اللي تخصصها رياضيات تدخل الله يسعدها

[نادين]

السلام عليكم ورحمة الله وبركاته

الله يسعد اللي تفيدني ..انا الحين نزل بجدولي بالترم الاول هذا اللي على وشك يخلص رياضيات 110 لكن تعادل لي بـ101
السؤال الحين اش المواد اللي انزلها من الرياضيات ..مدري اش انزل
لكن افكر اني انزل تفاضل 2

كمان الله لا يهينكم قولولي افضل الاستاذا ت اللي تنصحوني فيهم

بارك الله في اللي ترد علي وينجحها ان شاءالله

[توليب الرائعة]

نزلي 202 عند أ.آسيا زقزوق جداً رائعة
وفيه كمان أ. دينا أبو زيد
والله يوفقك

[نادين]

الله يسعدك ياتوليب ..

[ذاكرة]

يس أوافقها كمان
وأستاذة / شفاء العمودي جدا جدا راااائعة
خذي أي مادة عندها

:

بالتوفيق

[احاسيس شاعره]

توليب انا كمان سمعت عن دينا انو شرحها كويس
بس في رسوب كثير معاها

ادفر طالبه مين قالك انو شفا كويسه؟ انا سمعت عكس كدا تماما!

شوفي يانادين
انتي امشي على الخطة صح عشان ماتتورطي
خذيها نصيحه
نزلي تفاضل 2 واسس رياضيات
حتى لو قدر الله وماقدرتي تعدي الماده
نزليها في الصيف
لانو بصراحة اللي اسمعو
انو بنات الرياضيات يجلسو فوق 8 مستويات
ما اخوفك بس ربي يسهلك ويوفقك

ونسيت اقلك لاتنزلي مع فريده او حبيبه

[ذاكرة]

المشاركة الأصلية كتبت بواسطة احاسيس شاعره ادفر طالبه مين قالك انو شفا كويسه؟ انا سمعت عكس كدا تماما!

أحاسيس

أنا درست عند شفا تفاضل مرة كانت رائعة
يمكن اللي وصولوا لك الخبر ماكان صحيح

حتى دينا مرة خطيرة
هي بس تدقق في التصحيح شوية
ولا شرحها رهيب مرة

بالتوفيق يالغلا

[noo0oona]

شوفي ياقلبي دينا ابو زيد مررررة رهيب شرحها وبالعكس تشرح كل كلمه وكل حرف وحتى لو غبتي تنسق لك موعد تروحيلها وتتفاهم مع البنات واي شي تناقشيه معاها عادي هو الشي الوحيد اللي فيها بس انها تبغاك تحلي زيها وبنفس خطواتها يعني اشياء بسيطه ان ماكتبتيلها تطير ارباع وانصاص بس مايوصل حد الرسوب ابد
انا سمعت عنها كثير وصراحه ودي اخذ معاها كل المواد عن جد هي انسانه رهيبه
عندك تفاضل 2 واسس وبرمجه واحصاء وعندك المواد العامه
اي شي تحتاجيه انا حاضرة

[نادين]

أدفر طالبه * احاسيس شاعره نووووووونا *

الله يسعدكم ويوفقكم يااارب

مشكورين ماتقصروا والله

وانا ماهتم من ناحية التصحيح أهم شي انه شرحها حلووو

[نادين]

بنات لو سمحتوا معليش انا الحين افتح قائمة الشعب بس مو مكتوب اسم الاستاذه اللي تعطي لهالشعبه ..كيف اعرف ؟؟

[دلال الحربي]

اسما الاستاذات تنزل بعدين اول اسبوع ..

بس تقريبا ترى الاستاذات نفسهم بنفس الشعب !!