ايش الحل ؟ الرجاء من جميع اعضاء المنتدى الدخول وقول رايهم

[هموووسة 2010]

السلام عليكم ورحمة الله وبركاته

انا طالبة في الجامعة دفعة 10 يعني من بنات السنة اللي فاتت والى الان انا في السنة التحضيرية
قصتي باختصار اول سنة جاتني زي الصدمة واكتئاب شديد من المواد المرعبة دي وقررت اني احول مساري من علمي الى اداري من الترم الاول حسيت بعدم ارتياح في اول شهر وحاولت احول ماخليت مكان ماسألت فيه حتى عميدة السنة التحضيرية رحتلها وقولتلها بنفسي كيف اقدر احول قالتلي ماينفع تحولي مع العلم انو كان ي تحويل وقتها بس مااعرف ليش ماقالتلي امكن عقد نفسية عندها تحب تشوف اي شخص يتعذب الله اعلم ايش كان في نيتها وبعدين دخلت الختبار النهائي وياريتني مادخلت وبعد مااختبرت رجعت وسألت مرا ثانية عن التحويل كلهم قالولي نفس الكلام مادام اختبرتي نهائي ماينفع التحويل ماقولت غير حسبي الله ونعم الوكيل يعني جيتكم قبل مااختبر ماقولولي دا الكلام تخيلو عديمة الاحساس ايش قالتلي والله موشغلي امكن ماسألتي كثير في ديكا اللحظة كان نفسي اعطيها كف اشوف فكها يطير من فمها بس مسكت نفسي وقولت محاانطرد عشان حشرة زي هادي المهم طبعا رسبت في المواد العلمية كلها ماعدا الاحياء يعني (رياضيات واحصاء وفيزياء وكيميا )
طبعا مااخذت صيفي لاني حاولت اجيب واسطة من هنا ومن هنا واقولها باسف شديد مع اني مااحب الواسطات لانها افسدت مجتمعنا بس عاد ايش اسوي مجتمعنا الخربان مايمشي غير بالواسطات وبرضو الواسطة مانفعت وكلمنا دكتور في الجامعة ولد عم بابا وقال مادام عندها 4 مواد خليها تكمل واحنا نخصصها اللي تبغاه بس انا نفسيتي تعبت وطفح بي الكيل ومن يوم ماامسك الكتاب احس اني بختنق

خلص الصيف وبدأ الترم الاول وبدأ معاه فصل جديد من الكأبة والخوف والتوتر وقلت في نفسي خليني ابدأ بداية منعشة امكن ربنا يفتحها عليا وامشي وجبت مدرسات كيميا ورياضيات واحصاء طبعا هادي المواد اللي نزلتلي الترم دا ومااقولكم على الدوريات الرياضيات :الاول 14 والثاني 10 والنهائي الله اعلم انا حاسة اني ماحليت كويس والكيميا الاول 18 والثاني 8 والنهائي الله اعلم لسى مااختبرت الربوع النهائي ومالي نفس افتح كتاب مخنوووووقة والاحصاء احسنهم :الاول 26 والثاني 19 والنهائي الله اعلم ماذاكرت بس ان شاء الله بنجح فيه وهكذا
فأنا مليت وحسحب واسجل مرا ثاني بس اداري وانساني ..
اولا لحد يقولي كملي لانه طفح الكيل والانسان عنده ليمت محدد للصبر ونا من يوم مادخلت الجامعة مني حاسة اني عايشة بصراحة ضاع كثير من عمري ومرضت جاني القولون العصبي فامافي حل غير اني اسحب واسجل تاني اداري
وحبيت اسأل اذا سحبت بعد النتايج لهذا الترم اقدر اسجل وابدأ من الترم الثاني ؟؟؟
انا صحبتي سجلت من السنة اللي فاتت على الترم الثاني ودرست خطة ب الترم الثاني وبعدالصيف دحين بتدرس خطة أ فاماأدري يعني ممكن اسجل زيها ؟؟؟

وانا خايفة انهم مايقبلوني لاني سجلت ودرست سنة وسحبت وهما امكن عندهم الاولوية للمتخرجين جدد ارجو الافادة اللي عنده علم بالشي دا وحدعيلو من قلبي
شكرا ...

[آشجآن~]

ماعندي اي خلفيه عن موضووعك ان شاء الله غيري يفيييدك
بس دخلت بدعييلك الله يسهل عليك ويوفقك ويفرج همك يآآآآآرب~

[هموووسة 2010]

تسلمي اشجان حبيبي ويوفقك وينجحك يارب وشكرا على ردك ...
ياهووو معقولة مافي احد هنا عندو خلفية ؟؟؟؟؟؟؟

[هموووسة 2010]

يعني مومعقولة 46 مشاهدة ومحد رد محد انحط في موقف زي كدا وحول ويقدر يفيدني عن التحويل مثلا اوسحب حتى ورجع سجل ثاني ؟؟؟؟؟؟

[البتول 2010]

انتي تسالين طالبات مستجدات ما عندهم خبرة بحكاية التحويل والتسجيل
فكيف تبغينهم يجوبونك حطي موضوع بملتقى المنتظمين

[الحائرة دائما]

الله يعينك ..
بس ياخوفي تسحبي وبعد كده مايقبلوكي لما تقدمي لان زي ماقلتي الاولويه للمتخرجين جدد
فكري كويس واستخيييييييري عشان لاتندمي في الاخير وتخسري الجامعه .. وربي يوفقكي ..

[فلسوعه]

الله يكون في عونك ويفرج لك همك يااارب
والله بصراحه ماعندي اي فكره عن موضوعك
بس أفضل شي تسويه قبل ماتاخذي قرار انك تصلي استخاره وربي يساعدك ان شاء الله ويفرج لك همك

[هموووسة 2010]

ان شاء الله شكرا على ردودكم فلسوعة والحائرة دائما من جد انكم ذوق على الاقل هونتو عليا شويا شكرا حبايبي ..

[lujain.alsagh]

الله يعينك

ماراح افتيلك بالنسبه للقبول بالترم التاني

تقدري تقدمي على السنه الجديده اذا كان شهادتك مامر عليها 3 سنوات
ثانيا حطي باعتبارك التحصيلي مدة صلاحيتها سنتين والقدرات 3 سنوايعني لو فكرتي تقدمي على السنه الجديده لازم ترجعي تختبري ..

وبالنسبه للقبول مافي اولويه لاا للجدد ولا للقدامه اهم شي شهادتك مامرت عليها 3 سنوات واكثر والاولويه للمعدل العالي ..


ربي يخيرلك الي فيه خير لك يااارب ..

[calla lily]

المشاركة الأصلية كتبت بواسطة lujain.alsagh الله يعينك ماراح افتيلك بالنسبه للقبول بالترم التاني تقدري تقدمي على السنه الجديده اذا كان شهادتك مامر عليها 3 سنوات ثانيا حطي باعتبارك التحصيلي مدة صلاحيتها سنتين والقدرات 3 سنوايعني لو فكرتي تقدمي على السنه الجديده لازم ترجعي تختبري .. وبالنسبه للقبول مافي اولويه لاا للجدد ولا للقدامه اهم شي شهادتك مامرت عليها 3 سنوات واكثر والاولويه للمعدل العالي .. ربي يخيرلك الي فيه خير لك يااارب ..

اممم ليش لازم ترجع تختبر مو هيا يعتبر لها سنتين يعني مو لازم ترجع تختبر تحصيلي وقدرات ؟؟
سوري رديت عنها بس لانه انا تقريبا نفس حالتها ومافهمت