بخصوص دوره الانعاش الرئوي ودوره سبل المحافظه على الحياه

[حلا سمير]

اهلللين بنات

حبيت اسأل عن دوره السي بي ار الا هيا الانعاش الرئوي
ودوره سبل المحافظه على الحياه
لانها من مشروط هيئه التصنيف
للي تعرف فين يسوها ومتى مواعيدها ياليت تخدمني

ولو ابغا اسأل في مستشفى معين مثلا اروح لمين واسأل

مع العلم اني في جده

حتى اللي ماتعرف مواعيدها دحين وقد اخذتها تقلي فين اخذتها وسألت مين !

والله يوفق الجميع يااااارب

[seham alwead]

هلا والله انا اخذتها في مركز الانعاش القلبي الرئوي في مستشفي الملك عبدالعزيز ومركز الاورام
الدورات عندهم طول الاسبوع لو كان زحمة او 3 ايام بالاسبوع على ايامي كانت الرسوم 200 ريال الحين مااعرف هى نفسها ولا تغيرت.. مدتها سنتين ... تكون ليوم واحد من الصباح من الساعه 8- 3 العصر في البدايه فيديو عن الاشياء اللى راح تطبيقينها ... وبعدين يبدا التطبيق العملي تقريبا اربع مراحل يبدا المدرب يطبق بعدين الطلاب بعده ويرصد التقييم
في كل مرحله.. بعدها اختبار نظري ولك حريه الاختيار عربي او انجلش..
ملاحظه: عند التسجيل في الدوره يعطى المسجل كتاب وسي دي عن الدوره وكيفيه التطبيق للاستعداد قبل بداية الدوره
ان شاء الله اكون فدتك...

[حلا سمير]

تسلمي ياسهام الله يوفقك يااااارب

بس سؤال دي مسشتفى الملك عبدالعزيز هيا اللي يسموها المحجر صح ؟

[طــــالبة العُــــــــلا]

المشاركة الأصلية كتبت بواسطة حلا سمير تسلمي ياسهام الله يوفقك يااااارب بس سؤال دي مسشتفى الملك عبدالعزيز هيا اللي يسموها المحجر صح ؟

نعم ..

[حلا سمير]

استغفر الله مره مااحبها حقت الحوادث الله يجيرنا منها ياارب
وكمان بعييييييييييييييده مره

ماتعرفو ازا فيه في مستشفى العسكري او الجامعه

[My days will come]

مسائكم سعادة ورضا من الرحمن ^_^
حتى أنا ابغى اخذ الدورة عشان التصنيف ورخصة اخصائي ما اقدر الا بها ...اللي اعرفه بمستشفى الجامعة
بس متى وكيف ما اعرف !!!!
أنا ودي اذا احد يساعدنا ويخبرنا بمواعيد الدورة بمستشفى الجامعة لا يبخل .. يقولوا هم يعلقوا جدول بالدورة

[shada_Ak]

موجوده اسبوعيا في مستشفى الملك فهد بجده روحي استفسري

بالنسبه للمستشفى الجامعه يسو الدورات فيها بس ما اعرف مواعيدها لكن تقدري تطلي الدور السادس تسجلي وتشوفي

[حلا سمير]

تسلمممممي والله
بس تقصدي الملك فهد للقوات المسلحه ولا العام ؟

ياليييت الا انتظام تطل تشفلنا متى في مسشفى الجامعه

والله يوفقكم كلللللكم يارب

[الأسطّورة]

حبايبي في دوره السي بي آر اللي هي الانعآش القلبي الرئوي
بمستشفى سليمان فقيه يوم 12-12-2011 راح تكون الدوره بالعربي
وفي الأسبوع الجآي أو اللي بعده مو متآكده بس الدوره رح تكون بالانقلش
اليوم قالتلي صحبتي عنهآ و نآويه آخذهآ إنشآء الله يوم 12 ميلادي

و بالنسبه للتسجيل لازم تروحي المستشفى الدور السابع مدري السادس
و تسجلي قبل موعد الدوره بـ 4 أيآم و تدفعي الرسوم

و بالتوفيق للجميع و الله يسهل أمورنآ

[حلا سمير]

تسسسسسسسسسلمي الله يوفقك يارب ويسهلك امورك

ان شاء الله يكون فيه احد يوديني اسجل واحضر لانها برضو بعييييييده عني

برضو الا سألت في مستشفى الجامعه تقلناا

موفقين ياارب