ايش احسن معهد انجلش في جده؟

[أرووش]

مرحبااا قايز

كيفكم

في الصيف ابغا ادرس انجلش ومو عارفه ايش احسن معهد

ابغا معهد تكون شهاداتو معتمده

ويعملي اختبار تحديد مستوى واكمل من المستوى اللي وصلتلو

اعتقد انا المستوى التالت

اختبرت مره في معهد زمان بس حسيتو ابو كلب وما درست فيه

قريت عن wall street يقولو مره جيد

بس ابغا آرائكم

ايش احسن؟؟ نيوهورايزن ولا وول ستريت؟؟

ومين يعرف شي عن الدورات اللي في كلية دار الحكمة <<شوفت اعلاناتهم هنا في المنتدى

بليز اللي يقولي على معهد يحطلي رقمو وعنوانو ازا ممكن
وشوووكرن :)

[JuStice]

.

معهد وول ستريت حسبما قرأت عنه ; لديهم نظام تعليم ذاتي ..

بمعنى أنكِ تذهبين متى ما شئِت وتجلسي على الجهاز وتستمعي وتحلي الأسئلة ثم تغادري , وهناك جلسة واحدة في الأسبوع مع المدرس الأجنبي .

أما معهد نيوهورايزن سمعت انتقادات كثيرة عنه تكاد تطغى على كلام المادحين له , لم أجد معهدًا لم يسلم من الانتقادات السلبية إلا معهدين كان الجميع تقريبًا يمدحهما , معهد بيرلتز والمعهد البريطاني ..

أنصحك بـ معهد بيرلتز فهو الأفضل ويعتمد على المحادثة بـ درجة كبيرة جدًا وهذا هو المطلوب .. بعكس المعهد البريطاني الذي يعتمد على قواعد اللغة الإنجليزية أكثر ,

لا أعرف مكان فرع البنات .. وبإمكانك البحث عن أرقام المعهد في الانترنت .. أسعار معهد بيرلتز مقارنة بغيره تعتبر مرتفعة ..

المستوى الواحد بـ 3300 ريال , مدة المستوى 5 أسابيع .. إجمالي المستويات : 10 . سمعت بأن لديهم عروض مغرية في رمضان وقد وصلت إحدى المرات إلى 1400 ريال للمستوى

.

[أرووش]

شووووكرن JuStice

[إحساس ناجح]

أختي آذا تحتاجي معهد بمعنى الكلمة عندك معهد britsh counsil بمجمع فارسي سنتر الدورة سعرها ب2000 وتحديد المستوى ب150 السبب الذي جعل هذا المعهد من أفضل المعاهد هنا مايلي :-
1/ تدريس كامل على أيدي خبراء بريطانيين الأصل
2/ المعهد معتمد عالميا ( المجلس البريطاني الثقافي )
3/ شهادته معترف بها من في الجامعات والشركات الحكومية والأهلية بالسعودية وبريطانيا
4/ تدريس بلغة بريطانية ونطق بريطاني محترف
5/ قدرة عن تمكين المتدرب امتلاك اللغة في فترة وجيزة
6/ المعهد مجهز بأحدث ماتوصل إليه الإنجليز في تعليم اللغة

صراحة المعهد لايوجد معهد في مستواه جميع المعاهد لدينا هنا مملوكة لرجال أعمال سعوديين
أما معهد britsh counsil فهو مملوك لبريطانيا ومعتمد من جميع الجامعات العالمية

أتمنى لك التوفيق

[البرنس11]

انا انصحك باكسفورد مرررررره معهد بطل
مجربو انا والله استفدت كتيييييييير
واسعارو غاليه شويا بس بطلللل
وتعالي كول يوم

[tecno G!rl]

انا سمعت عن بيرلتز والبريطاني ومحتارة بين الاثنين

يعني ابغا شيء شامل محادثات كلمات ....الخ

[إحساس ناجح]

Britsh counsil هو التوب والمضمون اتعلم اللغة من أهلها البريطانيين ولا أتعلمها من عرب لايجيدون نطقها

[basma ali]

عندك الابداع الكندي الي بالتحلية خالتي وبنت خالي مسجلين فيه ويقولو كويس

[أرووش]

والله مره احترت

المشكله انو ابغا ادرس شهر واحد بس. شهر 8
ما ابغا ادرس 3 او 4 شهور

يمكن بعد ما اتخرج ادرس في Britsh counsil ولا بيرلتز لو كانت دراستهم طويله

المشاركة الأصلية كتبت بواسطة basma ali عندك الابداع الكندي الي بالتحلية خالتي وبنت خالي مسجلين فيه ويقولو كويس

اختي درست العام في الابداع الكندي وحتدرس عندهم في الصيف كمان
وماما تقولي ادرسي مع اختك في نفس المكان ما تروحو مكانين <<

انا انصحك باكسفورد مرررررره معهد بطل مجربو انا والله استفدت كتيييييييير واسعارو غاليه شويا بس بطلللل وتعالي كول يوم

اهلن اهلن بالبرنس
ان شاء الله بس خليني اخلص اختباراتي الأول
بعدين اصيف على كيفي
بعدين اجي كل يوم

[~dreamy~]

مين سجلت في بيرلتز ياريت تقولنا ابغى اخذ عندهم شهر 8 بس
كيف الطريقه يحددو مستوايه اول وبعدين ادرس ولا كيف
ووكمان دوامهم كم ساعه في اليوم بالنسبه لبيرلتز وبريتش