أسئلة التحليل الهمي وفرد العضلات وأسئله للمتخصصين

[sl0me]

انا ماضيق صدري الاسؤال القلق اللي يقول طلع نسبة قلق الطالب اذا كان مدري ايش وقلنا وشلون ينجح وكم نسبته لو نجح وحلل لنا مدى نسبة رضاه عن الماده لاحظو كل هالامور بنسب مئويه
وش بعد اصبرو
ايه
ويقول بعد في نفس السؤال
حدد لنا نسبة قلق أم الطالب وأبوه لاراح ولدهم للاختبار وكل هذا لازم تطلعه عن طريق ادخار الطالب لمصروفه اليومي اللي ياخذه يوم انه بزر وتقسمها على التكاليف المتوسطه وتضربها في الكليه مع ملاحظة هل الطالب اذا قام من النوم يشرب حليب ولالا وكل هذا في الاخير لازم تحطه في جذر جبري اسمه قلق 114 عشان تطلع الاس حق نسبة القلق العامه لحياة الطالب مع مراعاة أي شي يأثر في نفسية وقلق الطالب مثل مثلا هل الشغاله ماكوت الثوب زين أو هل قام الطالب وهو مسعبل ... الخ من العوامل والمؤثرات
وفي الاخير ترى هالسؤال واحد من 40 سؤال ومدة الاختبار الرسميه ساعه ونص احسب منها نص ساعه راحت في قلق الدكاتره بطاقتك وايصالك والقلق اللي ماينتهي وعلى فكره ترى قلق الدكاتره في القاعه وكثرتهم لازم تستنبطه من نفس السؤال اللي قبل شوي يعني احسبها في النتيجه النهائيه

في الختام الماده عامه وانا في خطة أ المفروض أشوف شي عام مهب استقعاد وفرد عضلات علينا حنا الضعوف
قاتل الله الجهل

نداء إلى المسئولين والقائمين على جامعة الملك عبدالعزيز


كتبها الفقير الى ربه سليم ولد موضي الجالس بجوار مكان الكوشه في قسم النساء في قاعة قصر الحمراء _ الرياض

[amaa454]

اصلا هو فيه سوال كذا
شرهتك على إلي كان مركز , تركيزي كلها في الامتحان كيف استخدم الاله

[طفشني المنتدى]

ههههههههههههههههههه
وربي ضحكتني
.
.
amaa
عاد انت عندك آله ومو عاجبك
لو كنت مثل بنت مسكينه بالقاعه نست الاله والدكتوره حقرتها
وما اهتمت تجيب لها آله
والله البنت كاسره خاطري للحين

[sl0me]

المشاركة الأصلية كتبت بواسطة طفشني المنتدى ههههههههههههههههههه وربي ضحكتني . . Amaa عاد انت عندك آله ومو عاجبك لو كنت مثل بنت مسكينه بالقاعه نست الاله والدكتوره حقرتها وما اهتمت تجيب لها آله والله البنت كاسره خاطري للحين

هلابك دوووم الضحك
عاد انتم يالحريم انواع الحقران والوجيه القشراء
مدري ليه تخيلت العبدات اللي يطقونا في العروس يوم اني صغير لاسرقت بيبسي

[sl0me]

المشاركة الأصلية كتبت بواسطة amaa454 اصلا هو فيه سوال كذا شرهتك على إلي كان مركز , تركيزي كلها في الامتحان كيف استخدم الاله

ههههههههههههه
يارجال حتى الاله يبغونها غير شكل

انا خذت الاله امس في الليل وشف اللعانه قلت بشوف هل بتناسب اختي ولالا
ولو مانفع برجعها قال خلاص ولايهمك وتوني مرجعها له في قراطيسها

[خالد الشبعان]

هههههههههههههههههههههههههههه
والله انك ضحكتني ونسيتي هم الاختبار

[Nada AlWard]

اجل وش تقولون اللي جايبه اله وماستخدمه خير شر لما شفت الاسئله قلت مابدهاااش خخخخخخخخخخخ

واعتمدنا على الله ثم على الحقره بقره قالي عمي هههههههههه

لو ادري كان عطيت البنت اللي نسيت آلتها والله حرام على الاقل هالبنت يمكن تكون حافظه القوانين

مو مثلي مذاكره تحليل 204 وفي الظهر اكتشف انه مو هو اللي اذاكره خخخخخخخخخخ

والله حالتي صعبه الله يعين بس

[waleedkabli]

حسبي الله على الظالم الأسئلة ليست كلها صعبة ولاكن تحتاج لتركيز فقط وللإسف بعد مرور نصف ساعة بدأنا الحل والله وصلت للسؤال 18 ومشرف القاعه يقول باقي 15 دقيقة بعدها ماعينت خير سرت أظلل عشوائي وبسرعة وجاتني رعشة وبرد وحشرة , حسبي الله ونعم الوكيل يعني نذاكر ومو عاجبهم والله عمر التعليم ماراح يتقدم في ظل وجود الطاقم الحالي كلللللللللللللللللله. إذ يجب إعادة تأهيل للمرضى أسف الدكاترة المرضى النفسيين ... معقدين والله أغلبهم يحتاج إلى دكتور نفسي.ولاكن لاحياة لمن تنادي إلى أن يقضي الله أمرا كان مفعولا

[القانص]

الله يعين الجميع

[fares_955]

صراحه انا خايف يطلع دكتور ماده الرياضيات ولد عم دكتور التحليل الكمي


عشان اندم اني ذاكرت والله ذاكرت بس عجزت اركززززززز من خوفي يخلص الوقت ونا ماسويت شي