يجب الوقوف وقفة رجل واحد

[الاسد88]

بسم الله والصلاة والسلام على رسول الله

اخواني الاعزاء في البداية اقسم لكم بالله العلي العظيم اني الان مسافر تقريبا 450 كم وارجوا منكم الدعاء لي بالسلامة . حيث ان اختباري الساعه 4 وربع .. المهم .......

كل مافي الموضوع اني ورغم الهم والغم والتعب والاجهاد ومشاكل الطريق وسوء الاحوال الجوية والتي ستكون عبء كبير علي وسوف تهد حيلي كثيرا الا انني يادووب استلم ورقتي الاجابة والاسئلة الا ويبدا المزعجون من الدكاترة بالهذيان وكأنهم في احدى مقاهي المعارض اللي اسمع عنها في جدة .. ويبدأ التوتر والقلق يدب في صدورنا خصوصا ونحن اصلا مشحونين من السفر وصعوبة الاختبارات ..

لما لا نكون واقفين وقفة رجل واحد قوي في وجه كل من يمارس هذه الضغوطات الغبية وكأننا اول مرة نختبر .. أليس من حقنا ان نطالب بالهدوء ..
أطالبكم واسألكم بالله لمن استطاع .. وخصوصا من الجرئين ان لا نسكت على هذه المهزلة وانا تعبت من كثر ما اصايح عليهم مطالبا اياهم بالهدوء ولكن المشكلة انهم ما عندهم دم ... ولا انقهر زود الا اذا سمعت ضحكاتهم تتعالى وسوالفهم تزداد مع زملائهم الاغبياء وكأننا لا نعني لهم شيئا ..
اليوم سيكون لي معهم جداااااال حاااار الا اذا دخلوا علينا احد الدكاترة المحترمين والذين تتمنى ان تضعهم فوق رأسك من زود ما هم محترمين ويقدرون الوضع الذي يمر به الطلاب وقت الاختبارات ..

الى اللقاء ايها الاحبه ولا تنسوا الدعاء لي بالوصول بالسلامة واعاهدكم بالله ان ادعي لكم جميعا بالتوفيق لان الرسول صلى الله عليه وسلم قد دلنا على ان دعوة المسافر لا ترد ...

اشوفكم عقب السفر بالسلامة ..

[بسووومة]

اصلا صار شعاري بهالجامعة ((( لاحياة لمن تنادي ))) مين سمعك انتهت الاختبارات وما شفنا منهم شي ...
توصل بالسلامة ... وبالتوفيق ان شاء الله ....

[مشعل أبوتركي]

اللي يردك بالسلامه
عزيزي
المعلم لـه أحترامـه
أولاً لكونه أستاذك
ثانياً لكونه أكبر منك سن
والله العظيم لم أرئ شي من هالكلام اللي تقول
بالعكس تنظيمهم أشاره باليد فقط وكلمه أو كلمتين مثل (تقدم بالكرسي اللي امامك ، شباب اللي بالصف الاخير سدو الفراغات ،
اللي يتكلم أسحب ورقته ...... ألخ)
راجـع تفكيرك أنت غلطان
شكراً

[محمد السكاكر]

المشاركة الأصلية كتبت بواسطة مشعل أبوتركي اللي يردك بالسلامه عزيزي المعلم لـه أحترامـه أولاً لكونه أستاذك ثانياً لكونه أكبر منك سن والله العظيم لم أرئ شي من هالكلام اللي تقول بالعكس تنظيمهم أشاره باليد فقط وكلمه أو كلمتين مثل (تقدم بالكرسي اللي امامك ، شباب اللي بالصف الاخير سدو الفراغات ، اللي يتكلم أسحب ورقته ...... ألخ) راجـع تفكيرك أنت غلطان شكراً

ليش انت مو عايش معنا ليش المجاملات ياخي قلت للمراقب ممكن تسكر الباب ازعاج جلس المراقب الثاني يناظرني ياخي ما طلبت شي ابسط احقوقي لا ودكتور يقول انتو زي لعيبة المنتخب يسولف وينكت ياخي انا انسان لما اختبر ولا اذاكر اي صوت يشوش . وواحد يقول طلعو بطاقاتكم من اول االاختبار حتى انتهى وهو والله ما جاء يشوفها ياخي بالادب تعال عند كل طالب وقله لو سمحت بطاقتك والسوالف كثيرة ما لك بالطويلة بس لا تقول ما فيه ازعاج .

