لم يتفعل الحذف والاضافة

[shahoooda]

السلام عليكم ...
مرت اكثر من 40 ساعة وانا مرابطة قدام الاودس :@ ... والله العظييييييم مررة خلاص تعبت .. يا ناس والله احس الاودس دا يبغالو تنظيم شوية .. يعني انا ما جاتني اول خانة التخصص .. وروحت بنفسي الجامعة .. ودحين الحذف والاضافة بس صورة كدة عندي ما اشتغل .. والله مو عدل كدة .. لازم يعني اروح بكرة وحووووسة .. ويلا استنى الين ما وحدة منهم تكلمني بطريقة مررة حلوة زي عادتهم عشان اعمل جدولي او اضيف مادة حرة ....

[غلا1413]

حتى انا نفس المشكله يالله أش ورانا خلينا نصبر هو شغلهم بالقطاره

[shahoooda]

يعني الى متىىىىىىىىىىىىىىىىىىىىىىىىىىىىىىىىىى

[جيزان]

ههههههههههههه على الاقل انتي احمدي ربك المواد كلها موجوده
انا حذفت نص المواد عندي على اساي ارجع اضيفها بسبب الوقت
والحين شعب العربي كلها فلللل ,,, يعني بكرة اخاف يقولوا اقلبي وجهك ومااحد قالك تحذفي الماده وهيا مو جامعه ابوكي تسوي الي تبغي

وفي الفيصليه كمان الاخلاق زفت الوحده بالقوة تتكلم معاكي

بس انشاءالله خير عاد لازم اطلع لهم كم دمعه واترجاهم

[قلبي مملكه]

لا تقلقون بكرا ان شاء تظبطون جداولكم من عند المشرفات تبع دفعتكم
واكيد ان شاء يراعونكم لانكم اول ترم تخصص

[حربيه ودروبي ورديه]

انا نفسس الحال الحمدالله

بس نزلت لي 3 مواد

وشعبى العربي اللي كنت ابغاها تقفلت

بس ماعلي من شعبى العربي اهم شي مواد التخصص تنزل لي

الله يعنني عليهم بكره

[^^صانع السلام^^]

تروا في طريقة تضيفوا المواد بيها .. ممكن تحصلوها بالمنتدى .. ويلي محتاج اي خدمة يبشر .. بس بدري بدري قبل لا يقفل الحذف والاضافة ..

[amj.mus]

ممكن تعلمنا الطريقه ؟

[^^صانع السلام^^]

والله الطريقة معقدة شوي وبرامج تنزلها ومي عندي لانها مثبت على نفس المتصفح .. بس ممكن تحصلها بمنتدى المنتظمين الموضوع له نص سنة تقريبا

[^^صانع السلام^^]

والاخت غلا روحي ممكن تفيدك اكثر