استقطاع صدقة جارية من المكآفأة

[دودو خالة لولو]

السلآم عليكم,,
حابه اسأل اذا تعرفو كيف استقطع من مكافأة طالب صدقة جارية
ياليت يكون الطريقة الكترونية او عن طريق بنك سامبا اللي في الجامعة...
ياليت تساعدوني
جزاكم الله خير
يييارب

[الجلنار]

وعليكم السلام ورحمة الله وبركاته

ماعندي فكره صراحه عن طريق حساب الطالب

لكن ممكن إيداع كل شهر

فيه صندوق الوقف العلمي بالجامعه
http://waqf.kau.edu.sa/Default.aspx?site_id=808&lng=AR

كانوا حاطين أركان في الجامعه وأفتكر حاطين فكرة استقطاع من الحساب

بالتوفيق:)

[دودو خالة لولو]

جزاك الله خير ع الرد,,
لكن انا ابغى زي مرضى السرطان او محتاجين

[هدوء العاطفه]

ادخلي ع موقع انسان

http://www.ensan.org.sa/home/

بس ما ادري تقدري من المكافاه اولا

[قطرة ندا]

سبحاان الله زيك انا فكرت بكده وشوفي هذا الموضوع يفيدكhttp://www.skaau.com/vb/showthread.php?t=364733

[امـــ88اني]

في فكرة بالجامعة مسوينها مرا حلوه
اللي هيا الوقف العلمي
الوقف العلمي هذا يدعم البحوث العلمية مثلا طالبه ماجستير تكون ماعندها قدرة ماليه عشان تمول بحثها فيقوم هذا الوقف العلمي يمولها غير يدرس الناس اللي ماعندهم قدرة ماليه انهم يكملوا درساتهم
يعني يدعم اي شي يخص العلم وبصراحة اشوفه جددا مشروع خيرر
لان اولا واخيرا اول كلمة قالها الله في القران هيا اقرأ فما بالك بهذا المشروع اللي يدعم العلم والبحوث
ثاني شي لاننسى احاديث الرسول عن العلم وفضله
ثالث شيء لازم كلنا ننهض بامتنا الامة الاسلامية اللي اصابها الضعف بتقوليلي كيف ؟ بقلك الدول الاوروبيه نهضتها جات بسبب دعم الناس للبحوث العلمية ومعروف ان امريكا مراكز البحوث منتشره عندها بكثره وهذا من اسباب تقدمها فهذا يكون اقل واجب نعمله عشان ننهض بامتنا الاسلامية وبذا الوطن يعني في حلم احلي من النهوض بالامة الاسلامية ...
وتري كثيير من صحباتي وفي بنات كثثير استقطعنا من مكافئتنا عشان ندعم الوقف العلمي
تقدري تدفعي ٥ ريال مثلا كل شهر او ١٠ او ٢٠ او اكثر علي حسب ماانتي تبغيه والاستقطاع راح يكون الي من خلال البنك واي وقت تبغي توقفي الاستقطاع سهل تروحي وتكلميهم
الوقف العلمي متواجدين في مبنى ٦٩ خلف مبنى ٤٢٠ اسالي هناك عن الوقف العلمي عند استااذه عبير
اتمنى افدتك ياارب

[مني يغار الورد]

الله يسعدك ع كذا موضوع مهم
جزاكم الله خير..

[ايكو]

الوقف العلمي ..

تسجلي عندهم ... وتختآآري .. المبلغ اللي انتي تبغيهم يستقطعوآ منه ..

حتى لو 5 ريآل ..

وهم تومتيك .. رآح يسحبوهآ من مكآفآتك كل شهر ..

ويرسلوآ لك مسج ,, إنو تم الإستقطآآع ..

وربي يجعلهآآ في موآزين حسنآتك ..

[do0o0oja]

طب مين يعرف عن كفاله يتيم
بالاستقطاع وياريت يقول عالطريقه كيف

[لقيت روحي]

منجد مرة حلو ..

انا مشتركة في الوقف العلمي ..

وحابة اني اكفل يتيم في تحفيظ القراءن

وشي زي كذا ..

و تكون صدقة جارية باذن الرحمن ..

و اللي تعرف تقول ..

انا عندي رقم

مندوب كفالة يتيم من الجمعية الخيرية

و مدري لو مو ممنوع احط الرقم في المنتدى ..

وشكرا ..