بخصوص التحويل للانتظام

[enou]

السلام عليكم
انا تعبت من كتر ما اسال واكتب عن الموضوع دا
لحد يقوللي اروح العماده واسال
انا طالبه منتسبه علم نفس مستوى 4 ابغا احول انتظام
العالم قالتلي النسبه المطلوبه 3.75 وما اتجاوز 40 ساعه صح الكلام دا ولا لاء
ولمن جيت شديت حيلي وشفت الدرجات طلعتلي اول درجتين الثقافه والاحصاء حلوين عمري ماحلمت فيهم والحمدالله بعدين طلعت درجات باقي المواد برضه الحمدالله بس رسبت في علم النفس التربوي حسبي الله ونعم الوكيل وكنت ابغا اخد ترم صيفي عشان اخد التربوي وفي مادتين حره ما اخدتهم السنه دي عشان ماتعطل في الاخير وطلع مافي صيفي للانتساب
يعني معدلي دحين صار 3.56 والساعات المسجله 54 والساعات المكتسبه 51
فاااااا ابغا اعرف ايت اللي ساعاتها يبغوها المسجله ولا المكتسبه ايش المفروش اني اعمل دحين ايش بيدي يطلع مني
ايش الشروط والهرج الكتير عشان احول
بليييييييييييييييييييييزززز الله يوفقكم دنيا واخره ويزوجكم اللي مو متزوجين ساعدوني افيدوني فكل شي لاتخلو على قلبكم شي الا وتقولوه ليا
بس الكلام يكون اكيد لاتحوسوني اكتر
شكراً

[i ĐǿŋŤ ČąЯę]

اختي ارسلي معامله الكترونيه عن طريق الاودوس ورايح يردون عليك بكل استفساراتك

لانو الحين الناس اجازه وخاصه اللي حولو للانتظام وماعندي علم عن كل اللي تبينه وكان ودي اساعدك

والله يوفقك يارب ويقبلون طلبك

[شوكلت وردي]

اناكمان نفس الورطه ومن اول اكتب مواضيع من غير فايدة نطالب بتثبيت موضوع خاص للتحويل للانتظام واناشديت حيلي وابغى احول وتعبي مايروح عالفاضي

[hebah_22]

يعتمد التحويل على وجود أماكن شاغرة في الانتظام للكلية المحول لها،التحويل بعد دراسة 22 ساعة على الأقل.
ايجب التقدم فقط من خل برنامج الخدمات الكترونيةodusحسب المواعيد
يعني ماحينفع تقدمي الا اذا ظهر ايقونة التحويل عندك على اوديوس

[hebah_22]

وهذي هي الشروط اختي من موقع الجامعه
شروط التحويل من الانتساب الى الانتظام
أن لا يقل معدل الطالب عن (3.5 من 5).
أن يكون التحويل حسب السعة المحددة للتحويل في كل كلية.
أن لا يكون الطالب قد درس ما يزيد عن نصف متطلبات التخرج .
ان يكون سعودي أو من أم سعودية .
ان يكون التحويل في نفس الكلية وحسب التخصصات المتاحة ولمره واحده فقط .
ألا يكون مضى على شهادة الثانوية أكثر منخمس سنوات من تاريخحصوله عليها.