المقبولين تخصص لغة انجليزية

[J'adore]

بسم الله الرحمن الرحيم

الحمدلله الذي بنعمه تتم الصالحات . لك الحمد يا ربنا كما خلقتنا وهديتنا ورزقتنا ووهبتنا.

أحب أبارك لكل اللي انقبل في جميع برامج الماستر والدكتوراة وبالذات تخصص لغة انجليزية. اتمنى من اللي انقبلوا في هالتخصص يتواجدو معنا ويشاركونا . عندي شوية استفسارات وافكار .

اتمنى اذا فيه احد قانوني او فاهم في انظمة الجامعة يشاركنا ....

أنا رجعت لعملي وما وافقوا على دراستي . قدامي الحين أكثر من حل ومحتااااار ايت واحد فيهم ؟

يا ليت اللي انقبل وخلص كل اوراقه ودخل ع الاودس وشاف جدوله يشاركنا ويخبرنا عن المواد اللي
نزلت له .

[saud_teacher]

الف مبروك يا اخ جادور.... أنا وانا اخوك انقبلت معاك ،وعندي نفس مشكلتك في موافقة جهة العمل.. اذا تبغي نتعاون فانا على استعداد تام ...

واسال الله العلى القدير الا يضيع لا لي ولا لغيري مجهود انه ولى ذلك والقادر عليه

[Master]

السلام عليكم

موافقة جهة العمل تتم ببساطه اذا كنتم موظفين في وزارة التربية والتعليم


والغريب هو سبب عدم الموافقة واعتقد انه بسبب ان الموافقه على الدراسة ستمنح الطالب حق الاجازه لمدة اسبوعين اثناء فترة الاختبارات وممكن تتنازلوا عنها من اجل الموافقه


وللعلم اغلب المحاضرات تتم بعد الظهر وياليت توضحوا للجهة ان معظم مواعيد محاضرات المواد تتم بالتنسيق بين الطلاب والدكاتره


وبالنسبة للمواد مانزل شي الى الان وغالبا الشهر القادم تكون موجوده وهي المواد المشتركة بين القسمين وهي

اللغة والثقافة
اللغة والحاسب
تنظيم المعلومات
طرق البحث العلمي


اسأل الله لي ولكم التوفيق

[J'adore]

حياك الله اخوي سعود واخوي ماستر..

الله يبارك فيك ومبروك القبول عقبال التخرج ان شاء الله وبامتياز بعد ..

اللي انقبلوا معنا تفريبا 6 يعني كلنا 8 .

رحت لمركز التدريب بخصوص الموافقة وحاولت افهمهم ان الدراسة في الغالب مسائية , رد علي الموظف انه صباحي ما احد بيعطيك موافقة . الا اذا في الجامعة شرحوا ع الافادة انه مسائي .

يعني في الغالب ما بقي الا الاجاز الدراسية , الاستثنائية أو التأجيل .

أو حل بس ما أدري بيزبط معنا كلنا والا لا راح ارسله لك ع الخاص ..

بالتوفيق للجميع يا رب ..

[saud_teacher]

امين لنا ولكم...
بخصوص الموافقه.. توجهت يوم الثلاثاء لعميد العماده د: عدنان الحميدان وفقه الله
وياليت كنت معي.. وجدت رجل اخر عما في الذهن والله ما هو تملق والا نفاق ولكن هذه الحقيقه
بتجرد. اسمعني كلام يثلج صدر اي معلم كلام يجعلك في زاوية المنتصر...
وبصراحه دام ان الموضوع عنده لاتخاف بخصوص الموافقه بذات, اتوقع والعلم عند الله بتنحل
من العماده... وان شاء الله يتم القبول النهائي.. (ولا تطري الاجازه بأي حال من الأحوال خلها للدكتوراه)

سؤال لاخ ماستر< هل نبدأ الأستعداد من الان او بعد ما تبدأ الدراسه؟ واذا الان كيف؟>

- نسيت اقولك انا مدرس بمدرسه مسائيه وليست صباحيه ورفضوا الموافقه, اش رايك العيب من مين؟!

