بخصوص لعنة اختبار التحليل الكمي

[riyan_1]

السلام عليكم
ارجو من الشباب اللي حضروا اختبار التحليل الكمي اليوم انهم يوافني بآرائهم هنا في هذه الصفحه عن نقاط الضعف اللي كانت بالاختباروانا أولكم :
1- بدأنا الاختبار في مبنى 44 الساعة 5:45 عصراً.
2- طول وقت الاختبار المشرفين الاثنين يوصون لاحد يغش،طلعوا البطاقات،كم راح من الوقت،انت تعال انقل قدام، وانت رح ورا.
3- مشرف دخل القاعة اثناء الاختبار اكثر من عشر مراتمره يسلم على خويه المشرف،ومره يبي ورقه ناقصه (نموذج اجابه) ومره يستفسر عن شيء.....الخ.
4- احد الطلاب كافشينه ولا ظالمينه وهو يغش ماأدري تقريبا نص ساعة كانت مناقشة المشرفين مع هذا الطالب وصار فيها رفع أصوات وشتم وووو.....الخ.
6- الأهم : هذه مادة(3ساعات) وعدد الاسئلة 40 سؤال على 12 صفحة طبعاً كل سؤال يحتاج الى تركيز لأنه فيه تحليل معادلات ،وفيه كتابة على مسودات (حل على ورقة خارجيه ) وكلها يبي لها تركيز، وغير كذا استخدام الآلة ياخذ وقت ،والتضليل على الاجابة يبي له وقت.

هل ترون يادكاترة الجامعة ان هذا الوقت الوقت كافي لهذا كله (ساعة ونصف)
طبعاً مراجعة هذه محرمة في هذا الاختبار يعني انى انك تراجع هل معقولة عندما أصل الى السؤال 17 من 40 ويجي المراقب ويقول باقي 10 دقايق وأطلب منه زيادة وقت ، والله كان الاختبار بسيط بالنسبة لي وجالس أحل بأسرع مايمكن وبكل تركيز (أزهلها مع النقاط المذكور فوق)وفي امكاني حلها كلها صح ، نرجوا اعادة النظر في هذا كله ونجد حل جذري لما سينتج عن هذا الاختبار من رسوب ودرجات متدنية (غير الهبوط في المعدل لأنها 3 ساعات)
ارجو من الطلاب والطالبات ضم أصواتهم هنا حتى يتم رفعها للمسئولين في الجامعة وشكراً.

[ساهر العرب]

صراحة أنا بي الرياض ياخي وقتهم قصير يليت يتم أعادة الاختبار لنه ظلم الطلاب بيها

[odus]

انا معك بكل ماقلته مع العلم بان الماده ساعتين وليس ثلاث ساعات
الله يعين على الدكتور الي جاب الاسئله من راسه وهذا اكبر ظلم بتاريخ الجامعه

[pure-poison]

حسبي الله ونعم الوكيل بس ورب البيت الاختبار كان ساعتين ونص ساعه الين ما وزعو الورق ورتبو الصفوف وتعالي هنا وتعالي هنا وحطي شنطتك هناك في الزاوية وقاعه فيه يمكن 100 بنت وجايبين لنا مراقبتين انا يمكن بدون مبالغة ساعه الا ربع عشان تجيني الورقة ويو حليت كان باقي ساعه وربع وعلى بالهم عطونا اكراميه ربع ساعه والله وطبعا انا كان عندي 10 اوراق الورقة التاسعه والعاشرة حليتها كذا بس مستعجلة عشان المشرفتين ازعجونا وتجيك مشرفة من قاعه ثانيه مخلصه وقعد تنافخ يلا خلاص وش خصك انتي وخلت المراقبتين يستعجلون لنا والله وحدة معي بالقاعه تقولي والله ما حليت الورقة التاسعة والعاشرة ما امداني حسبي الله ونعم الوكيل بس المفروض يسوون نظام قبل الاختبار حتى الكشف حق اسماء الطالبات اللي يختبرون في القاعه نفسها ما حطوها على الباب الا قبل وقت الاختبار ب 10 دقايق لازم رسالتي ذي توصلل للجهات المعنية انا اول مرة اشوف اختبار فيه معادلات بهذي الكمية والوقت المسموح فية ساعتين المفروض 4 ساعات
مع تمنياتي للجميع بالتوفيق يارب

[riyadh]

موضوعك مهم وانا اتكلم عن زوجتى اختبارها اليوم صعب عليها

و كان مرررره الوقت قليل على مادة مثل التحليل الكمى الى تحتاج من الواحد لجهد بالتفكير ومراجعة الارقام

والله يعينى على هالمادة بالترم الثانى

ابى اوضح بالنسبة لوزن المادة هى ساعتين تصحيح لما ذكرتى

[pure-poison]

المشاركة الأصلية كتبت بواسطة riyadh موضوعك مهم وانا اتكلم عن زوجتى اختبارها اليوم صعب عليها و كان مرررره الوقت قليل على مادة مثل التحليل الكمى الى تحتاج من الواحد لجهد بالتفكير ومراجعة الارقام والله يعينى على هالمادة بالترم الثانى ابى اوضح بالنسبة لوزن المادة هى ساعتين تصحيح لما ذكرتى

ايه والله مكتوب حتى على نموذج الاسئله ساعتين انا تفاجئت اصلا يوم شفت المدة وابشرك راح نص المدة في توزيع الاسئلة ورقة الاجابة والتعليقات السخيفة حقت الشعب السعودي

[سيدة السعودية]

والله هذا التحليل الكمي من جد سبب همي
يعني شكلي راسبه راسبه
بس بالله اذا رسبت ايش يصير يعني
اكمل النص الثاني واحمل الماده ولاايش الموضوع
يعني هما يحسبونا عباقره عشان نقدر نحل 40 فقره في ساعه ونص
الله يسامحهم بس

[العكرش]

انا عندي شي مهم
الاسئله فيها فقرتين خطا
الاولى السؤال يقول لوس 625 = 5 فان قيمة س = والحل ليس من ضمن الخيارات
(لان الي وضع السؤال غير حط 5 مكان س وصار الحل مختلف )

الثانيه السؤال الي فيه دالة الاستهلاك ويبي دالة الادخار في السؤال صح وخطا
وكاتب دالة الادخار تساوي( 3ر0 ل) كتب حرف الراء مكان الفاصله الرقم صح لكن حرف الراء يخليك تشك انه خطا و التصحيح الكتروني

الشيء الثالث المهم اكتشفت في الكتاب اربع اخطاء في المسائل وكلمت الدكتور الي حاطين رقمه الشباب في الموقع بنفسي قالي الكتاب مليان اخطاء قلت طيب التمارين الي نهاية كل فصل وين حلها قال ماهو موجود


وش رايكم بالظلم

[pure-poison]

اصلا اللي غير الخطة حقت الانتساب هو انسان فاشل لا اكثر

[بكالوريوس]

بصراحة هناك غراااااااااااااابة في الاسئلة ونسبة الرسوب عااااااااااالية في اعتقادي إلا ان يراجعوا مادون في ورقة الأسئلة لأن هناك من حفظ القوانين واستعد للإختبار من اسبوع او اكثر وتفأجأ بمسائل جديدة