إيش الفائدة من شهادة دورة بديل التوفل

[shaden]

السلام عليكم ........... أستاذ عماد

كيف الحال ؟؟؟

حبيت أطمنكم أنا الحمدالله عديت الدورة حقت بديل التوفل ...

بس حبيت أسأل إيش الفائدة من الشهادة تفيدني لما أقدم في وظائف تانية ولا ما أستفيد منها في شي

وألف شكر

[ايماني سر سعادتي]

من فين اخذتيها من الجامعه والا من برا الجامعه


وكيف مستواك بالانقلش يعني في امل للي خايب بالانقليزي مثلي يمشي فيها


وكيف كانت دراستهم واختبارهم صعب والا ممكن يتعدى...؟



بالتوفيق عزيزتي

[بدون اسم]

بغيت أسال هل الشهادة أخذتيها من العمادة والا من قسم اللغة الانجليزية ؟؟؟


وهل يوجد إفادة من عمادة الدراسات العليا بإن القبول أصبح نهائيا ؟؟

[طموحهـ ولكنـ]

وعليكم السلام ..

مبروووك النجااح . وعقبال باقي المواد .

هم يعطون شهاااد ؟؟؟

حلو تقوي سيرتك الذاتية .

بالتوفيق .

[arch2004]

السلام عليكم
ممكن سوال للاخوه كيف يمكن الالتحاق في الحصول على هذا الشهاده لانني ناوي لتحضير الماجستير ويقولون ضروري عندك التوفل او بديل التوفل ، وما هو بديل التوفيل ارجوا التوضيح؟

[بدون اسم]

هدة الدورة مخصصة للطلاب الماجستير الذين لم يحققوا شرط اللغة الانجليزية ومخصصة لطلبة كلية الآداب وكلية الاقتصاد والإدارة فقط
اما باقي الكليات فلابد من التوفل او ما يعادلة

[بحيرة توبااااا]

مبروك
نعم هناك شهادة اجتياز ويذكر فيها التقدير وهي من شروط القبول اذا لم تحصلين على التوفل في الماستر و الدكتواره في بعض الاقسام
وهي مفيدة في سيرتك

[shaden]

أنا ياجماعة طالبة ماستر وكان في شرط لابد من اجتياز شرط الانجليزي وأنا طالبة في كلية الاداب فكان في دورة تنظمها نفس الجامعة اسمها دورة بديل توفل كانت حوالي 12 أو 13 أسبوع تتضمن اختبارين دورية من 20 درجة وحضور ومشاركة من 20 ونهائي من 40 درجة فكانت الحمدالله سهلة مافيها صعوبة لانه الكل خان متخوف من الانجليزي بس والله كانت سهلة لانها
لانه الجميع مستوى في الانجليزي متوسط وأقل من المتوسط وفي ناس مرررررررررة ماكانوا يعرفوا شي بس والله سهالة

انا دحين مقدمة على وظيفة خارج الجامعة وشارطين لابد من اجتياز التوفل أو اختبار قياس وانا كنت متأملة انها راح تفيدني بعد كدة في أي تقديم لأنها كانت طبعا برسوم حوالي 2000ريال الفين ريال

دا الي قهرني هههههههههههههه


بالله الي يعرف يعطيني خبر

[حبي لذاتي قمة أولوياتي ~]

مبروك ألف ألف مبروك يارب


مررررررررره كويس تحمست اني ادخل بصراحة وبقوة

ويكون قبول مشروط باللغة شكراص اعطيتيني حماس للامام وبقووووة

[عماد الحسن]

عليكم السلام ورحمة الله ،، نرحب بجميع المشاركين في الموضوع وأشكر الأخت http://www.skaau.com/vb/member.php?u=5889 لهذه المعلومات عن دورة اللغة الانجليزية في الجامعة.

في الفصل الأول الحالي كان لي عدد من الزملاء يدرسوا هذه الدورة بعضهم من مرحلة الماجستير دفعوا 2000 ريال والباقين من الدكتوراه دفعوا 4000 ريال، والكل نجح بحمد الله وراح عنهم شرط التوفل ويمكنهم الآن متابعة الدراسة في الكلية.
هذه الدورة ممتازة وتعفي الطالب من اختبار التوفل وكما ذكروا الأخوات أنها تقوي السيرة الذاتية للطالب، ويمكن لكم أخذ الشهادة من كلية الآداب قسم الانجليزي وتضعيها في سيرتك وتقدميها للجهات الأخرى للمفاضلة، ولكن لو طلبوا منكم دخول اختبار التوفل بالتحديد فلابد من التسجيل فيه من جديد الله يعينكم علماً بأن موعده يوم 10 ربيع الثاني والتسجيل قبلها.