[الاسد88]

المشاركة الأصلية كتبت بواسطة محمد السكاكر ليش انت مو عايش معنا ليش المجاملات ياخي قلت للمراقب ممكن تسكر الباب ازعاج جلس المراقب الثاني يناظرني ياخي ما طلبت شي ابسط احقوقي لا ودكتور يقول انتو زي لعيبة المنتخب يسولف وينكت ياخي انا انسان لما اختبر ولا اذاكر اي صوت يشوش . وواحد يقول طلعو بطاقاتكم من اول االاختبار حتى انتهى وهو والله ما جاء يشوفها ياخي بالادب تعال عند كل طالب وقله لو سمحت بطاقتك والسوالف كثيرة ما لك بالطويلة بس لا تقول ما فيه ازعاج .

نعم اخي الكريم كل ذلك يحدث اثناء الاختبارات ومنذ سنوات ..

وبالفعل عندما تستجمع ذاكرتك فان اتفه الاصوات يشوش على تفكيرك وهذه حقيقه علميه فطن لها المحترمون من الدكاترة وتجاهلها الاخرون ..

شكرا لك ،،

[الحوووووووووووت]

والله انك صادق بس ياخوي وش تقوله لو سمحت اسكت عندي اختبار او معليش يادكتور ممكن تخفض صوتك !!!

ياخوي هالجامعة والله العظيم انها مجرد اسم ؟؟؟ والله حرام فيه دكاتره على مستوى ولكن قله بس من يحاسب هؤلاء المتطفلين ؟؟؟

والله لو انه فعلاً دكتور وماخذ شهادة الدكتوراه بالأصول ومتربي وعارف ربه مايسوي كذا ابداً .. ولكن من جد حثاله الدكتوراه هؤلاء !!!

انا امس مختبر وصارت لخبطه في القاعة من بعض الشباب الله يهديهم يقول لهم الدكتور عامود عامود بمعنى المجموعه قليله وفرق بينهم عامود ولا كأنك تسمع والله كررها اكثر من خمس مرات وهو مشغول بتوزيع الورق ولكن بعض اخويانا الله يهديهم بعد مايفهمون وضاع تقريباً من الوقت 15 دقيقة عشان التوزيع ورقة الاجابة فقط وغير ورقة الاسئلة ؟؟

وبعد ما توزعنا جاء واحد كبير في عمره تقريباً حول 60 لابس ثوب ازرق والله يكرمكم نعال زرقاء ومحلق الشنب والحيه واطالع في حواجبه والله مثل اللي توه نابتله شعر فيها اللهم لاشماته وبعد ما بدينا في الاختبار والله بعد نصف ساعة تقريباً ابو ثوب ازرق باقي من الوقت 45 دقيقه والتفت مقهور ابغى اركز ولكن وش تقول ؟؟؟

المهم رفع ضغطي هالازرق بالكلام شوي لاتلتفت شوي لاتتكلم ... لاتناظر ...لا تسأل ....لا ... لا .. لا ... والله غثه غثه غثه فعلاً ؟؟؟

المهم الله يوصلك بالسلامه اخوي ... وبالتوفيق ،،

[رسمي]

شفت كيف .. أنت تجي مشحون من الخطوط ومعصب .. الجامعة شعلاقتها ؟؟

تبي يحطون لك غرفة vip مثلاً

وتختبر لحالك في جو مليء بالرومنسية والهدوء

بالعكس والله وساعة صدر وروحهم رياضية

وفرصة نتعرف عليهم من قريب ونشوف طبايعهم وطريقة تعاملهم مع بعض

فلها ولا تصير متزمت .. تحياتي ..

[Raeed356]

الله يوفقك ويوصلك بالسلامه
والاخوان في المراقبه هدفهم راحه الطلاب وهم مجتهدين وتدري ضغوطات واشياء نحن مانعرفها
الله يسهل اختبارات الجميع

[بـــــدر]

مقاومتهم باستمرار ستعكس على الطلاب سلبا

خذ لك سدادة وصم بها أفواه الثرثاريين وسترتاح

المهم لاتحمل نفسك ضغوط من الان ولاتفكر بها الامر

،

الجهة التي يأتي منها الصخب لاتولي أذنك شطرها

[SkAyLaR]

دائماً تتجهوا إلى تضخيم المواضيع ..!

آنآ طآلب هآآذي السنه الرآبعه ليآ باللجآمعه ..

ولم اشتكي إطلاقاً من ازعاج المراقبين ..

هل تريدهم إلقاء التعليمات بالاشاره ؟؟

هل تريدهم توزيع الاوراق بالاشاره ؟؟

من البديهي إنهم يتكلمو ويقولو ..

لكن للأسف إنتو نآس تمسكو في آي شي ..

لآ وبعد هذآ كله تلومو الجامعه ليش ماتسمع شكاوينا ؟؟

آخووي لآ تضخم الموضوع .. وياريت تخففو من الانتقاد الزايد ..

شعب لآ يعجبه شيء !