مادة فقة المعاملات المحاسبية كيف مع الدكتور محمد فلمبان

[mody-09]

انا ان شاء الله تخرج بس حاب اسئل عن هذه المادة لانه الشباب سمعتهم يقولون انه اصعب مادة في القسم ممكن تعطوني رايكم

[بنت ناس وقلبي ألماس]

للرفع

[mody-09]

شكراً على الرفع

جزاك الله ألف خير

[ĂŵŖąĢ МāŇšİą]

انا مثلك بسال كيف ؟ ياخي لان الي سالتهم بالجامعه يقولون سيء والشعبه كلها f
والي نجحوا كلهم على الـ 60 يعني ع الحافه .. عاد مدري وش الصدق ,
بس المشكله محتكرها فلمبان ومافي الا هو خخ , ليت يمسكها صالح السعد

[فندام]

المشاركة الأصلية كتبت بواسطة mody-09 انا ان شاء الله تخرج بس حاب اسئل عن هذه المادة لانه الشباب سمعتهم يقولون انه اصعب مادة في القسم ممكن تعطوني رايكم

حقيقة أنا درست هذي المادة بمرحلة البكالريوس مع الدكتور محمد فلمبان وهو ترى محتكر المادة من يوم اعتمادها ضمن الخطة الدراسية لقسم المحاسبة على حد علمي
المادة مو صعبة مرة بس الدكتور محمد فلمبان مصعبها زيادة عن اللزوم طبعا الجزء الاكبر يالمادة هو عن فقه المواريث والي حاصل مع الدكتور محمد فلمبان انو تقريا 3 أو 4 طلاب بالشعبة ياخدو تقديرات مرتفعة وبقية الطلاب تكون درجاتهم بين 60و 65 وقد يوجد بعض الطلاب الي ممكن يوصلو ل 70 لكن الغالبيه درجاتهم بين 60 و65 انا ماودي احبطك بكلامي هدا انا بس بحطك بالصورة وترى على أيامنا ماكان عند الدكتور محمد فلمبان رسوب الا نادرا لكن على كلامك الي يبدو انو الوضع اتغير وصار عندو طلاب ياخدو تقدير f
وبالرغم من هدا كلو لو شديت حيلك من البداية وركزت مع الدكتور وحليت كل التمارين وفهمتها كما ينبغي ترى حتقدر تاخد عنده تقدير مرتفع الشغله مو مستحيله او صعبة جدا بس بدها جهد وتعب من البداية للنهايه
ومشكلة الدكتور محمد فلمبان انو لما يشرح ويعطي تمارين مايكون امامه ملخص مكتوب تكون فيه المعلومات مرتبة ومنسقة عشان ينقل منو لا بيعطي المعلومات والتمارين بشكل ارتجالي تقريبا وعشان كدا لازم تركز معاه لأنو لو فاتك شي يمكن من الصعب على الدكتور نفسه انو يعيده او يستدركه بسبب طريقته الارتجاليه بالشرح وحل التمارين
هدي هي الصورة النمطيه الي اخذتها عن الدكتور محمد فلمبان بمرحلة البكالريوس والان هو مابدرسنا بالماجستير وعشان كدا ما ادري ادا كانت قد حصلت اي تغيرات هامة في اسلوبه وطريقته الي بيتبعها الان او انو مازال على عهدي بي ؟
عموما اتمنى من الزملاء الي درسو مع الدكتور محمد فلمبان خلال الفصول الماضية يفيدونا لو كان عند اي واحد منهم اي جديد فيما يتعلق بالدكتور محمد فلمبان
وحط ببالك انو محتكر مادة فقه العملات يعني حتاخذها عنده ان عاجلا او اجلا فشيل فكرة حذف المادة من بالك وخلص منها بسرعة هدا هو الأفضل وموفق باذن الله وان شاء الله انك تجتاز المادة هدي بمعدل مرتفع بس شد حيلك وابذل الجهد المطلوب ومافي شي مستحيل او صعب جدا كل شي ممكن يتحقق بالعزيمة والاصرار