سبق - جامعي يطالب مدير جامعة الملك عبدالعزيز بالاعتذار

[الهوى الغائب]

خضر المقعدي (سبق) جده:

شهد اللقاء السنوي الذي عقده مدير جامعة الملك عبدالعزيز الدكتور اسامه طيب مع طلاب السنه التحضيرية يوم الثلاثاء الماضي مطالبة أحد الطلاب في بداية اللقاء لمدير الجامعة ومرافقيه بالاعتذار عن تأخرهم في الحضور إلى قاعة اللقاء مايقارب ساعة كاملة . فبعد ان انتظر الطلاب اللقاء الاول الذي كان مقررا بتاريخ 26 / 10 لمدة ساعتين بلغ الطلاب بعدها بعدم حضور المدير .
وبعد أن انتهى الطالب من حديثه ومطالبته مدير الجامعة ومرافقيه بالاعتذار, قام احد مسؤولي الجامعة واخذ اسم الطالب وبطاقته مما قد يعرضه للمساءلة والعقوبة بسبب مطالبته بالاعتذار .
المصدر
http://sabq.org/?action=shownews&news=1742

[المذيعه دودي]

الله يعينو الطالب مدري ايش حيسوو فيه ...

بس هوا ماكان مفروض يقول كدا
لانو عارف كيف هما فوضى وماعندهم مواعيد مضبوطه ..

مواعيدهم سعوديه زي مايقولو هههههههه

شكرا لك ياعصفور

تحياتي

[كيتا الكتكوته]

والله لو اعرفو اديلو جايزه نوبل للسلام
الله يديلو العافيه ... هادا الصحفي حقنا

[عـ.~.ـريكـ‘هـ]

كيتا لا يكون قصدك الصحفي العراقي هههههههههههههههه الله يرجك بس خليه الله يعطيه العافية ويخرب الجامعه أكثر وأكثر وأنا من موقعي هذ1 أطالب المدير بالإستقالة فورا والتحويل للتحقيق < يبويا إيش تبغى انت بالضبط ممسكة معاك موقعي موقعي ولا شوفناك سويت شي


يلا كل واحد يأخذ نصيبه في الدنيا كان طموحي اصير مدير جامعه بدل الطيب بس الحمدلله بعد إلي شفته بطلت < هههههههههه



بس ترى ياشباب مو بس المدرسين إلي كارهينو حتى الدكاترة برضو بيقولو أسلوبه مره مايليق بمكانته كمدير

[كيتا الكتكوته]

هههههههههههههههههههههههههههههههههههههه
عريكه هدي اللعب عشان لا يشيلوك من وسط الجامعه

[يلدرم]

لكل عضو موافق على ما فعله هذا الطالب أسأله سؤال

ترضى احد يقول لأبوك كدا؟ لأي سبب كان

نقطة ومن أول السطر

اما بخصوص الطالب لازم يتعلم الأدب

اخ ياخساره لو كنت جنبه كنت هزأته قدام الخلق وخليت وجهه في الارض

رجال قد ابوه ويبغاه يعتذر منه هزلت والله

طبعا كل دكتور شاف الطالب هذا راح يحط نفسه محل مدير الجامعة ويستاهل كل مايجيه

[DoN 3body]

المشاركة الأصلية كتبت بواسطة يلدرم لكل عضو موافق على ما فعله هذا الطالب أسأله سؤال ترضى احد يقول لأبوك كدا؟ لأي سبب كان نقطة ومن أول السطر اما بخصوص الطالب لازم يتعلم الأدب اخ ياخساره لو كنت جنبه كنت هزأته قدام الخلق وخليت وجهه في الارض رجال قد ابوه ويبغاه يعتذر منه هزلت والله طبعا كل دكتور شاف الطالب هذا راح يحط نفسه محل مدير الجامعة ويستاهل كل مايجيه

خــلاص عـلـى كـلامـك انـا راح اتـأخـر عـن الـمـحـاضـرات ولا احـد يعطني حرمان ولا شي !!!!!!!!!!!!!!


الـنظـام نـظـام يـمـشـي ع الـكـل .. قال الاجتماع الساعه كذا يلتزم بالموعد .. مو جالسين في بوفية احـنـاا !!!!


لاكن يبقى :

(( لـمـن تـشـكـوا اذا كـان خـصـمـكـ الـقـاضـــي ))

*_^

[sultan290]

ليش يا حبيبي مدير الجامعه مو بشر وبعدين تعال انته لو جيت متاخر عن المحاضره عشره دقائق طردك الدكتور والمفروض مدير الجامعه يكوون قدوه مو فوضوي

[عـ.~.ـريكـ‘هـ]

يلدرم هوا الموضوع بالكبر ؟

يعني خلاص أنا مسؤول كبير في حاجه أعامل الناس بإستحقار وعشاني أكبر منهم سن عادي أتأخر مو مشكلة


ترى هوا هذ1 إلي مرجعنا ورى يلدرم

انا مع الطالب قلبا وقالبا وإلي سواه موافق عليه مليون في المية والكبير عشان يقعد كبير في عيون الناس

لازم يحترم نفسه ويحترم مواعيده وبالنسبة لسؤوالك لو كل واحد قال زي كلامك لو هذا ابوي ولا هذ1 ابوي عمره محا يكون فيه نظام وفيه إحترام للمواعيد

[طيوف المملكة]

يا يلدرم

الموضوع ماله علاقه بالسن

المفروض اصلا عشان هو مدير الجامعه لازم يكون محترم
ومن الاحترام انه يلتزم بمواعيده مع اي احد

سواء كان طالب او دكتور


يعني عشان هم طلاب تأخر وأخذ راحته

والله لو أن خالد الفيصل في الاجتماع كان تلاقيه في القاعه قبل الإجتماع بيوم كامل