لكل المحبطين من درجة الانجليزي ليفل 4 (معلومة منسية )

عماد3 · #1 13-04-2011, 01:44 AM

السلام عليكم..

يا حبايب كلنا شايفين الظلم اللي صار في المستوى الرابع والدرجات الطايحة لاغلب الطلاب..

ما علينا اللي راح راح والحمد للله غلقنا من الانجليزي ..

بس في معلومة مهمة جدا جدا جدا وحلوة ممكن كثير نسيها .

يا حبايب الانجليزي 104 عليها وحدتين فقط..

ايش معني الكلام دا ؟؟؟؟؟؟
معناتو ان درجة 104 ما تاثر في المعدل الموزون زي المواد الثانية ..

كييف؟؟

خلينا نحسبها ... مثلا لو جينا نحسب المعدل الموزون لكلية الطب ...
طبعا في مواد ما خلصناها بس انتوا توقعوا درجاتكم كم تكون. وزي ما هو معروف ان الطب يطلبوا المعدل الموزون لدرجات المواد التالية : كيميا .. فيزيا .. انجليزي (من2 لين4) ..احياء

الوحدات
كيمياء .. مثلا 88 .. 3 .. 88×3 = 264
احياء .. مثلا 99 .. 3 .. 99×3 = 297
فيزياء .. مثلا 86 .. 3 .. 86×3 = 258

انجليزي2 .. مثلا 86 .. 2 .. 86×2 = 172
انجليزي3 .. مثلا 86 .. 2 .. 86×2 = 172
انجليزي 4 .. مثلا 75 .. 2 ... 75×2 = 150

نجمع عدد الوحدات الكلية تصير : 15
نجمع الناتج الحاصل من ضرب الدرجة× الوحدات لكل مادة وتصير : 1313

دحين نقسم 1313 على 15 = 87.5

من الخطوة السابقة عرفنا كيف نحسب المعدل الموزون لمواد معينة ..
طيب خلونا نشوف ليش درجة انجليزي 4 ما تاثر في مالمعدل كثير؟؟؟

من الجدول فوق لاحظ الطالب جاب 75 في الانجليزي 4 .. خلونا ننقص 10 درجات ونفترض انه جاب 65 ..

لو سوينا نفس الخطوات اللي فوق وحسبنا المعدل الموزون بعد تغير 75 لـ 65 في الانجليزي 4 يصير المعدل الموزون= 86.2

طيب خلونا ننقص درجة اي مادة ثانية غير الانجليزي .. مثلا في الكيمياء جاب 88 .. ننقصلوا 10 درجات تصير 78.
المعدل الموزون بعد تنقيص درجة الكمياء يصبح = 85.5

لاحظتوا الفرق..
طيب ليش الفرق دا ؟؟
عشان عدد الوحدات في الانجليزي تختلف عن المواد الباقية .
ملاحظة: انجليزي ليفل 1 ليس له وحدات دراسية .

وبكذا احب ابشر جميع الطلاب او الطالبات اللي خبصوا في الانجليزي 4 وجابوا درجات كويسة في مالواد الباقية ان النسبة الموزونة ما راح تتاثر كثير..

اتمنى وصلت الفكرة واسف عالاطالة