تجممممع اللي بيختبروا قدراااااات في كلية الفيصليه يوم الثلاثاء :)

[ام السوس]

السلام عليكم

كيفكم؟؟؟

حبيت يكون لنا تجمع صغير حاليااا عشان نستفيد من بعض
لأني بصراحه انا مو عارفه وين اروح بالضبط .. وين فكلية الفيصليه ؟ اي مبنى ؟؟

ومتى مفروض اروح .؟؟ وايش مفروض اخذ معايا

وهل ينفع البس بنطلون ولا لازم تنوره ؟؟؟؟؟

[oOoالزمن الجميلoOo]

انا كمان معاكي ومو عارفة الكلية ولا ادري فين اروح ولاادري كمان البس تنورة او بنطلون بس الاحسن تنورة او اجلس بعبايتي لانو يقولو بررد

[جينيفر لوبيز]

انا جايه مسافرة وزيكم ماني عارفة كيف الجو
اجيب جاكيت ولا لا والله ماني عارفة
وكمان وين اروح في الكلية
ياليت اللي تعرف توصف لنا وصف دقيق عن المكان والاجواء بليز

[eman 111]

الكلية قدام مستشفى عرفان .. ادخلي من البوابة الرئيسيةالثانية بالسيارة وبعدين حتلقي قدامك 3 بوابات للمبنى ادخلي من البوابة التانية .. لما تدخلي حتلقي استراحة يجمعوا فيها البنات وقبل الاختبار بنص ساعة تقريبا يفتحوا باب الاستراحة دي وعلى طول مبنى الاختبار تلقيه قدامك...

ماراح تتوهوا أبدا في الكلية لأنو من عند البوابة الرئيسية حتلقوا لوحات توضح البوابة تبع الاختبار وجوا حارسات الامن يوضحوا كل شي...

واللبس أحسن شي ثقيل لأنو المبنى باااااااااااااااااااااااارد..

[ام السوس]

شكرا اختي


هو فمبنى الأدبي ولا العملي ؟؟؟

[eman 111]

الكلية قدام مستشفى عرفان .. ادخلي من البوابة الرئيسيةالثانية بالسيارة وبعدين حتلقي قدامك 3 بوابات للمبنى ادخلي من البوابة التانية .. لما تدخلي حتلقي استراحة يجمعوا فيها البنات وقبل الاختبار بنص ساعة تقريبا يفتحوا باب الاستراحة دي وعلى طول مبنى الاختبار تلقيه قدامك...

ماراح تتوهوا أبدا في الكلية لأنو من عند البوابة الرئيسية حتلقوا لوحات توضح البوابة تبع الاختبار وجوا حارسات الامن يوضحوا كل شي...

واللبس أحسن شي ثقيل لأنو المبنى باااااااااااااااااااااااارد..

[eman 111]

من بوابة الأدبي ..

هو مبنى المدرجات وسط بين مباني الاداب والعلوم ...

بس أصلا لما تدخلوا تشوفوه قدامكم مباشرة وأصلا حارسات الأمن طول الطريق إلى القاعات يكونوا واقفات..

[ام السوس]

مشكوره اختي

[Orchida]

يالله الله يسهل علينا وعلى الجميع

[بسمة الفجر 2004]

ربي ييسر لنا ولكم يارب ويفتح علينا وعليكم ويوفقنا واياكم لتحقيق كل امنياتنا بما فيه خير لنا ولكم يارب العالمين

اختباري القدرات والكفايات في كلية التربية

احدهم المجموعة 3 والاخر المجموعة 2

حسب ماكسبت خبرات من قراءات سابقة

رح اجي بدري قبل المغرب بساعة او اكثر

ورح البس بنطلون وبلوزة صوف

ورح ابقى بالعباية ومارح اشيلها لاني بموت من البرد

وكمان فوق البلوزة الصوف رح اجيب بلوزة ثانية في حال بردت البسها فوق العباية

يمكن اجيب قطعة شوكولاته تسد جوعي وقارورة ماء واحطهم بشنطتي

رح اجيب قلم رصاص احتياط رغم انهم بيعطوني وكمان محاية وبراية

وطبعا الاوراق الرسمية الاصل

وش كمااااااااان ؟؟؟؟

الله يستر والله عندي فوبيا من شيء اسمه اختبارات ....... الله يعين وييسر يارب

ربي يوفقكم اجمعين وانا معاكم يارب ويسهلها علينا وعليكم