طالب في السنة التحضيرية ياليت تفيدونه :)

[حويزم]

سلام عليكم
كيف الحال عساكم بخير
وكيف الإختبارات معاكم إن شاء الله تمام
يا أخوان أبغا أستفسر وياليت تجاوبوني أنا طالب علمي إنتظام في السنة التحضيرية وقدمت على كلية الإدارة والإقتصاد وإن شاء الله ناوي أدخل محاسبة وللمعلومية معدلي راح يكون بالحد الأدنى 3.07 هل أقدر أدخل المحاسبة بالمعدل هذا وأنا سمعت إنه كل سنة تتغير المعدلات المطلوبة فا بناء على خبرتكم في القسم هذا هل فيه بصيص أمل إني أدخل المحاسبة وإذا ما أنقبلت هل فيه أمل كبير إني أنقبل في الأقسام الثانية ياليت تفيدوني ...

وسلام عليكم :)

[Joda Majed]

والله مادري اش اقولك معدلك مو مره ينفع :(

لاتشيل هم التخصص قد ماتشيل هم القبول بالكليه

لان عندك الاقتصاد يقبل بدون معدلات .. العبره بدخولك للكيله

بعدين معدل القبول يتغير كل ترم حسب طلاب الدفعه ومعدلاتهم واكتفاء الكليه

[لؤلؤة*]

تقدر تدخل الكليه وترفع معدلك الى المستوى الخامس

لانه ماراح تتخصص الا بالمستوى الخامس

يعني عندك فرصه كبيره 3 اترام زياده ترفع معدلك

وبالتوفيق

[alza3eem]

اخوي الحين انت تدخل الكليه

ويكون باقيلك ثلاث اترام وتتخصص

ماعليك تقدر ترفع معدلك

واكيد راح ينزل معدل القبول بالمحاسبه بعدين لأنه كل الطلاب راح يكونون طلاب علمي والدرجات متدنيه شوي مو مثل اول كله اداري وانساني ونسب فووق

يعني حياك بالكليه اخوي

وبالتوفيق لك

[حويزم]

يعني الحين إذا انقبلت في الكلية ما أتخصص على طول ادرس اول شيئ ثلاث اترام الله يسعدكم والله أنكم شجعتوني :)
وإن شاء الله انقبل في الكلية
طيب وعدد أترام التخصص كم ؟

[تاتلين]

بالنسبه للمحاسبه 9 اترام مع السنه التحضيريه..

[غسق؛ْ]

بغض النظر عن السنة التحضيرية
3 مستويات عامة
و 3 مستويات في نفس التخصص الي هو محاسبة ان شاء الله =)

[تاتلين]

غسق اتوقع انو 4 مستويات في التخصص مو 3 لانها نزلت لي في الخطه كلها مع بعض 9 اترام...

[غسق؛ْ]

ايوا صح كلامك ^^

سوري حسبتهم غلط

[حويزم]

يعطيكم العافية ماتقصرون :)