كل شي يخص قراءات انجليزيه عند دكتوره شاهيناز

[عـ,,,ـل]

السلام عليكم ورحمه الله وبركاته



اليوم حضرت عند دكتوره شاهيناز ماده قراءات في البدايه مره انفجعت منها بس بعدين مره حبيت اسلوبها ودخلت معاها جو



قالت المزاكر من كتابين كتاب قراءات اداريه بالانجليزي للاداره العامه للطالبات والتاني للطلاب



لمن كانت تشرح كانت تعطينا على كل كلمه او تعريف مفتاح لها عشان تسهل علينا الحفظ



قالت اللي ماحضرو مارح يستفيدو زي اللي حضرو



كمان قالت في رسمات في الكتاب بس قليل اللي حتكون معانا واليوم اخدنا رمسه على شكل هرمي قالت نحفظها بالترتيب



انا بالنسبه ليا كتبت كل شي قالتو وترجمت معاها اللي ماكنت فاهمتو



فقلت خليني اساعد البنات اللي ماحضرو



لو في مجموعه ماحضرو وتبغوني اعطيكم مفاتيح الكلمات ماعندي مشكله



بس دعواتك بليز



وهادا موقعها تقول انو المحاضرات حقتها حتلاقوها في الموقع



www.sbukhary.kau.edu.sa



وازا تبغو اي شي انا موجوده

[بائعة الـورد]

لسى الماده الترم الثاني اخذها الله يستر من كتاب :(
يعطيك العافيه وان شاءالله البنات يستفيدون
للرفع

[عـ,,,ـل]

^^

لا مو من كتاب من كتابين ههههه

بس والله اللي تحضر مارح تحتاج لكتاب لو بتكتب كل كلمه تقولها الدكتوره

انا مره حبيت الماده الحمد لله

[راجية الفردوس]

الله يستر مره خايفه من الماده وماقدرت احضر أمس

يعني العرض اللي في موقعها يغني عن الكتابين ؟؟ ولآ لآزم اشتريهم ؟!

[عـ,,,ـل]

المشاركة الأصلية كتبت بواسطة راجية الفردوس الله يستر مره خايفه من الماده وماقدرت احضر أمس يعني العرض اللي في موقعها يغني عن الكتابين ؟؟ ولآ لآزم اشتريهم ؟!

هيا مو راضيه تقول زاكرو من الشرايح

تقول الشاريح والككتاب

بس لمن قالت الكلمات اللي اعطيتكم هيا مفاتيحها مارح اغيرها بس ممكن اغير طريقه العباره

لكن المفتاح ابدا مااغيرو

يعني مارح تجيب شي مو موجود في الشرايح ومااعطتنا مفتاحو فهمتيني ؟؟

[لماذا اسلم للبحر امري؟]

مشكورة عسل

وربي مررره خايفه منهااا

[عـ,,,ـل]

المشاركة الأصلية كتبت بواسطة لماذا اسلم للبحر امري؟ مشكورة عسل وربي مررره خايفه منهااا

عفون

ليش خايفه ؟؟

ترى مره بسطت الماده

انتي حضرتي ولالا

[لماذا اسلم للبحر امري؟]

المشاركة الأصلية كتبت بواسطة عـ,,,ـل عفون ليش خايفه ؟؟ ترى مره بسطت الماده انتي حضرتي ولالا

حضرت لها بس بصراحه فررق شاسع بينها وبين نرفانا

نرفانا اعطت البنات بس 22 ورقه

وشاهيناز تقولنا كتابين وفوقهم العرض الي تشرح منه

غير كذا تتكلم انقليزي بحت في بدايه المحاظره بعدين تترجم

وفي بنات يقولو جابت لهم مقالي الترم الي فات

خلاااص نفسيتي زفت مو طايقه الماده مرررررره

واحاول قد ما اقدر اضيف عند نرفانا





ياااربي :(

[mass]

المشاركة الأصلية كتبت بواسطة لماذا اسلم للبحر امري؟ واحاول قد ما اقدر اضيف عند نرفانا ياااربي :(

أختي لماذا ،، في شعبه فاضيه لنرفانا اذا تبغي تغيري عندها ..

[عـ,,,ـل]

المشاركة الأصلية كتبت بواسطة لماذا اسلم للبحر امري؟ حضرت لها بس بصراحه فررق شاسع بينها وبين نرفانا نرفانا اعطت البنات بس 22 ورقه وشاهيناز تقولنا كتابين وفوقهم العرض الي تشرح منه غير كذا تتكلم انقليزي بحت في بدايه المحاظره بعدين تترجم وفي بنات يقولو جابت لهم مقالي الترم الي فات خلاااص نفسيتي زفت مو طايقه الماده مرررررره واحاول قد ما اقدر اضيف عند نرفانا ياااربي :(

اما مقالي

لا تفجعيني ماجابت سيره المقالي ابدا