أبشـــــرك ياطويل العــمــــر حنا بخيــر وســلامة !!! قــوية!!

[صوت الفجر]

السلام عليكم ورحمة الله وبركاته

الحمد لله على النعمة

ابشرك حنا بخير وسلامة ..
إن كنت تسأل هذا جوابي حنا بخير وسلامه ..





الشعب مبسوط ومتهنئ بـ كافة شرائحه وطبقاته كلهم بخير وسلامه.. انت وشلونك
تبي علومنا.. ابشر طال عمرك .. وعمر كل من يحبك ..


اقولك عن الشباب ..

الكل متوظف ما فيه أحد عاطل من قبل يتخرج من الجامعة وهو عارف مكان وظيفته وموب أي وظيفة إلا وظيفة محترمه وأقل راتب 5 الآف ريال .. ((شيء طبيعي))
رواتبهم عالية وحنا من اغنى دول العالم واكبر دولة مصدرهـ للبترول ..

ومن ناحية رب الأسرة ..
ابشرك ما عليه قروض ولا مديونيات ولا يقفل جواله آخر الشهر عشان الديانه ما
يأخذون مصروف عياله .. تصدق عاد أنه في نهاية الشهر يكون باقي في حسابه ثلثين الراتب . ولا يمكن يجي راتب الشهر التالي وهو يصرف من السابق ..


عن السلع والمواد ..

مقاضي البيت رخيصه رخص التراب .. ونسمع بـ غلاء المعيشه لكن ما شفناهـ حماية المستهلك ما قصرت محددهـ الأسعار وكل من خالف تشكمه شكم وتحط عليه عقوبات وغرامات ومع كل هذا تجينا 15% .. اعلى نسبة بين كل دول العالم ومن زود الفسقه صرنا نصرف في الشهر كامل هالـ 15% والراتب الاساسي ما نلمسه ولا نجيه ..

وعاد ما اقولك عن السعودة .. تصدق من قوة تطبيق السعودة اطلع في الشارع ادور أجنبي واحد ما حصلت ادخل مؤسسات وشركات ابي اشوف اجنبي واحد ما حصلت .. خير البلد كله ما يطلع لـ برى كله منا وفينا .. ومن زود الفسقه الشعب يطالب بتخفيف تطبيق السعودة لا تلومهم مشتاقين يشمون ريحة شعر الهندي آهـ على ذيك الريحه فقدتها وفقدت أهلها بس يبقى في النهاية قراركم سليم ما يصلح خير البلد يأخذها هندي وبنقالي وباكستاني مع انهم يأخذون خير خفيف موب مثل أهل لبنان اشوى انهم طلعو من الديرهـ بس ولا كانو يستلمون مثل راتب الموظف الحكومي ياحليلهم قنوعين

والعقار طال عمرك .. ما ادراك ما العقار

البيوت والشقق هذه وضعها احسن ما يكون الإيجارات رخيصه حقين العقار مساكين رخصو الإيجارات لان الشعب كله عندهـ بيوت ملك كل واحد متزوج من يوم يجيه بزر واحد بس وهو مشتري له بيت ملك بدون قرض عقاري من بنك يأخذ الفائدة 100% وبدون قرض عقاري من الدولة مع ان الدولة ما قصرت تعطيك قرض عقاري يجيبلك ثلاث فلل يارب لا تحرمنا من هالخير ..

وابشرك عن البنية التحتيه..

والشوارع والطرق فااااااااااضيه لدرجة أنك وانت طالع للدوام الصبح تأخذ لك غفوهـ وانت تسوق من عشر دقائق إلى ربع ساعة ثبت الطارهـ وحط راسك وارقد تصحى إلا أنت عند مخرج دوامك .. يا رجال المرور ما حط ساهر الا بسبب أن الشوارع فاضية والناس يأخذها الحماس وتشوف الطريق فاضي وتسرع وتمشي 180 وقتها قال المرور لازم نظام ساهر والمواطنين الله يهديهم ما يقدرون النعمة اللي هم فيها ويازين مخالفات المرور إذا جيت تسدد عطاك الحد الأدنى المخالفة بـ 300 ريال وتجي تسدد قال 150 ريال سددها وتطيح عنك من قالك أنهم يدبلونها دبل بالعكس ودنا أنهم يقولون دبل شرط أني لاقول ثري يستاهل المرور من يدعمه ويوقف معه



