تنظيم وتطوير او ادارة مستشفيات =)

[جامعيه 2010]

مرحبا ياحلوين كيفكم ان شاءالله منااح !
الزبده ...
انا محتاره بين اداره عامه- تنظيم وتطوير اداري وبين ادارة خدمات صحيه ومستشفييات
ياليت تقولي وش الافضل وايش ممكن اصير مستقبلا :)

[النديم]

أولا هذا يقف على ميولك هذا أولا..

ثانيا أبعطيك نبذه مختصرة عن القسمين...

الإدارة العامة ( التنظيم والتطوير الإداري ) شهادتي فيه مجروحة كوني أحد المتخصصين فيه ...

لكن بالنسبة لي بما إني موظف أصلاً فا قسم إدارة المستشفيات ما راح يفيدني ولا له علاقة بوظيفتي ...

أما التنظيم و التطوير الإداري مجالاته واسعة لي وللشباب بشكل كبير لأنه قسم غير محصور في منشأه

وحده يعني ممكن يفيد في كل الوزارات و في كل الدوائر الحكومية والقطاع الخاص بعد ...

لكن بالنسبة لإدارة المستشفيات حدد للطلاب خط عمل واحد ( المنشأت الصحية ) سواء مستشفيات أو إدارت صحية


لكن النقطة المهمة إن إدارة المستشفيات تناسب الوظائف النسائية بحيث إن المكان فيه عدد كبير من النساء

لكن عدد الوظائف دائما يكون جدا قليل هذه هي المشكلة ...

وعلى العموم الإدارة العامة حلاتها أي شاغر يكون لك فرصة عليها وفي النهاية مثل ما ذكرت سابقا

ميولك إنتي هو المهم ...

وإذا على إقتراحي فا تخصصي في التنظيم والتطوير الإداري ( رأيي )

والتوفيق بيد الله سبحانه أولاً و أخراً

[جامعيه 2010]

مشكور والله ماتقصر
عاد انا من النوع الي عنده افكار ويحب يطور ماحب الاشياء التقليديه في اشياء كثيره عندنا ودي اطورها بس مابيدي شي عاد تتوقع هالتخصص بينفعني ؟؟

[النديم]

النافع الله سبحانة

لكن الإدارة العامة مثل ما قلتلك لها ابواب كثيرة ممكن الواحد إنه يجد فرصة فيها ....

بعكس إدارة مستشفيات منشأت صحية و إدارات صحية فقط هي الأبواب المتاحة لها ...

توكلي على الله و نظمي و طوري معنا هههههههه

عسانا نطور و ننظم هالجامعة شوي .....

[جامعيه 2010]

المشاركة الأصلية كتبت بواسطة النديم النافع الله سبحانة لكن الإدارة العامة مثل ما قلتلك لها ابواب كثيرة ممكن الواحد إنه يجد فرصة فيها .... بعكس إدارة مستشفيات منشأت صحية و إدارات صحية فقط هي الأبواب المتاحة لها ... توكلي على الله و نظمي و طوري معنا هههههههه عسانا نطور و ننظم هالجامعة شوي .....

ههههههههههههههه الله يعين بس
يعني التنظيم والتطوير يتبع للمسار العام لاني ابي مسارعام ومالقيته ف شكلي ابضغط على التنظيم والتطوير الله يستر <<متردده :d

[النديم]

أبعطيك مثال بسيط .. أو رؤيه

أنهيتي بحمد الله دراستك الجامعية

وفي يدك ملفك ورحتي لكل من :

وزارة الخدمة المدنية ( طبعا لأنها تستقبل كل الشهادات )

وزارة التربية والتعليم ( يوجد بها قسم نسائي )

وزارة المالية ( يوجد بها أقسام نسائية كثيرة )

التأمينات الإجتماعية ( يوجد بها أقسام نسائية كثيرة )

الأستخبارات العامة ( يوجد لهم قسم نسائي متكامل )

البنوك ( فروع نسائية )

وزارة الشؤون الإجتماعية ( يوجد بها فروع نسائية )

الغرف التجارية ( الأقسام النسائية )

الإتصالات السعودية ( أقسام نسائية )

وزارة الصحة ( مستشفيات و مراكز صحية )

تخيلي نفسك بتخصص إدرة مستشفيات ورحتي الأماكن اللي ذكرتها فوق ؟؟؟

و تخيلي نفسك بتخصص إدارة عامة تنظيم وتطوير إداري ...

وش التخصص اللي راح يكون له قبول في أغلب الأماكن اللي ذكرتها ...

وطبعا فيه أماكن أخرى أكثر مما ذكرت لكن هذه هي اللي تحضرني ....

ولك أنتي الإجابة في ترددك عن الإختيار ....

[جامعيه 2010]

يعني التنظيم والتطوير اشمل من ادارة الخدمات الصحيه طيب اذا دخلت تنظيم وتطوير ينفع اشتغل بمستشفى ؟
ابي المسار الي يشمل كل شي <<الاخت تبي تطور كلش

[النديم]

ههههههه

إنتي الظاهر مقتنعة بإدراة المستشفيات ...

وليش لا أنا ما أنقص من أهمية إدراة المستشفيات أبدا .. لا والله

بالعكس قسم مهم وله إحتياجة ...

لكن إذا إنتي موظفة في مستشفى أو منشأة صحية أنا من غير ما أناقش أقولك أدخلي إدارة مستشفيات ...

لكن إذا باقي إنتي طالبة فقط لا إدخلي تنظيم وتطوير ...

حتى المستشفيات ممكن صاحب شهادة التنظيم والتطوير الإداري يتوظف فيها :

مثلا في الأقسام الإدارية في المستشفى ..

الصادر والوارد مثلا..ههههههههههههه

[جامعيه 2010]

لا مو مسألة متحيزه لمسآآر معين انا كان ودي بمسآر عام لكن مالقيت الا هالمسآآرين ف قلت اختار المسار الي احسه يشمل ف احترت بين الاثنييين ف شكلي بختار تنظيم وتطوير اداري
يعطيك الف عافيه اخوي ماقصررررت ..تعبتك معي

[النديم]

حياك و لا تعب و لا شي

والمنتدى ما وضع الإعشان نساعد بعض و لا وش فايدة المنتدى ...

وحاضرين للطيبين