كيف نجيب 10/10 في ال writing واحنا واثقين؟ ( مهم )

[Dr.Passed]

السلام عيكم ورحمة الله وبركاته
كيف حالكم ...؟



أنا شفت موضوع في الصباح يخص الwriting
وكتير بيشتكي انو بينقص وهو اتفه شي ينجاب درجات في..

طيب...ايش النقاط المهمة الي ازا سوينها وانتبهنالها محننقص؟

1. نبدأ الموضوع بجملة افتتاحية ( يعني من خش في الكلام على طول) بعدين لازم نسيب مسافة قبل مانبدأ النص, المسافة هادي عند اول سطر اسمها>>>Indentation

2. نبدأ نكتب جمل ( بداية الكلام وجمل توصل للقارئ انت قاعد تتكلم على ايه) ابدؤوا حطوا جمل تبدأ تتكلم عن الحدث اول المشهد الأول من موضوعكم.

3. البراقراف الي بعدو حيكون مشهد تاني او الجزء التاني من القصة او الموضوع.

مثال/ كنت في النص الأول باتكلم على المطار وايش سار في المطار لمن سافرنا اجازه. النص تاني حيكون عن ( عند عودتنا الى المنزل) فاهمين عليا؟ ( مجرد طريقة تنسيق الأفكار).

4. لاتغلطو في القرامر الي اختو ( حتحاسبو عليه) الأفعال مهمة والتركيز عليها ضروري + انتبهو من الأخطاء الإملائية..مافي داعي تجيبو كلمات مو عارفين تكتبوها عشان بسرعة تقفلو على الموضوع. اللغة في الف مرادف, وفي طريقة صياغة وافكار تانية ممكن تستعملو كلمات انتو عارفين تكتبوها..

5. احنا عارفين انو بداية كلي جملة capital letter ونهاية كلي جملة نقطة..( هادا مرة ضروري) والنقصان عليها بنص..وازا كانت في جملتين متتاليتين تدور حول نفس الفكرة او تابعه ليها نحط ( فاصله) بينهم.

6. ننهي الموضوع بجملة ختامية. ( جمله مافي بعدها كلام) يعني لمن القارئ يقراها مايقول بينو وبين نفسو ".....وبعدين؟ " .......فاهمين كيف؟

7. طبعا اخر شي نحط العنوان بحيث انو مايكون مباشر تماما...يعني مايكون الموضوع عن الChildren تقولو العنوان Children كده وبس....شوفو انتو اطرقتو لي ايه في الموضوع وجيبو فكرة عامة وطلعو منها عنوان للموضوع.



ختاما............انا بس حبيت افيدكم واسهل الهم دا عليكم. والي يبغا يكتب موضوعو وينزلو ونصححو ( عشان تتدربو كمان) مافي مشكله. والي عندو مشكلة في القرامر ولا الإملاء برضو ححاول اساعدكم بقدر الإمكان...( بس بداية الأسبوع الجي حختفي عشان الإمتحانات)...اخر مرة كم وحدة رسلتلي قبل الإمتحانات بإسبوع وماقدرت اساعدها وهادا شي ضايقني صراحة...فيريت نشوف ايش عندكم دحين..

والي عندهم مواضيع يلا اكتبو.. =)

Dr.Passed

[azo0oz 111]

يعطيكي العااااافيه بس المششششكله مو بالقرررمرر المشكله بالسبييلنق

انا تعبااان بالسبلق . في اختبار الاورال داايم فلل او انقص درجه اما الرااايتنق انخسسف

بـ 6 الى 8 درجااات في لفل 3 جبت 90 نقصت بالرايتنق 4 درررجااات

اخ يالقهررر بس والحين لفل 4 جبت العييد في الاول جبت 6

ان شاء الله يعدي على خير ومشكوووره مره ثااانيه

[Dr.Passed]

المشاركة الأصلية كتبت بواسطة azo0oz 111 يعطيكي العااااافيه بس المششششكله مو بالقرررمرر المشكله بالسبييلنق انا تعبااان بالسبلق . في اختبار الاورال داايم فلل او انقص درجه اما الرااايتنق انخسسف بـ 6 الى 8 درجااات في لفل 3 جبت 90 نقصت بالرايتنق 4 درررجااات اخ يالقهررر بس والحين لفل 4 جبت العييد في الاول جبت 6 ان شاء الله يعدي على خير ومشكوووره مره ثااانيه

ايش كانت غلطاتك؟ ( عشان اعرف مستوى الغلطات)
السبيلينغ شي مرة سهل ولايبغالو تقعد تحفظ ولاشي...برضو عبارة عن ملاحظات تنطبق على كل الكلمات...طبقها ومستحيل تغلط مرة تانية. بس قولي ايش الغلطات؟

[azo0oz 111]

المشاركة الأصلية كتبت بواسطة Dr.Passed ايش كانت غلطاتك؟ ( عشان اعرف مستوى الغلطات) السبيلينغ شي مرة سهل ولايبغالو تقعد تحفظ ولاشي...برضو عبارة عن ملاحظات تنطبق على كل الكلمات...طبقها ومستحيل تغلط مرة تانية. بس قولي ايش الغلطات؟