[Master]

saud_teacher


بالنسبة للاستعداد فبامكانك تستعد من الان وتقرا في الكتب المخصصة والمواضيع المتعلقة بالموادوتاخد فكره عامه عنها

لان كل دكتور بيقرر مقررات مختلفة وممكن ماتكون موجوده هنا.

والغريب ان ادارة التعليم رفضت الموافقة مع العلم انها ما تأثر عليك لكن رووح لمدير شؤون المعلمين وشوف ايش يحصل معاك

ونفس الموضوع بالنسبة للاخت J'adore لا تفكري بالاجازه نهائيا فالتأجيل اخر حل

ومع العلم ممكن تكون المحاضرات مسائية

واي استفسار انا حاضر

تحياتي

[J'adore]

مساكم الله بالخير ..
اخوي سعود واخوي ماستر ,,,
اذا كنت تدرس مسائي ورفضو ا ؟ هذي مصيبة ثانية !!!


الله يبشرك بالخير ويقبل منك ...

بس تعالوا ما فهمت ليش اجازة لا ؟؟؟

انا حاط في بالي اجازة دراسية او استثنائية !!

اخوك جادور ( ماستر ) ..

[saud_teacher]

تحياتي لكما أخواي جادور و ماستر..

ماستر لو سمحت ممكن تحدد لنا مدى صعوبة الدراسه.. يعني لو تعطينا فكره تنير لنا المجهول... والدعاء لك موصول يا ماستر.

أما جادور ليش نرفض الإجازه! لأنك ستتفاجأ انهم لن يوافقوا على الإجازه الدراسيه الا ب(الإيفاد) .. يعني الشروط التعجيزيه المعروفه..
اما اجازه بدون مرتب فالجامعه لن تقبل بها الا ان يكون موضح فيها الموافقه على الدراسه خلال قضائك الاجازه.. والدعاء لك موصول يا جادور.

يعني الحل وانا اخوك بيد العماده ان تستثنينا .. وهذا المعول عليه...


ودمتما والقارئين بخير وعافيه

[abulama72]

اخيرا لقيت من يشاركني همني الله يفرج عنكم
ابارك للجميع القبول........ اخوكم ايضا من المقبولين في نفس التخصص وفي محاولات مستمرة للحصول عل موافقة العمل ((وزارة التربية والتعليم )) ولكن بدون جدوى .... هل هناك حلول اخرى غير الاجازات ؟؟؟؟؟؟ بالمناسبة رحت لوكيل عمادة الدراسات العليا وقال لي الاجازة الاستثناية لاتعتبر موافقة جهة العمل وبصراحة نسيت اسأله عن الاجازة الدراسية ........
.................................................. .................................................. .....

اشكرك اخي الفاضل على طرح الموضوع وارجوا التواصل من الجميع للوصول الى حل ...

[Master]

اسعد الله مساكم بالخير

اخوي سعود واخوي جادور

بالنسبة للدراسة فهي تحتاج لمجهوود وقراءات كثيرة من الكتب المقرره ومن خارج الكتب المقرره خصوصا ان اغلب الاعمال هي term paper تعملها وتسلمها في وقت معين.

اضافة الى ان بعض المواد لازم تعمل اختبار نصفي ونهائي و term paper وهذي راجعة في الاخير لاسلوب الدكتور

وبالنسبة لعدد الساعات فالافضل انك تنزل 9 ساعات في الترم عشان تقدر توفق بين المواد وماتضغط على نفسك


اما بالنسبة للموافقة فالى الان مادري ليش الادارة رافضة حاجة اسمها الموافقة مع العلم ان اجراءاتها بسيطه وميسره لكن اتوقع ان العجز الكبير في معلمي الانجليزي هو السبب

ياليت تروحوا لرئيس قسم التدريب والابتعاث ومدير شؤون المعلمين وفي الاخير لمساعد مدير التعليم وبعدها لمدير التعليم


تحياتي لكم