عاد الحفريات ما تشوفها في شوارعنا نهائيا وهي شيء لا بد منه لكن سبحان الله يخلصونها في وقت قياسي طريق الملك عبد الله حطو فيه نفق تصدق ما قعد إلا خمسة أيام ثم فتحو الطريق والنفق جاهز للاستخدام البشري .. وعندك طريق ديراب هذا كله تغير 180 درجه في وقت قياسي في شهر واحد بس سريع سريع وفتحو الطريق من يقولك أن له 4 سنوات وهو ما خلص ما عليك منهم لا تصدق هذولي ناس حقودهـ واعداء الوطن ..

وعلى طاري أعداء الوطن سمعت بالاشاعة اللي قالوها وهدفهم تشويه سمعة السعودية عند العربان قبحهم الله يقولون أن البلد كله ماشي على الواسطه وأن الفساد الإداري مسجل نسبة عالية .. وش هالكذب أجل معقوله طالب يتخرج من الثانوية ما يدخل الجامعة إلا بواسطة وش هالكلام بالعكس إلا الجامعة ترسل له مندوب وهو في بيتهم وتقول اي كلية تختار ثم يختار الطالب وتقول خلاص تم قبولك وألف مبرووك .. حتى الوظائف ما فيه تقديم أصلا لان الطالب من يوم يوصل لآخر مستوى ووزراة الخدمة المدنية مرسله له رسالة تقول ترى تم تعيينك من التاريخ الفلاني ما يحتاج يقدم ولا يحتاج واسطه ..

ولا الفساد الإداري قالو ايش قالو جده غرقت من الفساد الإداري وإن البيوت في مجرى سيول طيب وش دخل الفساد الإداري أنت يا مواطن ياحقير قبل تشتري لك بيت المفروض تروح تدرس هندسه وتعرف هل موقع بيتك سليم وله تصريف سيول وأمورهـ طيبه .. أنت من جهلك ماتو عيالك في سيول جده وجاي تطالب بكل بجاحه بحقك ومع هذا ما قصرت الحكومة صرفت لكم على كل رأس مليون ريال وتم صرف هالمليون من وقت تقديم شهادة الوفاة على طول من يقول قعدت سنة ما شمو ريحتها .. وشكلت لجنة لمكافحة الفساد الإداري ومن أول اسبوع لهم اكتشفو الجاني والمتسبب مع أن الخطأ منكم وقدموهـ للمحاكمة وكلنا سمعنا بخبر القاضي والرجال رأسه طار في الصفاة ..
وبكل بجاحة يقولون الحكومة قصرت معنا يا خي انتم مواطنين ما عليكم شرهه ..


شوف هالصور طال عمرك ..






















باختصار الشعب كله يقول الحمد لله الذي لا يحمد على مكروهـ سوآهـ
باختصار حنا بخير وسلامه .. انت شلونك بشرنا عنك يا حياتي
ودي اغني لك واقول انت طيب هذا هو اللي يهم انت طيب وغير هذا ما يهم





((حسبنا الله ونعم الوكيل ))


م\ن

[Hamsa }~]

عاد الحفريات ما تشوفها في شوارعنا نهائيا

موضوع معبر بجد ..

تعبنـآ من كثر مـآنقول ومحد يسمع ..

يعطيك الع’ــآآفية ع النقل المميز..

[سماღ]

بجد هي هذي الحقيقه ,,
الله يعين بس

[حلا الحلوه]

يعطيكي العافيه صوت

وينك يا بنت قطعتي المنتدى لك كم يوم؟؟

[صوت الفجر]

المشاركة الأصلية كتبت بواسطة ӊἁӎѕἁ }~ موضوع معبر بجد .. تعبنـآ من كثر مـآنقول ومحد يسمع .. يعطيك الع’ــآآفية ع النقل المميز..

