبرضو ما حنسمحلك بالمغادرة!!