نظره شاملة عن أختبار التوفل 16/ 2

[طالب المزيد]

السلام عليكم ورحمه الله وبركاته

أتشووووووو .. أتشووووووووو (الحمد لله )

شفوا كيف الحظ ليلة الأختبار أصابني الزكام .. الحمد لله علي كل شي .. دخلت الأختبار عناد في المرض (تحدي يعني)


مقر الاختبار للأولاد:
مقر الاختبار خلف مركز البريد اللي في نفس الجامعة يعني تدخل من بوابة 6 تأخذ أول دوار وترجع نفس طريقك .. أول مواقف علي يدك اليمين وقف فيها .

مدة الاختبار :
مدة الاختبار ساعتان .. ولا تنسى تجيب معاك مرسام لان التحديد علي الإجابة يكون بالمرسام .

قبل الاختبار :
راح تلقى أوراق في مكتوب فيها أسمك ورقم الغرفة .. تدخل الغرفة المحددة وتلقى أسمك برضو علي الكرسي اللي تختبر فيه في كل غرفة تقريبا 20 طالب

عن الاختبار :
- كتابة أسمك علي ورقة الإجابة تكون مثل ملف الورد المرفق (ولا تنسى التحديد بالمرسام فقط)
- عدد الأسئلة 150 سؤال موزعه كالتالي إن ما خانتني الذاكرة
50 سؤال استماع
50 سؤال قرامر .. بس عن طريق تركيب الجمل (يعني زي أختبار التوفل الأصلي )
50 سؤال .. تجي عن طريق قطعة وعليها أسئلة .. عدد القطع الظاهر 5 قطع

طريقة الأختبار :
- يشغل الأستاذ اللي معاك في الغرفة أسطوانة علي جهاز أستريو في نفس الغرفة وتبدأ الأسئلة راح تمشي مع الأسطوانة صفحة صفحة (يقلك أقلب الصفحة ورقم السؤال يعني خليك مع الأسطوانة)

- بعد ما تنتهي الاستماع تبدأ بالإجابة علي 100 سؤال الباقية

ملاحظات عن الاختبار:
- الاستماع سهل نوع ما ويكفي إنك تحفظ مفردات وتتدرب علي الاستماع و المفردات في هذه المواضيع
http://www.skaau.com/vb/showthread.php?t=45824
http://www.skaau.com/vb/showthread.php?t=45830
http://www.skaau.com/vb/showthread.php?t=48026

- قسم القرامر و التراكيب في الحقيقة أنا انصدم بهذا القسم مع إني حفظت جميع القواعد ومستعد أشرحها واحد واحد بس أكتشفت إنك لازم تتدرب علي هذه النوعية من الاسئلة بنفس الطريقة فعشان كذا جبت لكم برنامج يحتوي علي 150 أختبار بنفس النوعية هذه (في المرفقات )

- قسم القراءة نوعا ما متوسط بس التركيز له دوره برضو يعني لازم تتدرب علي هذه النوعية من الأسئلة


- لا تفكر كثير في الإجابة .. حل علي طول .. بالكثير دقيقة لكل سؤال

- بالنسبة للوقت أنا لما وصلت السؤال 145 كان باقي دقيقتان .


- الاختبار كان ما بين المتوسط و الصعب .

- تحديد الإجابة بالمرسام لازم تكون واضحة يعني لون الدائرة بشكل جيد


- وفي النهاية وما توفيقي إلا بالله

والله يوفق الجميع
طالب المزيد

[bnms]

يا طالب المزيد طيب انا اتدربت على الليسينق من هذا الموقع بس ما عرفت اجاوب الجزء الأول في اليسيننق كان شخص واحد يتكلم وعليه سؤال طيب انا مالحقت حتى اسمع ايش قال مرة سريع طبعا انصدمت ولخبطت في الباقي ما في موقع زي كدا يدربنا انه شخص واحد يقول جملة وعلى اساسه السؤال

ياربي نعدي ولا ارجع اذاكر مرة تانيه يارب

[رامية]

طالب المزيد والله ما قصرت
الله يحقق لك مرادك

[طالب المزيد]

