بخصوص التدريب في الغرفة التجارية

[حأقعد عالكاشير]

سلااااااااااااااااام يابشر
كيف الأحوال إن شاء الله تماااااام

المهم حبيباتي أنا كنت حابة أسألكم هل صحيح إنو حيوقفوا التدريب للبنات في الغرفة التجارية من الترم الجاي

لأني كنت ناوية ومتمنية أتدرب هناك والحين صدموني بالخبرية دي

فبليييييييييييييييييييييز اللي عندها خبر عن الهرجة دي تبلغني

وكمان إش ممكن في أماكن تعلم مزبوووووط وتكرف الواحد في مجالو
يعني ماابا اتدرب في بنك في النهاية يخلوني ادبسلهم أوراقهم وأستقبل معازيمهم

أبا شغل شغل
فاللي عندها معلومات عن أماكن جيدة تقولنا
واااخر شي متى أقدم للتدريب أنا تخرج الترم الجاي ؟؟؟؟


ومررررررررررررررررررررة شووووكرا
للي حتقولي حأدعيلها من قلبييييييييي


بالتوفيق جمييييييييييعا

[LAYAN89]

لو أعرف كنت ساعدتك يآقمر :)

إن شآء الله تيجي وحده وتساعدكي

[فراااااشة]

حتى انا سمعت انه مافي تدريب في الغرفة التجارية

[The Nice]

خببببر طااازا وحصري من اخويا انو حيوقف التدريب عندكم واااكيييد لاسباب سرية بين الجامعه والغرفه التجارية واي خدمه انا جااهز والخبر اكيد

[حأقعد عالكاشير]

^
^
افاااااااااااااااااا يعني طلع صحيح

طيب فين نتدرب :(

نبغا اماكن صاحية مو اماكن ماهي دارية وين الله حاطها


يالله مالنا في الطيب نصيب

بالتووووووفيق

[jain]

في تدريب في الغرفه بس يبدا متاخر 15\4
يعني تخلصي وقدامك شهر تسوي فيلو البحث

[حأقعد عالكاشير]

ايوا الحمدلله لحقت وسجلت ووديت اوراقي الاسبوع اللي فات
قالولي نبدأ 15/4 زي ماقلتي

بالتوفيق جمييييييعا :)

[~حـوريه~]

وحيوقف الاترام الجاية ولا لا؟؟
بليز اذا عندك خبر حأقعد عالكشير
وكيف التدريب في الغرفة ؟؟؟

[حأقعد عالكاشير]

^
^
والله لسى مابدانا بس بعد مااتدرب ان شاء الله حأجاوبك وحأسألهم إذا حيكون في تدريب الاترام الجاية ولا لأ


بالتوفيق

[اسامة كردي]

حتى لو وقفوه ... في الف شركة كويسة

الله يسويلكم اللي فيه الخير