وقت الأختبـار مايكفي .. ولكـن ؟؟

[M!SS Lara]

السلام عليكم ورحمة الله وبركاته


طبعا لاحظ البعض من الطلاب والطالبات انو الوقت مايكفي ..
والاستاذات قالولنا كذآ من قبل ..

فإحنا لازم نتأقلم على ده الشئ .. لانو ما أظن بيغيروه لأانو حيكررو مقولتهم : انتو بجامعة مش مدرسة !!

وطول عمرهم كذآ اوقاتهم فإحتمال ان يغيروه عشانناا هو احتمال ضعيف ..

فما أجمل المرونه ..
دي صفه حلوه في الشخص وخاصة الي اول سنه بالجامعه يحتاجوها ..
العشب ع قد ماتمر عليها رياح ماتتقطع بل تتماين في مرونه ، لكن الشجره الثابته تقتلع وتتأثر بالرياح ..

فلنكون مثل الأعشاب وليس مثل الاشجار ..

فالحل :-

1- عود نفسك أثناء الدراسه للختبار ان تكون سريعا بالحل ، فلاتحط في بالك انو هدفي انو اتعلم حل ده التمرين ، بل هدفي هو اني اتعلم طريقه حلها + حلها في وقت قياسي ..



2- الاستعانه بالله ، فهل يمكن أن لايعين الله شخصا طلب المعونه منه سبحانه ؟؟
فقل قبل الاختبار مع استحضار النية :(اللهم اني استعنت فيك واتوكلت عليك أن توفقني في اختباري )



3- هو اثناء الحل في الاختبار ، حل الاسأله ذات الحل السريع ، فالمسأله الي تأخذ شوي وقت أو ماعرفتها ، حط اشاره جمب السؤال وكمل لحتى تخلص الاسأله ، وبكذآ انت الكسبان ، ليه ؟؟
لأنك لما تخلص كل الاسأله حتحس بإطمئنان وترتفع روحك المعنويه وتحلها بحماس وحتى الاسأله الي ماعرفتها ، حتجلس تمخمخ فيها براحتك بدون ماتكون شايل هم الاسأله الباقية ..


4- بالنسبة لمراجعة الحل والتظليل ..
فـ بنظري أشوف الافضل هو حل صفحه من الاسأله ومن ثم مراجعتها سريعا وبعدها تظلل وبعدين تروح للصفحة التانية وتحلها وتراجعها وتظللها وكذآ ..
فبكذآ انت لما تراجع حتكون أسرع لأانك توك حاللها والقوانين مثلا توك مستخدمها فحتكون اسرع من شخص يراجع بعد ماحل كل اسألة الاختبار !!

وفي طريقة حلوه أخرى ، هي للي مايراجعو مثلي ففي البعض لما يراجع يشك بحله واحيانا يكون صح فيغيره للغلط ..
فيحل الاسأله عاادي ولكن اذا قابل سؤال وحله بس حاسس بشك ، يحط عليه علامه ، وبعد مايخلص الاختبار ، يرجع ويحلها بتركيز مره تاني وبكذآ يروح الشك من قلبه إذا كان قد حلها صح .




همممم وبسسس ..

اتمنى انكم تجربوها في الاختبارات الجاية وتراها كلها انا طبقتها وكنت أطلع في نص الوقت يعني الحل بس ياخذ مني ساعه واحيانا ساعه وتلت متلا ..
والحمدلله اطلع وانا راضيه ومبسوطه وحاسه انو الاختبار اعطيته حقه كااامل


والسلام عليكم

[sO0SO0]

من جد هو وقت الأختبار مايككفي احس نحتاج اكثر

بس انا دايم في الأختبارات احل الأسهل لي واللي ياخذ وقت احله اخرر شي عشان اكسب الوقت

بس ودي اعررف في الأختبارات النهائية معقووول بتكون الأختبارات ساعتين المنهج كله ساعتين ؟؟

[M!SS Lara]

^^^
لالا حيكون أطول ..
تفتكري اختبار الفاينل الانجليزي كان أطول من الدوري :)

[sO0SO0]

المشاركة الأصلية كتبت بواسطة m!ss lara ^^^ لالا حيكون أطول .. تفتكري اختبار الفاينل الانجليزي كان أطول من الدوري :)

لا ماكااان اطوول نفس الوقت ساااعتين

والدوري كان ساعتين

مايتعاملون الا بالساعتين مايزودو ولا ينقصووا هـع

ووحده قالت لي كذاا كل الأختبارات عندهم ساعتين

اذا اختبار الفاينل ساعتين جبنا العيد

[THE HILL]

ما شاء الله كلامك حلو :)


بس انتو ف البدايه تحسو الوقت ما يكفي وراح تتعودو ع كذا




" اختبار الفاينل كمان ساعتين ^^"

انتو بجامعة مش مدرسة !!

والتحضيري مو زي التخصص حتجيكم اختبارات 30 سؤال في نص ساعه خخخ وكتابه كمان > اتعودو ع السرعه من بدري :)






.....

[THE HILL]

^
^

تبو تبيتو ف القاعه شكلكم :p

[M!SS Lara]

المشاركة الأصلية كتبت بواسطة the hill ^ ^ تبو تبيتو ف القاعه شكلكم :p

ههههههه
ماهو وقت الخاتبار مغاير عن ال بالجامعه ..
في المدارس كنا ننتظر متى ينتهي نص الوقت ليجيبو ورقة التوقيع بس منجد يغير الله من حال إلى حال

[نقآء..!]

يآآريت موضوعك كآن قبل الآختبآرت هههههههه

الله يوووفقك يا شيخه وان شاء الله اعمل بنصايحك

لانو كنت اسلم الورقه وانا ما راجعت >< لان الوقت يكون خلص

[D.Roory]

يعطيك العافية

ومن جد كلام مجربه الطريقة وتاخذ مني ساعه وربع بس لا تطلعين

اجلسي راجعي يعني سبحان الله تفتكرين شي =)

[الهدوء المستحيل]

يعطيكي ـآلعافية ع الموضوع ~

صح كلامكـ لازم نتعود نحل بسرعة وفي نفس الوقت بتركيز

أنا الصراحة ما أراجع أحاول إني في نفس الوقت أحل السؤال وأتأكد منو عشان ما أرجعلو ^^"

كل المواد اللي إختبرتها خرجت في نص الوقت تقريبا ماعدا إختبار الكيميا خلص الوقت وأنا

باقيلي أسئلة كثيرة

بس إن شاء الله الإختبار الثاني يكون أحسن وأحسن ^^