المشاركة الأصلية كتبت بواسطة bnms يا طالب المزيد طيب انا اتدربت على الليسينق من هذا الموقع بس ما عرفت اجاوب الجزء الأول في اليسيننق كان شخص واحد يتكلم وعليه سؤال طيب انا مالحقت حتى اسمع ايش قال مرة سريع طبعا انصدمت ولخبطت في الباقي ما في موقع زي كدا يدربنا انه شخص واحد يقول جملة وعلى اساسه السؤال ياربي نعدي ولا ارجع اذاكر مرة تانيه يارب

والله الليسنق يعتمد علي أشياء كثيرة

المفردات ، طول المحادثة ، التركيز في بعض المحادثة أنا سرحت فيها وجاوبت من عندي

والتوفيق بيد الله

المشاركة الأصلية كتبت بواسطة رامية طالب المزيد والله ما قصرت

وللجميع إن شاء رامية

[Lele]

جزاك الله ألف خير بكل حرف كتبته اخي طالب المزيد

ماأدري حسيت الاختبار صعب

إجراءات الاولاد تختلف عن إجراءات البنات بشكل كبيييير

يعني إحنا نروح قبل الاختبار ونسلم الاوراق جزء من الاوراق يأخدوها وجزء يعطوها الطالبه تسلمه

للموظفات يوم الاختبار طبعاً لازم صوره شخصيه

لما نسلم الاوراق يدققوا انه الطالبه هي نفسها جايه الاختبار مو غيرها يعطوا الطالبه ورقه مكتوب

عليها رقم القاعه إلي تتوجهي لها... الحمد لله القاعه إلى إختبرت فيها كانت صغيره هذه ميزه حلوه

لاحظت في هذا الاختبار إنه الاجراءات متغيره وهي :

1- ورقه الاسئله تكتبي عليها أسمك (في الاختبار السابق كان ممنوع منعاً باتاً الكتابه علي ورقة الأسئله )

2-ورقة الإجابه مرقمه (شيء جديد)

3-ورقة التوقيع تمر بين الطالبات بطريقه منظمه ، حتي لما نخلص الاختبار تجي المراقبه وتستلم نموذج

الاسئله وطبعاً داخلها ورقة الاجابه من الطالبه بنفس ترتيب الاسامي على ورقة التوقيع

4- لما ننتهي من الاختبار يجو موظفات ياخذو المظاريف للجنه العليا يتأكدوا انه كل طالبه ورقتها

موجوده وموقعه بعد كذا يسمحو لنا بالخروج من القاعات

كلمة حق تقال انهم كانو منظمين بطريقه راائعه لهم كل الشكر

يارب نكون كلنا اخذين أفضل الدرجات

أختكم
Lele

[طالب المزيد]

المشاركة الأصلية كتبت بواسطة bnms ما في موقع زي كدا يدربنا انه شخص واحد يقول جملة وعلى اساسه السؤال

جربي هذا الموقع إن شاء الله يكون مفيدك لك .. وبالتوفيق

http://www.examenglish.com/

المشاركة الأصلية كتبت بواسطة Lele جزاك الله ألف خير بكل حرف كتبته اخي طالب المزيد

شكرا با أخت Lele .. وبالتوفيق للجميع

[ابوفارس1122]

الحمد لله الاختبار كان معقول ..

المسالة (( ادارة وقت )) فقط

[طالب المزيد]

المشاركة الأصلية كتبت بواسطة ابوفارس1122 الحمد لله الاختبار كان معقول .. المسالة (( ادارة وقت )) فقط

يالله بالتوفيق يا أبو فارس

وبالتوفيق للجميع

[صمت الزمن]

فعلا جزاك الله خير وربي يوفق الجميع ولا يضيع لنا تعب

اخت Lele
فعلا لاحظت التنظيم لكن مش زي الأولاد مختلف

كان اول مرة ادخل الإختبار عشان الماجستير وفي الأخير طلع الماجستير ابتعاث خارجي ربي يسهلها

[طالب المزيد]

المشاركة الأصلية كتبت بواسطة صمت الزمن فعلا جزاك الله خير وربي يوفق الجميع ولا يضيع لنا تعب

بالتوفيق للجميع إن شاء الله