كلمه Resbonseble = المسؤوليه ههههههههههه مشي مشي مليانه اخطااااء وفي اخطاء غبيه

انسى s الجمع و s, الملكيه برضو انساااها بس انا في الاختبار كان عندي كلام حلو اكثر من الي كتبتو

بس ماني قادر اكتبو من السبليينق الله يعييين وان شاء الله تتعوض هالرايتنق مالو حل الا حفظ

كلمااااااااااات ومشكوووره

[Dr.Passed]

المشاركة الأصلية كتبت بواسطة azo0oz 111 كلمه Resbonseble = المسؤوليه ههههههههههه مشي مشي مليانه اخطااااء وفي اخطاء غبيه انسى s الجمع و s, الملكيه برضو انساااها بس انا في الاختبار كان عندي كلام حلو اكثر من الي كتبتو بس ماني قادر اكتبو من السبليينق الله يعييين وان شاء الله تتعوض هالرايتنق مالو حل الا حفظ كلمااااااااااات ومشكوووره

طيب انتا باين عليك عندك مشكلة مع الp و الb تحتار ايت وحدة تستخدم ولا؟

وال e وال i

بالنسبة لل p وال b هادا للأسف لازم تعرف الكلمات الي فيها p وb ...مافي طريقه تانية

بالنسبة لل e ( انتا تتبع اي مسار امريكي ولا بريطاني؟) الأمريكي اسهل..الكلمات الي فيها e دايما نكتبها e بس عند النطق تتمد شوية كأنها a بس اخف من ال a طبعا...يعني مع ال e حتمد شوية وانتا تنطق...زي sit و set

sit = حتتنطق ست (تشد عليها)
set = تتنطق سات ( ماتمد مرة) مو سااااااااااات؟ عشان ماتسير sat بس (سات) مد بسيط.

فاهم الفرق؟

نفس الشي مع responsible
انتا حاتقول ريسبونسابل ولا ريسبونسبل؟ ريسبونسبل طبعا...مد يكاد لايظهر...هادي على طول نعرف انها i

اتمنى انك تكون فهمت عليا؟

بالنسبة لل p و الb قول الكلمات الي عندك عشان اقولك ايت وحد تستخد فيها

[azo0oz 111]

المشاركة الأصلية كتبت بواسطة Dr.Passed طيب انتا باين عليك عندك مشكلة مع الp و الb تحتار ايت وحدة تستخدم ولا؟

المشاركة الأصلية كتبت بواسطة Dr.Passed وال e وال i بالنسبة لل p وال b هادا للأسف لازم تعرف الكلمات الي فيها p وb ...مافي طريقه تانية بالنسبة لل e ( انتا تتبع اي مسار امريكي ولا بريطاني؟) الأمريكي اسهل..الكلمات الي فيها e دايما نكتبها e بس عند النطق تتمد شوية كأنها a بس اخف من ال a طبعا...يعني مع ال e حتمد شوية وانتا تنطق...زي sit و set sit = حتتنطق ست (تشد عليها) set = تتنطق سات ( ماتمد مرة) مو سااااااااااات؟ عشان ماتسير sat بس (سات) مد بسيط. فاهم الفرق؟ نفس الشي مع responsible انتا حاتقول ريسبونسابل ولا ريسبونسبل؟ ريسبونسبل طبعا...مد يكاد لايظهر...هادي على طول نعرف انها i اتمنى انك تكون فهمت عليا؟ بالنسبة لل p و الb قول الكلمات الي عندك عشان اقولك ايت وحد تستخد فيها

صااااادقه بالنسبه لجزيئيه e و i دايم الخبط مدري استخدم e or i بس تقرييبا فهمت انا اجرب

بالنطق اذا تنمد شوي قريبه لل a هذي راح تكووون e والثانيه مافيها مد

يعطيكي العااافيه وا ن شاء الله دكتوووره بأذن الله وادعيلي ابدع بالرايتنق الثااني وا ن شاء الله

ما اغللللط بالتووووفيق للجميع

[عماد3]

جزاكي الله خير وكثر من امثالك

يعني بتشرحي كيميا ودحين بتساعديهم في الانجليزي كمان
كدا كثيرر :)

[Dr.Passed]

المشاركة الأصلية كتبت بواسطة عماد3 جزاكي الله خير وكثر من امثالك يعني بتشرحي كيميا ودحين بتساعديهم في الانجليزي كمان كدا كثيرر :)

متى قلت حشرح كيميا؟ بس ححاحل الأسئلة وقت المزاكرة..

[عماد3]

المشاركة الأصلية كتبت بواسطة dr.passed متى قلت حشرح كيميا؟ بس ححاحل الأسئلة وقت المزاكرة..

لالا قصدي يعني نزلتي شرح للكيمياء قبل كدا

وكان الشرح ممتاااااااااااز وانا استفدت منو صراحة

تنفعي تصيري معيدة ^_^

[No_0ne]

و اهم شي الممارسه في اللغه ... <<< :)