ساعدوني بخصوص كتب الانجليزي

[سماراا]

السلام عليكم ورحمه الله وبركاته

كيف حالكم يابنات الانجليزي ان شاء الله التخصص ماشي معاكم تمام

المهم انا عندي طلب بسيط وياليت تساعدوني فيه

ابغا الي اشترت الكتب هادي تصورلي هيا وتنزل الصووور اشوفها ومن ايت مكتبه طبعا في جده لانو اليوم رحت جرير واتورط في اشياء جديده عاملينها حاطين كم كتاب مع بعض مغلفه وحاطين عليها استكر مكتوب عليه انتساب انتظام او المسار العلمي
فياليت الي اشترت توريني الكتب عشان اشتريها

واسماء المولد هيا
Listening & Speaking
Interactions I

Writing I
Interactions I


اللغه الفرنسيه 1
Lecture et Compréhension I


ويارب ما تتاخرو بالردود

[السيد فيصل]

اممم صراحه مادري كيف راح يصوروها ويحطو صورها بس احسن طريقه ارسلي واحد من اخوانك او حتى السواق او اي راجل يروح للمكتبات اللي في حى الجامعه ومعاه ورقه مكتوب فيها الطلبات وانو اذا كان انتسياب او انتظم ويروح لخوارزم وهو راح يعطيه كل شي

[*غند*]

شوفي اختي

انا اشتريت الكتب من دار حافظ بس مجرد أسم الكتاب ورقمه وكل تمام و الفرنسي تلاقيه ملزمه والانجليزي اشتريته

بدون سيدي سماعي

بس إنتبهي على الانجليزي العام الماضي اشتريت كتب إنجليزي مستوى أول ما فيها اسطوانات سماعي

والسنه اخوي عنده إنجليزي مستوى أول واشترى كتاب مكتوب على غلافه منتظمين

وموجود فيه سيدي حق السماعي انتبهي إذا فيه سيدي إسئلي المكتبه إذا فيها سيدي او لا

وترى نفس المنهج منتظمين زي المنتسبين

[*غند*]

أوصفلك الكتب

كتب الأنجليزي الثلاثه لونها برتقالي وخط نحيل اسفل الكتاب لكل كتاب لون

والفرنسي ملزمه تسد النفس منسوخه

[cappuccino]

يووووووووووووووه
ياما اتمقلبت في كتب وطلعت غلط وطالعين نازلين من المدينة عشان الكتب
وياما درست روايات وطلعت الأستاذة غيرتها بدون ما يكتبوا في المفردات

إن شاء الله أنزل كتاب اسمه مقالب الجامعة
هههههههههههههههههههه

شر البلية ما يضحك

[سماراا]

السيد فيصل شكرا على النصيحه وقالولي كتير على خوارزم

*غند*تسلمي ياقلبي كلامك زي العسل وشوكرا مرا على الوصف وصراحه مرا حمستيني على الفرنسي الله يهديكي كان لازم تقوولي انو يسد النفس هههههههههههه الله المستعان


cappuccino
الله يعين حبيبتي لازم يسير كدا ادا ماسار مايسير احنا طلاب جامعه الملك عبد العزيز