والله تعبنا بجد الخوف يقولون فيه امطار جاية ... يسلمو على المرور ياعسل

و جودك هنا هو المميز ...

المشاركة الأصلية كتبت بواسطة سماღ بجد هي هذي الحقيقه ,, الله يعين بس

صدقتي اختي فعلا ولاكن ما لنا غير الدعاء ...

شفت امس بالقناة الاخبارية جولة الامير خالد الفيصل ...

وحده بنت تقولة احنى بذمتك ياطويل العمر ... هذي ثالث مرة ... قالها انتم في عيوني ..

نشوف النهاية !!!!!

يسلمو على الطلة ياعسل

المشاركة الأصلية كتبت بواسطة حلا الحلوه يعطيكي العافيه صوت وينك يا بنت قطعتي المنتدى لك كم يوم؟؟

الله يعافيك ... تسلمين والله ... على سؤالك .. لاحرمني اخواتكم يارب

خبرك مع المطر سحب كبينة الدي سي ال وسنة ع بال مايرجع

[أثير العالم]

يعطيك ‏
العآفيه,,

وآلله ‏
المستعآن ',

[قاهر المتكبرين]

رائعة وفي الصميم :(

لابد أن يعلم الجميع حقيقة الكذبة الكبرى المسمية "مملكة الإنسانية" ..

[روفي !!]

يَ ربي أقشع‘ـر بدني !!

..

يَ بو متع‘ـب ح‘ـنـآ بخ‘ـير

يَ بو متع‘ـب ح‘ـنـآ بخ‘ـير

يَ بو متع‘ـب ح‘ـنـآ بخ‘ـير

يَ بو متع‘ـب ح‘ـنـآ بخ‘ـير

يَ بو متع‘ـب ح‘ـنـآ بخ‘ـير
..

لـآح‘ـول ولـآقوه إلـآ بآلله

[rubi]

اهلا صوت الفجر بجد سالو عنك وماشفتلك ولا رد بعد السيل وجلست ادعيلك تكوني بخير وبصحة ,,,,وحية

بجد سرت اوسوس واحاول اتطمن على اي مخلوقة اعرفها حتى اللي من بعيد


الموهيم

الموضوع مرة عجبني نقاط كتيرة صريحة وصحيحة وان كان فيها جراة الا انو خلاص لمتى نسسسسسسكت

ولمتى نجلس ندعي للمسؤولين وهما قمة الاهمال

سنة كاملة مافي رقابة مافي شي

تعبنا من الاتهامات والسب وكدا ,,, نبغى فعل ,,, مانبغا مجرد كلام او اعتذارات من المسؤولين


جزاك الله خير صوت الفجر

وحشتينا

[صوت الفجر]

المشاركة الأصلية كتبت بواسطة قاهر المتكبرين رائعة وفي الصميم :( لابد أن يعلم الجميع حقيقة الكذبة الكبرى المسمية "مملكة الإنسانية" ..

اخيرآآآآ !!! ياقاهر المتكبرين عجبك شي من مواضيعي

فعلا كلامك في الصميم تسلم على وجودك على راسي والله....شاكرة لك وجودك ..

المشاركة الأصلية كتبت بواسطة روفي !! يَ ربي أقشع‘ـر بدني !! .. يَ بو متع‘ـب ح‘ـنـآ بخ‘ـير يَ بو متع‘ـب ح‘ـنـآ بخ‘ـير يَ بو متع‘ـب ح‘ـنـآ بخ‘ـير يَ بو متع‘ـب ح‘ـنـآ بخ‘ـير يَ بو متع‘ـب ح‘ـنـآ بخ‘ـير .. لـآح‘ـول ولـآقوه إلـآ بآلله

فعلا كلام وصور تقشعر منها الابدان ... ولاكن هي الحقيقة ... لـ متى نسكت ؟؟؟

يسلمو على المرور ... نورتي